ചുറ്റും എല്ലാം ഇരുട്ട് മൂടിയാലും, ഒരു വെളിച്ചം കാണാൻ കഴിയും; നവ്യ നായർ പറയുന്നു

Authored by: അശ്വിനി പി|Samayam Malayalam•14 Sept 2025, 2:51 pm

ഇഷ്ടം എന്ന ദിലീപ് ചിത്രത്തിലൂടെ മലയാള സിനിമയിലേക്കെത്തി പ്രേക്ഷകരുടെ എല്ലാം ഇഷ്ടം പിടിച്ചുപറ്റിയ നടിയാണ് നവ്യ നായർ . അതിന് ശേഷം ഒത്തിരി സിനിമകളുടെ ഭാഗമായി, നല്ല കഥാപാത്രങ്ങളെ നവ്യ അവതരിപ്പിച്ചു. 2010 ൽ സന്തോഷ് മേനോനുമായുള്ള വിവാഹം കഴിഞ്ഞതിന് ശേഷമാണ് നവ്യ നായർ കരിയറിൽ നിന്ന് ചെറിയൊരു ബ്രേക്ക് എടുത്തത്. കുഞ്ഞ് ജനിച്ചതിന് ശേഷം അവന് വേണ്ടി അഭിനയത്തിൽ നിന്നും നൃത്തത്തിൽ നിന്നുമെല്ലാം മാറിയെത്തി

പിന്നീട് അഭിനയത്തിലേക്കും നൃത്തത്തിലേക്കുമെല്ലാം തിരിച്ചെത്തിയ നവ്യ നായർ, അഭിമുഖങ്ങളിലൊക്കെയും സംസാരിച്ച ഓറോ വാക്കുകളും വിവാഹ ശേഷം സ്വപ്നങ്ങൾ നഷ്ടപ്പെട്ട സ്ത്രീകൾക്ക് ഒരു മോട്ടിവേഷൻ ആയിരുന്നു. കല്യാണം കഴിഞ്ഞതുകൊണ്ട് ഭർത്താവിലേക്കും കുട്ടിയിലേക്കും ഒതുങ്ങേണ്ടതല്ല സ്ത്രീകളുടെ ജീവിതം, അവരുടെ പിന്തുണയോടെ നിങ്ങളാഗ്രഹിച്ച മേഖലയിലേക്ക് എത്തി ചേരാൻ സാധിക്കും എന്ന് നവ്യ നായർ തന്റെ കരിയർ കൊണ്ട് കാണിച്ചു തന്നു.

Also Read: 29 വയസ്സ്, ഈ പ്രായത്തിൽ മറ്റൊരു നടിമാരും കാണിക്കില്ല ഈ ധൈര്യം, എങ്ങനെ ചെയ്തു? ചോദ്യത്തിന് നിവേദ തോമസിന്റെ മറുപടി

അഭിമുഖങ്ങളിൽ മാത്രമല്ല, സോഷ്യൽ മീഡിയ പോസ്റ്റുകളിലും നവ്യ നായരുടെ ആ പോസിറ്റീവ് ചിന്താഗതി പ്രതിഫലിക്കുന്നുണ്ട്. ഏറ്റവുമൊടുവിൽ പങ്കുവച്ച പോസ്റ്റിന് നൽകിയ ക്യാപ്ഷൻ അത്തരത്തിലാണ്. ഗുരവായൂർ അമ്പല നടയിൽ എത്തിയപ്പോൾ എടുത്ത ചിത്രങ്ങൾക്കൊപ്പമാണ് നവ്യയുടെ പോസ്റ്റ്. നടിയുടെ മുഖത്ത് വല്ലാത്തൊരു പോസിറ്റീവ് പ്രകാശം കാണാം. നിങ്ങൾക്ക് ചുറ്റും എല്ലാം ഇരുണ്ടതായി കാണപ്പെട്ടാലും, വീണ്ടും നോക്കുക, നിങ്ങൾക്കൊരു വെളിച്ചമാവാൻ സാധിക്കും- എന്നാണ് നവ്യ പറയുന്നത്

പ്രപഞ്ചം നിങ്ങളുടെ പിന്നിലുണ്ട്, ആത്മാവിനെ ഉണർത്തുന്നു എന്നൊക്കെയാണ് ഫോട്ടോയ്ക്ക് ഹാഷ്ടാഗ് നൽകിയിരിയ്ക്കുന്നത്. നവ്യ നൽകുന്ന നൽകുന്ന പോസിറ്റീവ് വൈബിനെ കുറിച്ചും, നവ്യയുടെ സൗന്ദര്യത്തെ കുറിച്ചുമൊക്കെയാണ് പോസ്റ്റിന് താഴെ കമന്റുകൾ വരുന്നത്. ആ പഴയ ബാലാമണിയുടെ ചിരി വീണ്ടും ആ മുഖത്ത് കാണാൻ സാധിക്കുന്നു എന്ന് ഒരാൾ കമന്റ് എഴുതി.


സിനിമകൾ ചെയ്യുന്ന കാര്യത്തിൽ നവ്യ നായർ ഇപ്പോൾ വളരെ സെലക്ടീവാണ്. നല്ല വേഷങ്ങൾ വരുമ്പോൾ മാത്രം ചെയ്യാം എന്ന നിലപാടിലാണ് നടി. അതേ സമയം മാതങ്കി എന്ന ഡാൻസ് സ്കൂൾ ആരംഭിച്ച നടി, ഡാൻസ് ഷോകളുമായി ഇന്ത്യയിലും പുറത്തുമൊക്കെയായി തിരക്കിലാണ്. കുടുംബത്തിനൊപ്പമുള്ള സമയവും നവ്യ മിസ്സ് ചെയ്യാറില്ല.