ചിരി സഹിക്കാൻ പറ്റുന്നില്ലല്ലോ, ഇതൊക്കെ എന്താണ്; ജങ്കൂക്കും വിന്ററും പ്രണയത്തിലാണെന്ന ​ഗോസിപ്പുകൾ പൊളിച്ചടുക്കി ആരാധകർ

Authored by: അശ്വിനി പി|Samayam Malayalam•10 Jul 2025, 3:35 pm

സൈനിക സേവനം പൂർത്തിയാക്കി എത്തിയ ബിടിഎസ് താരങ്ങളെ കുറിച്ച് ഓരോ ദിവസവും ഓരോ വാർത്തകളാണ് വന്നുകൊണ്ടിരിയ്ക്കുന്നത്. അതിൽ ഏര്റവും ഹോട്ട് ടോപിക് ആയിരുന്നു, ജങ്കൂക്കിന്റെ പ്രണയ വാർത്തകൾ. കെ പോപ് ലോകത്തെ സ്ത്രീകളുടെ ബാന്റ് ആയ aespa യുടെ വിന്ററുമായി ജങ്കോക്ക് പ്രണയത്തിലാണെന്നായിരുന്നു വാർത്തകൾ

ഒരുപോലത്തെ ആഭരണങ്ങൾ ധരിച്ചു, തൊപ്പി ധരിച്ചു, ഡ്രസ്സ് ധരിച്ചു, ഒരേ ജിമ്മിൽ പോകുന്നു, ടാറ്റുവിനോട് പ്രിയം എന്നൊക്കെ പറഞ്ഞായിരുന്നു ഗോസിപ്പുകൾ പുറത്തുവന്നത്. എന്നാൽ അത് കംപ്ലീറ്റ് പൊളിച്ച് കൈയ്യിൽ കൊടുക്കുകയാണ് ആരാധകർ. ഇതൊക്കെ വെറും സങ്കൽപങ്ങളാണെന്നും, ഇത്തരം ഗോസിപ്പുകൾ അവസാനിപ്പിക്കുന്നതാവും നല്ലത് എന്നുമാണ് ബിടിഎസ് ആർമി പറയുന്നത്.

Also Read: Love Island USA സീസൺ 7 അവസാനത്തോട് അടുക്കുന്നു; ഗ്രാന്റ് ഫിലാനെ എപ്പോഴാണ് എന്നറിയണ്ടേ? ആരായിരിക്കും ആ പ്രണയ ജോഡികൾ

സുഗയും ജിമിനും ജങ്കൂക്കും അടുത്ത ആൽബത്തിന്റെ മുന്നൊരുക്കങ്ങൾക്കായി അമേരിക്കയിലേക്ക് പോകുകയാണ്. മൂന്ന് പേരുടെയും എയർപോർട്ട് ചിത്രങ്ങൾ പുറത്തുവന്നതിൽ, ജങ്കൂക്കിന്റെ കൈ വിരലുകളിലെ നെയിൽ ആർട്ട് സോഷ്യൽ മീഡിയ ശ്രദ്ധ നേടി. നീലയും കറുപ്പും നിറത്തിലുള്ള നെയിൽ പോളിഷ് ചെയ്ത ജങ്കൂക്കിന്റെ വിരലുകൾ ചിലർ സൂം ചെയ്തു.

ചിലർ ജങ്കൂക്കിന്റെ വ്യത്യസ്തവും ബോൾഡുമായ സ്റ്റൈലിനെ പ്രശംസിച്ചപ്പോൾ, മറ്റുചിലർ ഇതിനെ വിന്ററുമായി താരതമ്യപ്പെടുത്തുകയാണ് ചെയ്തത്. അടുത്തിടെ ഒരു പാരിപാടിയ്ക്ക് പങ്കെടുക്കാനെത്തിയ വിന്ററും നീലയും കറുപ്പും നിറത്തിലുള്ള നെയിൽ പോളിഷ് ഇട്ടിരുന്നു. ഇരുവരും തങ്ങളുടെ ബന്ധം സൂചിപ്പിക്കാൻ വേണ്ടിയാണോ ഇതുപോലെ മാച്ചിങ് കാര്യങ്ങൾ ചെയ്യുന്നത് എന്നാണ് ഗോസിപ്പുകാരുടെ സംശയം.

ഇതൊക്കെ ഒരു കാരണമാണോ, കാണുമ്പോൾ തന്നെ ചിരി വരുന്നു എന്ന് പറഞ്ഞ് പുച്ഛിച്ചു തള്ളുകയാണ് ആരാധകർ. നെയിൽ ആർട്ടുകൾ ബിടിഎസ്സിലെ മിക്ക താരങ്ങളും ചെയ്യുന്നതാണ്. ഒരേ ജിമ്മിൽ പോകുന്നു എന്നതോ, ഒരു ബ്രാന്റിന്റെ സാധനങ്ങൾ ഉപയോഗിക്കുന്നതുമൊന്നും പ്രണയ ബന്ധത്തിന്റെ സൂചനയല്ല എന്ന് ആർമി പോസ്റ്റ് ചെയ്യുന്നു.

അതിനിടയിൽ ബ്ലാക്ക്പിങ്കിന്റെ റോസുമായി പ്രണയത്തിലാണ് എന്ന തരത്തിലുള്ള ഗോസിപ്പുകളും പുറത്തുവന്നിരുന്നു. റോസ് ലോസ് ഏഞ്ചൽസിലേക്ക് യാത്ര ചെയ്തിരുന്നു എന്നതായിരുന്നു കാരണം. എന്നാൽ, അവരുടെ യാത്ര BLACKPINK-ന്റെ സംഗീത കച്ചേരിയുടെ തയ്യാറെടുപ്പുകൾക്കായിരുന്നു, അതിനാൽ ഇത് മിക്കവർക്കും സംശയകരമായി തോന്നിയില്ല.