ചിലവ് ചുരുക്കിയത് തന്നെയാണ്! എബിയെ പ്രൊപ്പോസ് ചെയ്യുന്നത് ഞാൻ തന്നെ; തുടക്കം മുതൽക്കേ കുടുംബം ഒപ്പം നിന്നു

Authored by: ഋതു നായർ|Samayam Malayalam•18 Sept 2025, 1:11 pm

ഈ അടുത്താണ് ഗ്രേസ് ആന്റണിയും മ്യൂസിക് ഡയറക്ടർ എബിയും വിവാഹിതരാകുന്നത്. ഏറ്റവും സിംപിൾ ആയ വിവാഹത്തിൽ ആകെ പങ്കെടുത്ത ത് പതിനഞ്ചുപേരാണ്. ഇപ്പോഴിതാ അതിനുള്ള കാരണം പറയുകയാണ് താരം.

ബി എ ചെയ്യുന്ന സമയത്ത് ആണ് ഞാൻ എബിയെ ആദ്യമായി കോൺടാക്ട് ചെയ്യുന്നത്. ഒരു മാസം കഴിഞ്ഞപ്പോഴാണ് ഞാൻ ആദ്യമായി ഇട്ട മെസേജിനു മറുപടി തന്നത് . നല്ല സുഹൃത്തുക്കൾ ആയിരുന്നു, പിന്നെ ആണ് പ്രണയത്തിൽ ആയത്. ഹാപ്പി വെഡിങ് കഴിഞ്ഞപ്പോഴായിരുന്നു അത്. ലവ് അറ്റ് ഫസ്റ്റ് സൈറ്റ് ഒന്നും അല്ല. പ്രേമിച്ചു നടന്ന ആളുകൾ ഒന്നുമല്ല, നമ്മൾ ഭയങ്കര പ്രാക്ടിക്കൽ ആയിരുന്നു.

എന്റെ എല്ലാ ഉയർച്ച താഴ്ചകളിലും ആള് നല്ല സുഹൃത്തായി ഒപ്പം ഉണ്ടായിരുന്നു. അപ്പോൾ ഞാൻ ഓർത്തു എന്തുകൊണ്ട് എന്റെ ജീവിതത്തിലും ഈ ആള് തന്നെ ആയിക്കൂടാ എന്ന്. അങ്ങനെ ആണ് വിവാഹം എന്ന തീരുമാനത്തിലേക്ക് എത്തിയത്.

ഞാൻ തന്നെ ആണ് പ്രൊപ്പോസ് ചെയ്യുന്നത് എന്ന് ഗ്രേസ് പറയുമ്പോൾ പത്തൊന്പതോ അല്ലെങ്കിൽ ഇരുപത് വയസ് ആണ് പ്രായം അന്ന് ആൾക്ക്. ഇതൊക്കെ ചിന്തിക്കാൻ ഉള്ള പ്രായം ഉണ്ടോ എന്നാരുന്നു എന്റെ ചിന്ത എബി പറയുന്നു. പിന്നെ ഒരു നാല് ദിവസങ്ങൾ കഴിഞ്ഞപ്പോഴേക്ക് ഞാൻ തിരിച്ചും ഐ ലവ് യൂ പറയുന്നത് എബി കൂട്ടിച്ചേർക്കുന്നു.

ALSO READ: സൗന്ദര്യ മരണപ്പെട്ട ആ പ്ലെയിനിൽ ഞാനും ഉണ്ടാവേണ്ടതായിരുന്നു എന്ന് മീന; ഇത്രകാലമായിട്ടും പറയാതിരുന്നത് എന്തിന്?
പേരന്റ്സിന്റെ പെര്മിഷനോടെ ആണ് നമ്മൾ കൂടുതൽ പ്രണയിക്കാൻ തുടങ്ങിയത്. വീട്ടിൽ ആദ്യം എന്നെ മമ്മി പൊക്കി, അപ്പോൾ തന്നെ ഞാൻ മമ്മിയോട് പറഞ്ഞു. വീട്ടിൽ വന്ന് കാണാൻ ഉടനെ തന്നെ മമ്മി പറയുകയും അങ്ങനെ അടുത്ത ദിവസം തന്നെ എബിയെ പപ്പയും മമ്മിയും മീറ്റ് ചെയ്തു. അങ്ങനെ എല്ലാം ആദ്യം തന്നെ സെറ്റ് ആയി. ഒരു എട്ട് ഒൻപത് വർഷമായി കുടുംബം രണ്ടുപേരും തമ്മിൽ നല്ല ബന്ധമായി. സുഹൃത്തുക്കൾക്കും സഹപ്രവർത്തകർക്കും എല്ലാം ആദ്യമേ അറിയാമായിരുന്നു.

ഇനിഷ്യൽ സ്റ്റേജിൽ കണ്ടിട്ടുള്ള ആള് തന്നെയാണ് ഇപ്പോഴും, നമ്മളെ ഭയങ്കര ചിരിപ്പിക്കുന്ന ആളാണ്. അഭിമുഖത്തിൽ നിങ്ങൾ കാണുന്ന ആളാണ് ഗ്രേസ്- എബി പറയുന്നു.

നമ്മൾക്ക് ഫാമിലി പോലെ തന്നെ ഇമ്പോര്ടന്റ്റ് ആണ് സിനിമാ കുടുംബവും. അപ്പോൾ നമ്മൾ ഒരു കണക്ക് എടുത്തുനോക്കിയപ്പോൾ ഒരു വര്ഷം നമ്മൾ ഉണ്ടാക്കുന്ന പണം അത്രയും ഒരു ദിവസത്തിനുവേണ്ടി സ്പെൻഡ്‌ ചെയ്യണം എന്നപോലെ ആയി. ഞങ്ങൾ ആലോചിച്ചപ്പോഴേക്ക് ഇത്രയും സ്പെൻഡ്‌ ചെയ്യണോ എന്ന ചിന്ത വന്നു.അങ്ങനെ ഉള്ള ചിന്തയിൽ നിന്നുമാണ് ചിലവ് ചുരുക്കുന്ന ഒരു വിവാഹം എത്തിയത്. ആദ്യം പേരന്റ്സിനു ഉൾക്കൊള്ളാൻ കുറച്ചു വിഷയം ഉണ്ടായി. ഇപ്പോഴും അതിന്റെ വിഷമം ഉണ്ട് പക്ഷെ നമ്മളെ സപ്പോർട്ട് ചെയ്തു.