ചേട്ടത്തിയമ്മയ്ക്ക് സുഖമാണോ? അന്നെനിക്ക് മറുപടിയില്ലായിരുന്നു, ഇപ്പോഴിതാ; വിജയ് ദേവരകൊണ്ടയുടെ അനിയന്‍ പറഞ്ഞത്

വളരെക്കാലം സ്വകാര്യമാക്കി വച്ച പ്രണയ ബന്ധമാണ് രശ്മിക മന്ദനയുടെയും വിജയ് ദേവരകൊണ്ടയുടെയും. 2017 ല്‍ ഗീതാ ഗോവിന്ദം എന്ന സിനിമയില്‍ ഒന്നിച്ച് അഭിനയിച്ചതിന് ശേഷമാണ് ഇരുവര്‍ക്കുമിടയില്‍ ഒരു സൗഹൃദം രൂപപ്പെട്ടത്. അത് പിന്നീട് പ്രണയമായി മാറി. എന്നാല്‍ വിവാഹത്തിന്റെ രണ്ട് ദിവസം മുന്‍പ് വരെയും ആ ബന്ധത്തെക്കുറിച്ച് ഔദ്യോഗികമായി ഒന്നും തന്നെ പറയാന്‍ ഇരുവരും തയ്യാറായിരുന്നില്ല.

അവധിക്കാലത്ത് ഒരുമിച്ച് നടത്തിയ വിദേശ യാത്രകളുടെ ചിത്രങ്ങള്‍ എല്ലാം പുറത്ത് വന്നപ്പോഴും, ആരാധകര്‍ നിരന്തരം ഈ ബന്ധത്തെ കുറിച്ച് ചോദിച്ചപ്പോഴു മറുപടി നല്‍കാതെ ഒഴിഞ്ഞു മാറി. വിവാഹത്തിന് ഒരാഴ്ച മുന്‍പ് നല്‍കിയ അഭിമുഖത്തിലും രശ്മികയോട്, 26 ആം തിയ്യതി വിവാഹമാണോ എന്ന് ചോദിച്ചിരുന്നു. പറയേണ്ട സമയത്ത് അത് പറയും, ഇപ്പോഴൊന്നും പറയാന്‍ പറ്റില്ല എന്ന മറുപടി നല്‍കി.

Also Read: ഒരു ദിവസം അവളെ വല്ലാതെ മിസ്സ് ചെയ്തു, അന്നാണ് തിരിച്ചറിഞ്ഞത് അവളില്ലാതെ എനിക്ക് പറ്റില്ല എന്ന്; വിവാഹത്തിന് ശേഷം വിജയ് പറഞ്ഞത്

രശ്മികയും വിജയ് യും മാത്രമാണോ ആ ബന്ധത്തെ മറച്ചുവച്ചത് എന്ന് ചോദിച്ചാല്‍, അവര്‍ക്ക് ചുറ്റുമുള്ളവരും അത് സ്വകാര്യമായി തന്നെ വച്ചു എന്നതാണ് സത്യം. ഇന്റസ്ട്രിയിലുള്ള പലര്‍ക്കും, സുഹൃത്തുക്കള്‍ക്കും ബന്ധുക്കള്‍ക്കും എല്ലാം ഈ പ്രണയ ബന്ധത്തെ കുറിച്ച് അറിയാമായിരുന്നു. പക്ഷേ വിജയ് യും രശ്മികയും ഔദ്യോഗികമായി പറയാത്തതു കൊണ്ടു തന്നെ അവരും മൗനം പാലിച്ചു.

ഇപ്പോതാ വിവാഹത്തിന് ശേഷം ഇത്രയും കാലം അടക്കിപ്പിടിച്ച രഹസ്യം വിജയ് ദേവരകൊണ്ടയുടെ സഹോദരന്‍ ആനന്ദ് ദേവരകൊണ്ട വെളിപ്പെടുത്തുന്നു. ചേട്ടത്തിയമ്മയെയും ചേട്ടനെയും കെട്ടിപ്പിടിച്ചു നില്‍ക്കുന്ന ഒരു ഫോട്ടോയ്‌ക്കൊപ്പമാണ് ആനന്ദിന്റെ പോസ്റ്റ്.

ഒരുപാട് തവണ ആരാധകര്‍ ചേട്ടത്തിയമ്മയ്ക്ക് സുഖമാണോ എന്ന് ചോദിച്ചപ്പോള്‍ എങ്ങനെ പ്രതികരിക്കണം എന്ന് എനിക്ക് അറിയില്ലായിരുന്നു. ഇന്ന് എന്റെ സഹോദരന്റെ വിവാഹം കഴിഞ്ഞു. ഏറ്റവും പോസിറ്റീവായ കരുണയുള്ള ഒരു ചേട്ടത്തിയമ്മയെ എനിക്ക് കിട്ടി. ഇനിയുള്ള ജീവിതകാലം മുഴുവന്‍ അവര്‍ ഇരുവരും ഇതുപോലെ പുഞ്ചിരിച്ചുകൊണ്ട് മുന്നോട്ട് പോകട്ടെ എന്ന് ഞാന്‍ പ്രാര്‍ത്ഥിക്കുന്നു, ഒരു ജീവിതകാലം മുഴുവന്‍ ഒരുമിച്ച്- ആനന്ദ് ദേവരകൊണ്ട എഴുതി.