ചൈന ഓപ്പൺ പി.വി.സിന്ധു രണ്ടാം റൗണ്ടിൽ

ചാങ്ചോ∙ ചൈന ഓപ്പൺ സൂപ്പർ 1000 ബാഡ്മിന്റൻ ടൂർണമെന്റിൽ ഇന്ത്യൻ താരം പി.വി.സിന്ധു രണ്ടാം റൗണ്ടിൽ. ജപ്പാന്റെ ടൊമോക മിയാസാക്കിയെയാണ് മുൻ ലോക ചാംപ്യനായ സിന്ധു തോൽപിച്ചത്. സ്കോർ: 21-15, 8-21, 21-17.

ആദ്യ റൗണ്ടിൽ സ്കോട്‌ലൻഡ് താരം കിർസ്റ്റി ഗിൽമോറിനെ അട്ടിമറിച്ച (21-11, 21-16) ഇന്ത്യയുടെ പതിനേഴുകാരി ഉന്നതി ഹൂഡയാണ് രണ്ടാം റൗണ്ടിൽ സിന്ധുവിന്റെ എതിരാളി. പുരുഷ ഡബിൾസിൽ ഇന്ത്യയുടെ സാത്വിക്സായ്‌രാജ്– ചിരാഗ് ഷെട്ടി സഖ്യവും രണ്ടാം റൗണ്ടിൽ കടന്നു.