ചില സമയത്ത് ജീവിതം ഇങ്ങനെയാണ്! ഒരുനിമിഷം കൊണ്ട് എല്ലാം മാറിമറിയും! തീരാവേദനയില്‍ ഒപ്പം ചേരുന്നു! സങ്കടം പങ്കിട്ട് അഹാനയും മീരയും

Authored by: നിമിഷ|Samayam Malayalam•7 Jun 2025, 10:21 am

ഷൈന്‍ ടോം ചാക്കോയുടെ പിതാവ് സിപി ചാക്കോ വിടവാങ്ങിയെന്നറിഞ്ഞതിന്റെ നടുക്കത്തിലാണ് പ്രിയപ്പെട്ടവരെല്ലാം. ഷൈനിന്റെ ചികിത്സയുമായി ബന്ധപ്പെട്ട് ബെംഗലുരുവിലേക്ക് പോയ കുടുംബം ധര്‍മ്മപുരിയില്‍ വെച്ചായിരുന്നു അപകടത്തില്‍പ്പെട്ടത്. ആശുപത്രിയിലെത്തും മുന്‍പായിരുന്നു അദ്ദേഹത്തിന്റെ വിയോഗം. ഷൈനും അമ്മയും ചികിത്സയിലാണ്. ജീവിതത്തില്‍ എല്ലാമെല്ലാമായി കൂടെയുണ്ടായിരുന്ന ഡാഡിയെ നഷ്ടമായതിന്റെ വേദനയിലാണ് ഷൈന്‍. പ്രതിസന്ധി ഘട്ടങ്ങളിലെല്ലാം തളരാതെ പിടിച്ചുനിന്നത് ഡാഡിയുടെ പിന്തുണയിലാണ്. അഭിമുഖങ്ങളിലെല്ലാം ഷൈന്‍ കുടുംബത്തെക്കുറിച്ച് വാചാലനാവാറുണ്ടായിരുന്നു.

മകന്റെ മാനേജറായും ഞാന്‍ പ്രവര്‍ത്തിക്കുന്നുണ്ട്. പ്രൊഡക്ഷനിലെ കാര്യങ്ങളും ശ്രദ്ധിക്കാറുണ്ടെന്നും ഡാഡി പറഞ്ഞിരുന്നു. സിനിമ മേഖലയിലുള്ളവര്‍ക്കെല്ലാം സുപരിചിതനാണ് ഷൈനിന്റെ ഡാഡി. ഡാഡി പോയെന്ന് ഇപ്പോഴും വിശ്വസിക്കാനായിട്ടില്ലെന്നായിരുന്നു ആരതി ഗായത്രി പ്രതികരിച്ചത്.

Also Read: 33 വര്‍ഷമായി അടുത്തറിയാവുന്നവരാണ്! ഇനിയൊന്നും ആഗ്രഹിക്കാനില്ല! അത്രയും മികച്ച ജീവിതമാണ്! ഭാര്യയെക്കുറിച്ച് മാധവന്‍ കുറിച്ചത്?

ഡാഡി അങ്ങനെ സ്വാതന്ത്ര്യത്തോടെ വിളിച്ചിരുന്ന ഒരേ ഒരാൾ. ഷൈൻ ചേട്ടനോട്‌ അടുപ്പമുള്ളവർക്കെല്ലാം അദ്ദേഹം ഡാഡി ആണ്. തേരി മേരി എന്ന എന്റെ സിനിമ സംഭവിക്കാൻ എന്നെ അദ്ദേഹം ഒരുപാട് സഹായിച്ചിട്ടുണ്ട്. ചെയ്യാൻ പോകുന്ന പുതിയ സിനിമയ്ക്കുള്ള എല്ലാ പിന്തുണയും ഞങ്ങൾക്ക് നൽകിയിരുന്നു. ഇന്നലെ വരെ കൂടെ ഉണ്ടായിരുന്ന ഒരാൾ ഇന്ന് ഇല്ലാതായി എന്ന് വിശ്വസിക്കാൻ ഇതുവരെ കഴിഞ്ഞിട്ടില്ല. കുടുംബത്തിൽ ഒരാൾ നഷ്ടപ്പെട്ട വേദന എന്നായിരുന്നു കുറിപ്പ്.

കുടുംബത്തിന്റെ വേദനയില്‍ പങ്കുചേരുന്നു. ദയ എത്രത്തോളം പ്രധാനപ്പെട്ട കാര്യമാണെന്ന് മനസിലാക്കി തരുന്ന സന്ദര്‍ഭമാണ്. ദു:ഖം യാഥാര്‍ത്ഥ്യമാണ്. ദയയുള്ളവരായിരിക്കുക എന്നായിരുന്നു മീര ജാസ്മിന്‍ ഇന്‍സ്റ്റഗ്രാം സ്റ്റോറിയിലൂടെയായി കുറിച്ചത്. കുടുംബസമേതമുള്ള ഷൈനിന്റെ ഫോട്ടോയും സ്‌റ്റോറിയില്‍ ഉള്‍പ്പെടുത്തിയിരുന്നു.

എന്താണ് പറയേണ്ടതെന്നറിയില്ല, വാക്കുകള്‍ കിട്ടാത്തൊരവസ്ഥ. ഹൃദയം തകര്‍ക്കുന്ന വാര്‍ത്തയായിരുന്നു. ചില സമയത്ത് ജീവിതം ഇങ്ങനെയാണ്. ഒരൊറ്റ നിമിഷം മതി കാര്യങ്ങള്‍ മാറിമറിയാന്‍. ഈ തീരാവേദനയില്‍ നിന്നും കരകയറാനുള്ള കരുത്ത് ദൈവം തരട്ടെ. ഡാഡിയുടെ ആത്മാവിന് നിത്യശാന്തി എന്നായിരുന്നു അഹാന കുറിച്ചത്. ഷൈനും കുടുംബവും ഒന്നിച്ചുള്ള ഫോട്ടോയും അഹാന പങ്കുവെച്ചിരുന്നു.

ഞാന്‍ ഇടയ്‌ക്കൊന്ന് ഉറങ്ങിപ്പോയി, അപ്പോഴേക്ക് ഡാഡി പോയെന്നായിരുന്നു ഷൈന്‍ പ്രതികരിച്ചത്. തൃശൂരില്‍ നിന്നും പുറപ്പെട്ടത് മുതല്‍ ഡാഡി ഇങ്ങനെ തമാശകളൊക്കെ പറയുന്നുണ്ടായിരുന്നു. പാലക്കാട് നിന്ന് ഞങ്ങളൊന്നിച്ച് ഭക്ഷണമൊക്കെ കഴിച്ചിരുന്നു. ഇതൊരു വല്ലാത്ത കാഴ്ച തന്നെയാണെന്നും പറഞ്ഞ് ഇമോഷണലായിരുന്നു അദ്ദേഹം. സുരേഷ് ഗോപിയടക്കം നിരവധി പേരാണ് ഷൈനിനെ ആശുപത്രിയില് കാണാനെത്തിയത്.