ഗൗതമിന്റെ ഭാ​ര്യ ആയതിൽ എനിക്ക് അഭിമാനമേയുള്ളൂ, ഞാനാരാണ് എന്ന് മറന്ന് പോകുന്നവരോട് ഒന്നും പറയാനില്ല; മഞ്ജിമ മോഹൻ പറയുന്നു

Authored by: അശ്വിനി പി|Samayam Malayalam•16 Aug 2025, 7:03 pm

ബാലതാരമായി സിനിമാ ലോകത്ത് എത്തിയതാണ് മഞ്ജിമ മോഹൻ . അന്ന് മികച്ച ബാലതാരത്തിനുള്ള സംസ്ഥാന പുരസ്കാരമുൾപ്പടെ നിരവധി അവാർഡുകളും അംഗീകാരങ്ങളും മഞ്ജിമയ്ക്ക് ലഭിച്ചിട്ടുണ്ട്. നായികയായതിന് ശേഷം വിരലിലെണ്ണാവുന്ന സിനിമകൾ മാത്രമേ ചെയ്തിട്ടുള്ളൂവെങ്കിലും, മികച്ച വേഷങ്ങൾ തിരഞ്ഞെടുത്ത് ചെയ്യാൻ ശ്രമിച്ചിരുന്നു. ഇപ്പോഴും വളരെ സെലക്ടാവായ വേഷം ചെയ്തുകൊണ്ട് മഞ്ജിമ സജീവമാണ്.

വിവാഹത്തിന് മുൻപത്തെ ജീവിതം, വിവാഹത്തിന് ശേഷമുള്ള ജീവിതം എന്ന വ്യത്യാസം ഒന്നും എനിക്കുണ്ടായിട്ടില്ല. വിവാഹം എന്റെ ജീവിതത്തെ ഒരു തരത്തിലും മാറ്റിയിട്ടില്ല എന്നാണ് മഞ്ജിമ മോഹൻ പറയുന്നത്. പക്ഷേ തനിക്ക് ലഭിയ്ക്കുന്ന വിശേഷണം മാറിയതിൽ തുടക്കത്തിൽ നീരസം തോന്നിയിരുന്നു എന്ന് മഞ്ജിമ പറയുന്നു.

Also Read: അനന്തമായ സ്നേഹം; മീനാക്ഷിയുടെ ചിത്രങ്ങൾക്ക് പിന്നാലെ നേരെ വിപരീതമായ ചിത്രങ്ങളുമായി മഞ്ജു വാര്യർ

ചെറുപ്പം മുതൽ സിനിമ ബാക്ക്ഗ്രൗണ്ടിൽ വളർന്ന ആളാണ് ഞാൻ. ഇപ്പോൾ എന്ത് ചെയ്യുന്നു എന്നതിനപ്പുറം, ബാലതാരമായി അഭിനയിക്കുന്ന സമയത്തും നല്ല വേഷങ്ങൾ ചെയ്തിട്ടുണ്ട്. പക്ഷേ വിവാഹത്തിന് ശേഷം അതെല്ലാം എല്ലാവരും മറന്നു. ഗൗതമിന്റെ ഭാര്യ എന്ന വിശേഷണമാണ് ലഭിയ്ക്കുന്നത്. എനിക്കതിൽ പ്രശ്നമില്ല, ഗൗതമിന്റെ ഭാര്യയായതിൽ എനിക്ക് അഭിമാനം മാത്രമേയുള്ളൂ, ഞാനാരാണ് അതിന് മുൻപ് എന്ന് മറന്നവരോട് പ്രത്യേകിച്ച് ഒന്നും പറയാനില്ല- മഞ്ജിമ മോഹൻ പറഞ്ഞു.

Also Read: പേര് മാറ്റി പേളി! 36 വയസായപ്പോഴേക്കും എത്തിപ്പിടിക്കാവുന്നതെല്ലാം നേടി; തന്റെ ജീവിതത്തിലെ റിയൽ ഹീറോ മമ്മിയെന്നും താരം


വിവാഹത്തിന് ശേഷം ഗൗതം നൽകുന്ന പിന്തുണയെ കുറിച്ചും മഞ്ജിമ സംസാരിക്കുന്നുണ്ട്. എനിക്ക് വിവാഹത്തിന് ശേഷം ഇനി മതി എന്നൊക്കെയുള്ള തോന്നലായിരുന്നു, ഹലോ എന്താണ് പരിപാടി എന്ന് ചോദിച്ച് തിരിച്ചുവരാൻ പ്രോത്സാഹനം നൽകിയത് ഗൗതമാണ്. എന്റെ അച്ഛനും ഞാൻ തുടർന്ന് അഭിനയിക്കുന്നതാണ് ഇഷ്ടം. അത് ആദ്യമേ ഗൗതമിനോട് പറഞ്ഞിരുന്നു. അതുകൊണ്ട് അവരുടെ രണ്ടു പേരുടെയും പ്രോത്സാഹനവും പിന്തുണയും എനിക്ക് നല്ല രീതിയിലുണ്ട്- മഞ്ജിമ മോഹൻ പറഞ്ഞു