ഗർഭിണിയായ ഭാര്യയുടെ വയറ്റിൽ തൊട്ട് സത്യം ചെയ്തതാണ് ഇനി അഭിനയിക്കില്ല എന്ന്; അന്ന് സംഭവിച്ചതിനെ കുറിച്ച് വിജയ് സേതുപതി

Authored by: അശ്വിനി പി|Samayam Malayalam•28 Jul 2025, 7:35 pm

ഇന്ന് മക്കൾ സെൽവൻ എന്നറിയപ്പെടുന്ന വിജയ് സേതുപതി യുടെ വളർച്ച പലർക്കും മാതൃകയാണ്. ജൂനിയർ ആർട്ടിസ്റ്റ് എന്ന നിലയിൽ തുടങ്ങി, ഇന്ന് തമിഴകത്ത് ഏറ്റവും താരമൂല്യമുള്ള നടനായി വളർന്നിരിയ്ക്കുന്നു. ഇപ്പോൾ തലൈവൻ തലൈവി എന്ന ചിത്രം റിലീസ് ചെയ്ത് വിശേഷങ്ങളുമായി വാർത്തകളിൽ നിറഞ്ഞു നിൽക്കുകയാണ് വിജയ് സേതുപതി.

ഭാര്യാ ഭർത്താക്കന്മാർക്കിടയിലുള്ള തർക്കങ്ങളും പ്രണയവുമൊക്കെയാണ് സിനിമയുടെ വിഷയം. ചിത്രത്തിന്റെ വിശേഷങ്ങൾ പങ്കുവയ്ക്കവെ തന്റെയും ഭാര്യയുടെയും ഇടയിൽ നടന്ന ചില പ്രശ്നങ്ങളെ കുറിച്ചും ഒരു പ്രോമിസിനെ കുറിച്ചും വിജയ് സേതുപതി തുറന്നു പറയുകയുണ്ടായി.

Also Read: ആ പച്ചാ പച്ച്; ഏറ്റുപാടി പ്രിയങ്ക ചോപ്രയും നിക്ക് ജോനസും; ബ്ലാക്ക്പിങ്കിന്റെ ലൈവ് ഷോയിൽ പങ്കെടുത്ത് താരദമ്പതികൾ

കല്യാണം കഴിക്കുന്ന സമയത്ത് എനിക്ക് സിനിമയിൽ അഭിനയിക്കാനുള്ള ആഗ്രഹത്തെ കുറിച്ചൊന്നും ഭാര്യയ്ക്ക് അറിയില്ലായിരുന്നു. അന്ന് ഞാൻ ദുബായിൽ ജോലിയായിരുന്നു. കല്യാണം കഴിഞ്ഞിട്ട് ദുബായിലേക്ക് തിരിച്ചു പോകും എന്നാണ് പറഞ്ഞിരുന്നത്. പക്ഷേ അപ്പോഴേക്കും ഗർഭിണിയായതോടെ, ഇനി പോകേണ്ട എന്ന് വച്ചു. കുഞ്ഞ് ജനിച്ച് ഒരു വർഷം കഴിഞ്ഞ് വന്നാണോ നീ കുഞ്ഞിനെ കാണുന്നത്, അതൊന്നും വേണ്ട എന്ന് ഭാര്യ പറഞ്ഞു. അങ്ങനെ നാട്ടിൽ തന്നെ എന്തെങ്കിലും ജോലി നോക്കാം എന്നായി.

ഭാര്യ ആ സമയത്ത് അണ്ണനഗറിൽ ജോലി ചെയ്യുന്നുണ്ടായിരുന്നു. അവളെ അവിടെ കൊണ്ടു വിടാൻ പോകുമ്പോൾ ബൈക്കിൽ വച്ച് വഴക്കുണ്ടായി, ഉടനെ അവൾ ബൈക്കിൽ നിന്ന് ചാടി. അവിടെ നിന്ന് ഒന്നും പറയാൻ പറ്റില്ലായിരുന്നു. ഞാൻ അവിടെ നിന്ന് സമാധാനപ്പെടുത്തി അവളെ വീട്ടിലേക്ക് കൊണ്ടു പോയി. അന്ന് ഭാര്യ ആറ് മാസം ഗർഭിണിയായിരുന്നു.


പോർട്ട്ഫോളിയോ ആക്കി വയ്ക്കാനായി എടുത്തുവച്ച ഫോട്ടോ കണ്ടപ്പോൾ ഭാര്യ അതൊക്കെ എടുത്തിട്ട് അവളുടെ വീട്ടിലേക്ക് പോയി. നിന്റെ ഭാര്യ പിണങ്ങിപ്പോകുകയാണെടാ എന്ന് അമ്മ പറഞ്ഞപ്പോൾ ഞാനും പിന്നാലെ പോയി. സംസാരിച്ച് സമാധാനിപ്പിച്ച്, അവസാനം അവളുടെ വയറ്റിൽ കൈ വച്ച് സത്യം ചെയ്തതിന് ശേഷമാണ് പിണക്കം മാറ്റി തിരിച്ചുവന്നത്. ഇന്ന് എന്റെ മകൻ സിനിമയിൽ ഹീറോ ആണ്- വിജയ് സേതുപതി പറഞ്ഞു.