ചക്കി ഇല്ലാതെ എനിക്കൊന്നും പറ്റില്ല, കല്യാണം കഴിഞ്ഞ് പോയതിലെ വിഷമം പങ്കുവച്ച് കാളിദാസ് ജയറാം

ജയറാം - പാര്‍വ്വതി ദമ്പതികളുടെ പ്രണയം ഇതിനോടകം പല ആവര്‍ത്തി ഇന്റസ്ട്രിയ്ക്ക് അകത്തുള്ളവരും പുറത്തുള്ളവരും സംസാരിച്ചു കഴിഞ്ഞതാണ്. ഇന്നും തുടരുന്നു ആ പ്രണയ ബന്ധം. അച്ഛന്റെയും അമ്മയുടെയും സ്‌നേഹം കണ്ട് വളര്‍ച്ച ചക്കിക്കും ( മാളവിക ജയറാം ) കണ്ണനും ( കാളിദാസ് ജയറാം ) ഇടയിലും ആ സ്‌നേഹം അത്രയേറെ സ്വാധീനിച്ചിട്ടുണ്ട്. എനിക്ക് സഹോദരിയല്ല, ഞങ്ങള്‍ ബ്രദേഴ്‌സിനെ പോലെയാണെന്നാണ് കാളിദാസ് പറയുന്നത്.

വീട്ടില്‍ ഏറ്റവും സപ്പോര്‍ട്ടീവ് ആയിട്ടുള്ള ആള് ചക്കിയാണത്രെ. ജയറാമിന്റെ കരിയറില്‍ സിനിമകളുടെ തുടര്‍ പരാജയങ്ങള്‍ നേരിട്ടിരുന്ന ഒരു കാലമുണ്ടായിരുന്നു. അന്ന് കുടുംബം മുഴുവന്‍ കൂടെ നിന്നു, കണ്ണനും പാര്‍വ്വതിയും എല്ലാം. പക്ഷേ അറ്റവും അധികം പോസിറ്റീവ് എനര്‍ജി നല്‍കിയത് ചക്കിയാണെന്ന് ജയറാം പറയുന്നുണ്ട്.

Also Read: രണ്ടുകുഞ്ഞുങ്ങളെ പെറ്റ വയറാണ്, ഒരു അബോര്ഷനും; ആരെങ്കിലും പറഞ്ഞുകൊടുക്കൂ! എന്റെ ശരീരം എന്റെ അഭിമാനമെന്ന് പേളി

അപ്പയ്ക്ക് മാത്രമല്ല, തനിക്കും ഏറ്റവും അധികം പിന്തുണ നല്‍കുന്ന ആള് ചക്കിയാണ് എന്നാണ് കാളിദാസ് ജയറാം പറഞ്ഞത്. എനിക്ക് എന്തെങ്കിലും ഒന്നുണ്ടെങ്കില്‍ ആദ്യം ഞാന്‍ ഫോണെടുത്ത് വിളിക്കുന്നത് എന്റെ അനിയത്തി ചക്കിയെ തന്നെയാണ്. ഇപ്പോള്‍ കല്യാണം കഴിഞ്ഞ് വിദേശത്താണ്. സഹോദരങ്ങള്‍ക്കിടയില്‍ എപ്പോഴും ഒരു ഇന്‍സൈഡ് ജോക്ക് ഉണ്ടാവുമല്ലോ, എനിക്ക് അങ്ങനെ എന്തെങ്കിലും പെട്ടന്ന് ഷെയര്‍ ചെയ്യണമെങ്കില്‍ പോലും ചക്കി കൂടെയില്ലല്ലോ എന്ന വിഷമമുണ്ട്. ഞങ്ങള്‍ എത്രത്തോളം ക്ലോസ് ആണെന്ന് ചോദിച്ചാല്‍, ചേട്ടനും അനിയത്തിയുമല്ല, സഹോദരന്മാരെ പോലെയാണ്- കാളിദാസ് പറഞ്ഞു

2024 മെയ് മാസത്തിലാണ് ചക്കി എന്ന് വിളിക്കുന്ന മാളവികയുടെയും യുഎസ് ബേസ്ഡ് മലയാളി ബിസിനസ്സുകാരനായ നവനീത് ഗിരീഷിന്റെയും വിവാഹം നടന്നത്. കേരളക്കരയെ സംബന്ധിച്ചും അതൊരു ആഘോഷമായിരുന്നു. അതേ വര്‍ഷം തന്നെ ഡിസംബറില്‍ കാളിദാസിന്റെയും വിവാഹം കഴിഞ്ഞു. നടിയും മോഡലുമൊക്കെയായ തരിണി കലിങ്കയാറാണ് കാളിദാസിന്റെ ഭാര്യ.

ഷൂട്ടിങ് തിരക്കുകളില്‍ നിന്ന് ചെറിയൊരു ബ്രേക്ക് കിട്ടിയാലും ഭാര്യയ്‌ക്കൊപ്പം ചക്കിയെ കാണാന്‍ യുഎസിലേക്ക് പോകും എന്ന് നേരത്തെ കാളിദാസ് പറഞ്ഞിട്ടുണ്ട്. ആശകള്‍ ആയിരം എന്ന ചിത്രത്തിന്റെ ഷൂട്ടിങ് പൂര്‍ത്തിയാക്കിയ ഉടനെ കാളിയും തരിണിയും യുകെയിലേക്ക് പോയിരുന്നു. ക്രിസ്മസ് - ന്യൂ ഇയര്‍ ആഘോഷം അവിടെ മാളവികയ്ക്കും നവനീതിനുമൊപ്പമായിരുന്നു. ആ ചിത്രങ്ങള്‍ സോഷ്യല്‍ മീഡിയയില്‍ പങ്കുവയ്ക്കുകയും ചെയ്തിരുന്നു