ചരിത്രം കുറിച്ച് ഷമി; ഇനി എലൈറ്റ് ക്ലബ്ബിൽ ഒന്നാമൻ, ഐപിഎൽ ചരിത്രത്തിൽ റെക്കോഡ്

Edited byഅനുഷ ഗംഗാധരൻ | Samayam Malayalam | Updated: 26 Apr 2025, 5:54 pm

ചെന്നൈ: ഐപിഎൽ ചരിത്രത്തിൽ പുതു റെക്കോഡ് കുറിച്ച് മുഹമ്മദ് ഷമി. കഴിഞ്ഞ ദിവസത്തെ സൺ റൈസേഴ്സ് ഹൈദരാബാദ് ചെന്നൈ സൂപ്പർ കിങ്സ് പോരിലാണ് ക്രിക്കറ്റ് ലോകം ഷമിയുടെ സ്കില്ലിനും അപൂർവ റെക്കോർഡിനും വേദിയായത്. ചെന്നൈയുടെ പുതു താരോദയമായ ഷെയ്ക് റഷീദിനെ ആദ്യ പന്തിൽ പുറത്താക്കിയാണ് ഷമി ഐപിഎലിൽ ഈ അപൂർവ നേട്ടത്തിന് അർഹനായത്. ഇത് നാലാം തവണയാണ് ഷമി ആദ്യ പന്തിൽ വിക്കറ്റ് നേടുന്നത്. ഇതോടെയാണ് ഐപിഎൽ ചരിത്രത്തിൽ താരം തന്റെ പേര് എഴുതി ചേർത്തത്.
ചെന്നൈയ്ക്ക് വീണ്ടും തോൽവി; നിരാശനായ ധോണിയുടെ വീഡിയോ പുറത്ത്, ഏറ്റെടുത്ത് സോഷ്യൽ മീഡിയചെന്നൈ ചിദംബരം സ്റ്റേഡിയത്തിൽ 25നു നടന്ന കളിയിൽ ടോസ് നേടിയ ഹൈദരാബാദ് ബോളിങ് തിരഞ്ഞെടുക്കുകയായിരുന്നു. 23ന് മുംബൈ ഇന്ത്യൻസുമായി നടന്ന കളിയിൽ ഷമി ഇറങ്ങിയിരുന്നില്ല. ഹൈദരാബാദ് ജഴ്സി അണിഞ്ഞുള്ള ആദ്യ കളിയിൽ തന്നെ ഷെയ്ക് റഷീദിനെ ഗോൾഡൻ ഡക്ക് ആക്കി പുറത്താക്കിയാണ് താരം തന്റെ വരവറിയിച്ചത്.

ഇത് നാലാം തവണയാണ് ഷമിയുടെ അസാധ്യ ബോളിങ് മികവിന് ഐപിഎൽ വേദിയാകുന്നത്. 2014ൽ ഡൽഹി ഡെയർ ഡെവിൾസിനായി കളിച്ചപ്പോൾ എതിരാളികളായിരുന്ന കൊൽക്കത്ത നൈറ്റ് റൈഡർസിന്റെ ജാക്വസ് കല്ലിസിനെ ആദ്യ ബോളിനു പുറത്താക്കി ആയിരുന്നു ഷമിയുടെ റെക്കോർഡിലേക്കുള്ള കാൽവയ്പ്പ്. ദുബായിൽ വെച്ചായിരുന്നു ഈ മത്സരം.

2022 സീസണിൽ ഗുജറാത്ത് ടൈറ്റൻസിനായി ഷമി കളിച്ചപ്പോൾ കെ എൽ രാഹുലിനെ ആദ്യ ബോളിന് പുറത്താക്കിയും ഷമി ശ്രദ്ധ നേടിയിരുന്നു. വാങ്കഡെ സ്റ്റേഡിയത്തിൽ ആയിരുന്നു ഈ മത്സരം. ഗുജറാത്തിനായി മറ്റൊരു മത്സരത്തിൽ ഡൽഹി ക്യാപിറ്റൽസ് താരമായ ഫിൽ സാൾട്ടിനെ പുറത്താക്കി ആയിരുന്നു ഷമിയുടെ മറ്റൊരു നേട്ടം. അഹമ്മദാബാദിലെ നരേന്ദ്ര മോദി സ്റ്റേഡിയത്തിൽ 2023ൽ നടന്ന കളിയിൽ ആയിരുന്നു ഇത്.

ഇതുവരെ മറ്റു താരങ്ങൾക്ക് മൂന്ന് വിക്കറ്റ് മാത്രമേ നേടാൻ സാധിച്ചിട്ടുള്ളു. 2013ൽ കൊൽക്കത്ത നൈറ്റ് റൈഡറേഴ്സിനായി ഐപിഎലിൽ അരങ്ങേറ്റം കുറിച്ച ഷമി തുടർന്നു ഡൽഹി, കിങ്സ് ഇലവൻ പഞ്ചാബ് എന്നീ ടീമുകൾകായും കളിച്ചിട്ടുണ്ട്.

അതേസമയം കഴിഞ്ഞ ദിവസം ചെന്നൈയുമായുള്ള മത്സരത്തിൽ ജയിച്ചതോടെ പോയിന്റ് ടേബിളിൽ തങ്ങളുടെ സ്ഥാനം മെച്ചപ്പെടുത്തിയിരിക്കുകയാണ് സൺറൈസേഴ്‌സ് ഹൈദരാബാദ്. ചെന്നൈ മുന്നോട്ടുവെച്ച 155 എന്ന വിജയലക്ഷ്യം 18.4 ഓവരിൽ മറികടന്നു.