ചക്കരക്കുട്ടനായ ലാലേട്ടൻ, ആ ചിരിയാണ് എല്ലാവരെയും കീഴടക്കുന്നത്; മോഹൻലാലിനെ കുറിച്ച് കീർത്തി സുരേഷ്

Authored by: അശ്വിനി പി|Samayam Malayalam•25 Sept 2025, 12:15 pm

മോഹൻലാലിന് ദാദാസാഹെബ് ഫൽകെ പുരസ്കാരം ലഭിച്ചത് മലയാള സിനിമയുടെ ഒരു വലിയ നേട്ടമായിട്ടു തന്നെയാണ് കേരളം കാണുന്നത്. ഈ പുരസ്കാരം മലയാള സിനിമയ്ക്ക് സമർപ്പിയ്ക്കുന്നു എന്നും, ഇത് മലയാള സിനിമയുടെ പുരസ്കാരമാണെന്നുമാണ് മോഹൻലാലും പറഞ്ഞത്. പുരസ്കാര വേദിയിൽ മോഹൻലാലിന് ലഭിച്ച കൈയ്യടികളും ആദരവും മലയാളികളെ വളരെ അധികം ഇമോഷണലാക്കിയ ഒന്നുകൂടെയാണ്.

പ്രിയപ്പെട്ട ലാലേട്ടന്റെ പുരസ്കാര ലബ്ധിയിലുള്ള സന്തോഷവും അഭിമാനവും ഓരോരുത്തരും പങ്കുവയ്ക്കുന്നു. സിനിമാ ഇന്റസ്ട്രിയിലുള്ള എല്ലാവരും മോഹൻലാലിനെ അഭിനന്ദിച്ചും പ്രശംസിച്ചും സ്നേഹം പങ്കുവച്ചും എത്തിയിരുന്നു. അക്കൂട്ടത്തിൽ കീർത്തി സുരേഷുമുണ്ട്. മോഹൻലാൽ പുരസ്കാരം വാങ്ങിക്കുന്ന ഫോട്ടോയും, തന്നെയും ഭർത്താവ് ആന്റണി തട്ടിലിനെയും ചേർത്തു പിടിച്ച് ലാലേട്ടൻ നിൽക്കുന്ന ഒരു ഫോട്ടോയും പങ്കുവച്ചുകൊണ്ടാണ് കീർത്തിയുടെ ഇൻസ്റ്റഗ്രാം സ്റ്റോറി.

Also Read: കുറേ ആയി നിങ്ങൾ എന്നോട് ചോദിക്കുന്ന കാര്യത്തിന് ഉത്തരം! എന്റെ സ്വന്തം ഇഷ്ടത്തിന് എടുത്ത തീരുമാനം

ഇന്ത്യൻ സിനിമയുടെ ഏറ്റവും അഭിമാന നിമിഷങ്ങളിലൊന്ന്! കംപ്ലീറ്റ് ആക്ടർ മാത്രമല്ല, ഏറ്റവും അനായാസം പെർഫോം ചെയ്യുന്ന ഒരാൾ. കോമഡിയാണെങ്കിലും ഇമോഷണൽ ആണെങ്കിലും പരിശുദ്ധമായ എന്റർടൈൻമെന്റ്. ആ ചിരിയാണ് മാസ് ഓഡിയൻസിനെ കൊണ്ടുവരുന്നത്, ശരിക്കും ചക്കരക്കുട്ടനായ ലാലേട്ടൻ, ഞങ്ങൾ എല്ലാവരും അത്രയും ഇഷ്ടപ്പെടുന്നു. ഇമോഷൻസ് കണ്ണിലൂടെ മാത്രമല്ല, വിരൽ തുമ്പുകൾ കൊണ്ടു പോലും അവതരിപ്പിയ്ക്കുന്ന നടൻ. ഈ ബഹുമതിയ്ക്ക് അഭിനന്ദനങ്ങൾ ലാൽ അങ്കിൾ. ഈ ഒരു പുരസ്കാരത്തിന് ശരിക്കും അങ്ങ് അർഹനാണ്- കീർത്തി എഴുതി.

Also Read: മതവും പേരും മാറ്റി, ഇപ്പോൾ സാക്ഷി ബി ദേവരാജ്, മൂന്ന് കുട്ടികളുടെ അമ്മ; പാരിജാതത്തിലെ രസ്ന എവിടെ, എന്തു ചെയ്യുന്നു?


മോഹൻലാലിന്റെ ഏറ്റവും അടുത്ത സുഹൃത്തായ സുരേഷ് കുമാറിന്റെ മകൾ എന്ന വാത്സല്യം തുടക്കം മുതലേ മോഹൻലാലിന് കീർത്തി സുരേഷിനോട് ഉണ്ടായിരുന്നു. അതുകൊണ്ട് തന്നെയാണ് കീർത്തി അരങ്ങേറ്റം കുറിച്ച ഗീതാഞ്ജലി എന്ന ചിത്രത്തിൽ ഡോക്ടർ സണ്ണിയായി മോഹൻലാൽ തിരിച്ചു വന്നതും. കീർത്തിയുടെ ആദ്യ ചിത്രം തന്നെ ദ ലെജന്റ് ആക്ടറിനൊപ്പമായിരുന്നു. പിന്നീട് മരക്കാർ അറബിക്കടലിന്റെ സിംഹം എന്ന പ്രിയദർശൻ - മോഹൻലാൽ ചിത്രത്തിലും കീർത്തി ചെറിയൊരു വേഷം ചെയ്തു.