ചരിത്രം കുറിച്ച് ബുംറ; ആ സുപ്രധാന പട്ടികയിൽ ഇനി ബുംറയുടെ പേരും

Edited byഅനുഷ ഗംഗാധരൻ | Samayam Malayalam | Updated: 24 Apr 2025, 9:13 am

ഹൈദരാബാദ്: സൺറൈസേഴ്‌സ് ഹൈദരാബാദ് - മുംബൈ ഇന്ത്യൻസ് മത്സരത്തിൽ ചരിത്രം കുറിച്ച് ജസ്പ്രീത് ബുംറ. 300 വിക്കറ്റുകൾ സ്വന്തമാക്കിയവരുടെ പട്ടികയിൽ ഇനി ബുംറയുടെ പേരും ഉണ്ടാകും. കഴിഞ്ഞ ദിവസം നടന്ന മാച്ചിൽ സൺറൈസേഴ്‌സ് ഹൈദരാബാദിന്റെ ഇന്നിങ്സിന്റെ അവസാന ഓവറിൽ ഹെൻറിച്ച് ക്ലാസൻ്റെ വിക്കറ്റ് വീഴ്ത്തിയപ്പോൾ ആണ് ഇന്ത്യൻ പേസർ ഈ നേട്ടം കൈവരിക്കുന്നത്.
കിടിലന്‍ തിരിച്ചുവരവ്; തുടര്‍ച്ചയായ നാലാം ജയം, ഐപിഎല്ലില്‍ മുംബൈ ഇന്ത്യന്‍സ് മൂന്നാം സ്ഥാനത്ത്ടി20 മത്സരങ്ങളിൽ ഏറ്റവും കുറഞ്ഞ ഇന്നിങ്സിൽ 300 വിക്കറ്റ് തികച്ച താരം, ഈ നേട്ടം കൈവരിക്കുന്ന പട്ടികയിൽ മൂന്നാം സ്ഥാനക്കാരനാണ്. 237 ടി20 ഇന്നിങ്‌സുകളിൽ നിന്നാണ് ബുംറ 300 വിക്കറ്റ് തിക്കാകുന്നത്. ആൻഡ്രൂ ടൈ (208 ഇന്നിംഗ്‌സ്), ലസിത് മലിംഗ (217 ഇന്നിംഗ്‌സ്) എന്നിവരാണ് പട്ടികയിൽ അദ്ദേഹത്തിന് മുന്നിലുള്ളത്. ഇന്ത്യൻ ബൗളർമാരിൽ, 318 വിക്കറ്റുകളുമായി ഭുവനേശ്വർ കുമാർ ആണ് ഒന്നാം സ്ഥാനത്തുള്ളത്. രണ്ടാം സ്ഥാനത് ജസ്പ്രീത് ബുംറയും.
ഇതോടെ യുസ്വേന്ദ്ര ചാഹൽ, പിയൂഷ് ചൗള എന്നിവർക്കൊപ്പം ടി20 ക്രിക്കറ്റിൽ 300 വിക്കറ്റ് ക്ലബ്ബിൽ ചേരുന്ന നാലാമത്തെ ഇന്ത്യക്കാരനായി ബുംറയും മാറി. അതേസമയം മുംബൈ ഇന്ത്യൻസ് - സൺറൈസേഴ്‌സ് മത്സരത്തെ മത്സരത്തിൽ ടോസ് നേടിയ മുംബൈ ഇന്ത്യൻസ് ഫീൽഡിങ് തെരഞ്ഞെടുക്കുകയായിരുന്നു. സൺറൈസേഴ്‌സ് ഹൈദരാബാദിനോട് 7 വിക്കറ്റിന് ജയിച്ച മുംബൈ ആരെയും ഞെട്ടിക്കും വിധമാണ് പോയിന്റ് ടേബിളിൽ മൂന്നാം സ്ഥാനം സ്വന്തമാക്കിയത്.

ആദ്യ ബാറ്റ് ചെയുത ഹൈദരാബാദ് നിശ്ചിത 20 ഓവറുകളിൽ 8 വിക്കറ്റ് നഷ്ടത്തിൽ 143 റൺസ് നേടിയപ്പോൾ മുംബൈ ഇന്ത്യൻസ് 15.4 ഓവറിൽ ലക്ഷ്യം മറികടന്നു. ഹൈദരാബാദിന്റെ ഓപ്പണർമാർ അതിവേഗം പവലിയനിലേക്ക് മടങ്ങിയപ്പോൾ മൂന്നാമനായും നാലാമനായും ഇറങ്ങിയ താരങ്ങൾ ഓപ്പണർമാരെ പിന്തുടർന്ന് പവലിയനിലേക്ക് തന്നെ മടങ്ങി. ഇത് ഹൈദരാബാദിന്റെ താളം തെറ്റിച്ചു. ഹെൻറിച്ച് ക്ലാസ്സെനും ഇമ്പാക്ട് പ്ലേയർ ആയി ഇറങ്ങിയ അഭിനവ് മനോഹറും ആണ് ഹൈദരാബാദിന്റെ സ്കോർ ബോർഡിൽ ചലനങ്ങൾ സൃഷ്‌ടിച്ച താരങ്ങൾ. ഹെൻറിച്ച് 71 റൺസും അഭിനവ് 43 റൺസും നേടി.

മുംബൈയുടെ ട്രെന്റ് ബോൾട്ടൺ സൺറൈസേഴ്‌സ് ഹൈദരാബാദിനെ തകർത്തത്. 4 വിക്കറ്റുകളാണ്‌ താരം കഴിഞ്ഞ മാച്ചിൽ സ്വന്തമാക്കിയത്. അതേസമയം മുംബൈയ്ക്ക് അനായാസമായി ലക്ഷ്യം മറികടക്കാൻ സാധിച്ചു. ഓപ്പണർ ആയ രോഹിത് ശർമ ഏറെ നേരം ക്രീസിൽ തുടരുന്നതാണ് മുംബൈയ്ക്ക് ജയം അനായാസമാകാൻ കാരണം. 46 പന്തിൽ 8 ഫോറുകളും 3 സിക്സറുകളും പറത്തി 70 റൺസാണ് രോഹിത് നേടിയത്. സൂര്യകുമാർ യാദവ് 40 റൺസും വിൽ ജാക്സ് 22 റൺസും റിയാൻ റിക്കിൾട്ടൺ 11 റൺസും തിലക് വർമ 2 റൺസും സ്വന്തമാക്കിയപ്പോൾ മുംബൈ 15.4 ഓവറിൽ കളി അവസാനിപ്പിച്ചു.