ചിറകുകൾ മുറിച്ച് വീഴ്ത്താൻ ഒരാൾ ശ്രമിച്ചു, പക്ഷേ ആ വ്യക്തിയെ മനസിലാക്കി ഇപ്പോൾ ഉയർന്ന് പറക്കുകയാണ് അവൾ; മഞ്ജുവിന്റെ മാറ്റം

ജീവിതത്തിൽ പല പ്രതിസന്ധികളിലൂടെ കടന്നുപോകേണ്ടിവന്ന ആളുകൾ ആണ് മറ്റുള്ളവർക്ക് പ്രചോദനമാകുക. അത്തരത്തിൽ ഏവർക്കും പ്രിയങ്കരിയായ, മിക്ക ആളുകൾക്കും റോൾ മോഡൽ ആയ ആളാണ് മഞ്ജു വാര്യർ. പേരിലെ വാര്യറിനെ അന്വർത്ഥം ആക്കുന്ന മഞ്ജു ഇപ്പോൾ മലയാളത്തിൽ മാത്രമല്ല അന്യഭാഷാ രംഗത്തും സജീവമാണ്. മഞ്ജുവിന്റെ സിനിമ എന്നപോലെ തന്നെ സ്ത്രീ എന്ന നിലയിൽ മഞ്ജു എത്തപ്പെടുന്ന മേഖലകളെ കുറിച്ചുകൂടി സോഷ്യൽ മീഡിയയിൽ വലിയ ചർച്ചകൾ തന്നെയാണ് നടക്കുക. അത്തരത്തിൽ തന്റെ സൂപ്പർ ബൈക്കിൽ ധനുഷ്കോടിയിലൂടെ ചാറ്റൽ മഴ നനഞ്ഞു ബൈക്ക് പറപ്പിച്ചുപോകുന്ന മഞ്ജുവിന്റെ വീഡിയോ ക്ഷണനേരം കൊണ്ടാണ് വൈറൽ ആയത്.

ഇപ്പോൾ ആ യാത്രയുടെ ഒരു എ ഐ ആവിഷ്കാരം ആണ് സോഷ്യൽ മീഡിയയിൽ നിറയുന്നത്. മഞ്ജുവിന്റെ ഒരു സിനിമ ഡയലോഗിന് ഒപ്പമാണ് പാവടക്കാരിയായ മഞ്ജുവിൽ നിന്നും ബൈക്കിൽ പായുന്ന മഞ്ജുവിനെ മനോഹരമായി അവതരിപ്പിച്ചിരിക്കുന്നത്. മഞ്ജു തന്നെ ഈ വീഡിയോ തന്റെ സ്റ്റാറ്റസ് ആയി പങ്കുവച്ചെത്തി.

ചിറക് വിരിച്ചു പറന്ന് ഉയരാൻ നമ്മളിൽ പലരും ആഗ്രഹിക്കുന്നു ...സ്വപ്നങ്ങൾ കാണണം അത് എത്തി പിടിക്കാൻ പരിശ്രമിക്കണം...നമ്മളിൽ പലരും പറന്നു ഉയരാൻ ആഗ്രഹിക്കുന്നവർ ആണ് .ക്യാപ്‌ഷനിൽ വൈറൽ ആകുന്ന വീഡിയോ ഇതിനകം മില്യൺ കാഴ്ചക്കാർ ആണ് കണ്ടത് ഒപ്പം നിറയെ അഭിപ്രായങ്ങളും.

ALSO READ: 4 ദിവസം പ്രായമായ, കഴുത്ത് പോലും ഉറച്ചിട്ടില്ലാത്ത കുഞ്ഞിനൊപ്പമുള്ള അഭിനയം; നിവിന്‍ പോളി പറയുന്നു
ചിറകുകൾ മുറിച്ച് വീഴ്ത്താൻ ഒരാൾ ശ്രമിച്ചു! പക്ഷേ ആ വ്യക്തിയെ മനസിലാക്കി ഇപ്പോൾ ഉയർന്ന് പറക്കുകയാണ് അവൾ; സ്ത്രീ ഒന്നുറക്കെ പ്രതികരിച്ചാൽ അവൾ പ്രതികരിച്ചതിൽ ന്യായം ഉണ്ടെങ്കിൽ പോലും സ്ത്രീ ആയതിനാൽ പ്രതികരിക്കാൻ പാടില്ലെന്ന് പറയുന്ന ഒരു കൂട്ടം ബന്ധുകളുടെയും നാട്ടുകാരുടെയും ഇടയിൽ ജീവിക്കുന്ന പെൺകുട്ടികളോട് പറയാനുള്ളത്, തളരരുത് - ശക്തമായി പ്രതികരിക്കണംപ്രിയ പെട്ട പെൺകുട്ടികളെ ഈ ലോകം നിങ്ങൾക്ക് കൂടെ ഉള്ളത് ആണ്. പറന്നു നടക്കുക. സ്വപ്നങ്ങൾ കീഴ്ടക്കുക; എന്നിങ്ങനെ നിരവധി മെസേജുകൾ ആണ് വീഡിയോയിൽ നിറയുന്നത് . ഒരുപക്ഷേ അതാകാം മഞ്ജു ഈ വീഡിയോ ഷെയർ ചെയ്യാൻകാരണവും.