സന്ദീപ് സിങ് സംവിധാനം നിർവഹിക്കുന്ന സിനിമ ടി-സീരീസ് ഫിലിംസിന്റെ ബാനറിൽ ബുഷൻ കുമാറും കൃഷൻ കുമാറും ചേർന്നാണ് നിർമ്മിക്കുന്നത്. നിർമ്മാതാവായ സന്ദീപ് സിങിന്റെ ആദ്യ ഫീച്ചർ ഫിലിം സംവിധാനം എന്ന പ്രത്യേകതയും ഈ സിനിമക്കുണ്ട്.
റിലീസിന് മുൻപ് 17 കോടി കളക്റ്റ് ചെയ്ത് രാമായണ; പ്രീബുക്കിങ്ങിലൂടെ വിറ്റത് 3.33 ലക്ഷം ടിക്കറ്റുകൾ
17ആം നൂറ്റാണ്ടിൽ ജീവിച്ചിരുന്ന ധീര യോദ്ധാവും മാറാത്ത സാമ്രാജ്യം സ്ഥാപിച്ച പ്രസിദ്ധനും ശക്തനുമായ ഭരണാധികാരിയുമായിരുന്നു ഛത്രപതി ശിവജി മഹാരാജ്. നിർമ്മാതാവ് ബഹാൻ കുമാർ ഒക്ടോബർ 30ന് ശിവജിയുടെ ഒരു ഛായാചിത്രം ഋഷബ് ഷെട്ടിക്ക് കൈമാറുന്ന ചിത്രം പങ്കുവെച്ചുകൊണ്ടാണ് സിനിമയുടെ കൂടുതൽ വിവരങ്ങൾ പങ്കുവെച്ചത്.
അടുത്തവർഷം, അതായത് 2027ന്റെ ആദ്യത്തോടു കൂടി സിനിമ പ്രേക്ഷകരിലേക്ക് എത്തുമെന്നാണ് ടി സീരീസ് ഫിലിംസ് പറഞ്ഞിരിക്കുന്നത്. 2027 ജനുവരി 21ന് ആഗോള തലത്തിൽ റിലീസ് നടത്തുമെന്ന് 2024ൽ തന്നെ സംവിധായകൻ പ്രഖ്യാപിച്ചിരുന്നു. ഭൂമി പട്നേകർ, അർജുൻ രാംപാൽ, വിവേക് ഒബ്രോയ് എന്നിവർ പ്രധാന കഥാപാത്രങ്ങളിൽ റിഷബ് ഷെട്ടിക്കൊപ്പം എത്തുന്നുണ്ട്. സംവിധായകൻ സംഗീത് സിങിനൊപ്പം റിഷി വിർമാനിയാണ് ഛത്രപതി ശിവജി മഹാരാജിന്റെ രചന നിർവഹിക്കുന്നത്. പൊന്നിയിൻ സെൽവന്റെ ക്യാമറമാൻ രവിവർമനാണ് ഈ ചിത്രത്തിന് ക്യാമറ ചലിപ്പിക്കുന്നത്.
കന്നഡ ചിത്രം കാന്താരക്ക് ശേഷം ശക്തമായ കഥാപാത്രങ്ങളിലൂടെ ഋഷബ് ഷെട്ടിക്ക് ആരാധകരെ ഞെട്ടിച്ചു കൊണ്ടിരിക്കുകയാണ്. പ്രശാന്ത് വർമ്മ സംവിധാനം ചെയ്യുന്ന 'ജയ് ഹനുമാൻ' എന്ന ഐതിഹാസിക ചിത്രവും ഇതിന് മുൻപ് ഋഷബ് ഷെട്ടിയുടേതായി പ്രഖ്യാപിച്ചിരുന്നു. റാണ ദഗ്ഗുബതിയും ജയ് ഹനുമാനിൽ ഋഷബ് ഷെട്ടിക്കൊപ്പം എത്തുന്നുണ്ടെന്നത് ഏറെ പ്രതീക്ഷകൾ തരുന്ന ഒന്നാണ്. ആ പട്ടികയിലേക്കാണിപ്പോൾ '‘ദി പ്രൈഡ് ഓഫ് ഭാരത്;ഛത്രപതി ശിവജി മഹാരാജ്'' എന്ന ബ്രഹ്മാണ്ഡ ചിത്രം കൂടെ എത്തിയിരിക്കുന്നത്.
പ്രാഥമികമായി ഹിന്ദി ഭാഷയിലെത്തുന്ന സിനിമ, ഇന്ത്യയിലെ മറ്റ് പ്രധാന ഭാഷകളിലും എത്തുമെന്നാണ് പുറത്തു വരുന്ന റിപോർട്ടുകൾ. രണ്ട് ഭാഗങ്ങളിൽ ആയെത്തുന്ന ഈ ഐതിഹാസിക ചരിത്ര ആഖ്യാനത്തെ ഏറെ പ്രതീക്ഷയോടെയാണ് സിനിമാ ആരാധകർ ഉറ്റുനോക്കുന്നത്.




English (US) ·