ജസ്റ്റിൻ ചേട്ടൻ സൂപ്പർ ആണ് എന്ന കേരളം പറയുന്നു, നീലി'യെ വീഴ്ത്തി! ഫാമിലി യൂണിറ്റിലെ തമാശകളുമായി ബോക്സ് ഓഫീസ് തൂത്തുവാരി

മലയാളികൾക്ക് എന്നും ഒരു വ്യത്യസ്ത അനുഭവമായിരുന്നു കല്യാണി പ്രിയദർശൻ നായികയായ 'ലോക' (Lokah). ആ സിനിമ തിയേറ്ററുകളിൽ ഉണ്ടാക്കിയ ഓളം ചില്ലറയല്ല! ഗ്രാഫിക്സും വി.എഫ്.എക്സും ഒക്കെയായി വന്നപ്പോൾ കുടുംബപ്രേക്ഷകരുടെയും പിള്ളേരുടെയും ഏറ്റവും പ്രിയപ്പെട്ട സിനിമയായി അത് മാറി. ബോക്സ് ഓഫീസിൽ അമാനുഷിക ശക്തികളുമായി പറന്നുനടന്ന ആ സൂപ്പർഹീറോ നായിക അടിച്ചെടുത്തത് 302.65 കോടിയുടെ ലൈഫ് ടൈം കളക്ഷനാണ്.

മലയാള സിനിമയ്ക്ക് ഇനി ഇതിനപ്പുറം എന്താണ് കാണിക്കാനുള്ളത്, ഈ വലിയ റെക്കോർഡ് ഇനി ആര് തിരുത്തും എന്ന് കരുതിയിടത്താണ് ആ വമ്പൻ ട്വിസ്റ്റ് സംഭവിച്ചത്. സൂപ്പർ പവറുള്ള ലോകയിലെ 'നീലി'യെ അക്ഷരാർത്ഥത്തിൽ മലർത്തിയടിച്ച് ബോക്സ് ഓഫീസിൽ ഇപ്പോൾ മുന്നേറുകയാണ് നമ്മുടെ സ്വന്തം ജസ്റ്റിൻ ചേട്ടൻ! അതെ, കേരളമെങ്ങും ഇപ്പോൾ 'ബെത്‌ലഹേം കുടുംബ യൂണിറ്റി' ട്രെൻഡിങ് ആണ്.

41 ആം വയസ്സിൽ വീണ്ടും അമ്മയാവുന്നു; സന്തോഷത്തിനൊപ്പം ഭയം, ക്ഷീണം, ആശങ്ക, പുതിയൊരു ജീവിതത്തെ സ്വീകരിക്കാനുള്ള മനസ്സൊരുക്കത്തിൽ മഹിറ ഖാൻ
അമാനുഷിക ശക്തികളെക്കാൾ പവർഫുൾ ആണ് ഒരു ശരാശരി മലയാളിയുടെ സാധാരണ ചിരി എന്ന് ബി.കെ.യു ഇപ്പോൾ തെളിയിച്ചിരിക്കുകയാണ് എന്നൊക്കെ പറയാം പക്ഷെ അതിലും കുറച്ചൂടെ കൗതുകം ഉണർത്തുന്നത് മലയാളികളുടെ സിനിമ കാണുന്ന ശൈലി ആണ് ബാക്കി ഭാഷകളിലെ പോലെ ഒരേ തരം സിനിമയല്ല ഇവിടെ വിറ്റു പോകുന്നത് , ഇവിടെ എന്ത് ജോണോർ പടം അന്നെകിലും നല്ലതാണെകിൽ ഹിറ്റ്ആണ് അത് തന്നെ ആണ് ഇപ്പോഴും നമുക് കാണാൻ സാധിക്കുന്നത് .

ലോകം രക്ഷിക്കാൻ 'ലോക'യിലെ നായികയ്ക്ക് മാന്ത്രിക ശക്തികളും സൂപ്പർ പവറുകളും വേണ്ടി വന്നു. എന്നാൽ ഇവിടെ പള്ളിയിലെ കുടുംബ യൂണിറ്റ് മീറ്റിംഗിൽ പങ്കെടുക്കാൻ വന്ന ജസ്റ്റിൻ ചേട്ടനായി സ്ക്രീനിലെത്തിയ നിവിൻ പോളിക്ക് ആകെയുണ്ടായിരുന്നത് കുറച്ച് തമാശയും ഒരു നൊസ്റ്റാ പാട്ടും മാത്രമായിരുന്നു!

സംവിധായകൻ ഗിരീഷ് എ.ഡി. ഒരുക്കിയ തമാശകളും, മമിത ബൈജുവിനെ വീഴ്ത്താനുള്ള ആ പഴയ കള്ളച്ചിരിയും വെച്ചാണ് ജസ്റ്റിൻ ചേട്ടൻ കേരളം മുഴുവൻ കയ്യിലെടുത്തത്. പറക്കാൻ അറിയാവുന്ന സൂപ്പർഹീറോയെക്കാൾ പവർഫുൾ ആണ് പള്ളിയിലെ ഒരു ഫാമിലി യൂണിറ്റ് അംഗം എന്ന് സിനിമാപ്രേമികൾ ഒന്നടങ്കം സോഷ്യൽ മീഡിയയിലും ഏറ്റെടുത്തു കഴിഞ്ഞു. കളക്ഷൻ റിപ്പോർട്ടുകൾ നോക്കിയാൽ സിനിമാ പണ്ഡിതന്മാർ വരെ ശരിക്കും ഞെട്ടും.

'ലോക'യ്ക്ക് 300 കോടി ക്ലബ്ബിൽ എത്താൻ 45 ദിവസങ്ങൾ വേണ്ടിവന്നപ്പോൾ, ബി.കെ.യു ആ റെക്കോർഡ് തവിടുപൊടിയാക്കിയത് വെറും 24 ദിവസങ്ങൾ കൊണ്ടാണ്! നിലവിൽ ബി.കെ.യുവിന്റെ ആഗോള കളക്ഷൻ 305 കോടിയും കടന്ന് കുതിക്കുകയാണ്. കേരളത്തിൽ നിന്ന് മാത്രം 130 കോടിക്ക് മുകളിലാണ് ഈ ചിത്രം വാരിക്കൂട്ടിയത്.ഇതോടെ മലയാള സിനിമയിലെ എക്കാലത്തെയും വലിയ കളക്ഷൻ നേടുന്ന ഇൻഡസ്ട്രി ഹിറ്റായി (Highest Grossing Movie) ഭാവന സ്റ്റുഡിയോസ് നിർമ്മിച്ച ഈ കൊച്ചു ചിത്രം മാറി.

മലയാളി പ്രേക്ഷകർ കാലങ്ങളായി കൊതിച്ചിരുന്ന ആ വിന്റേജ് നിവിൻ പോളിയുടെ ഗംഭീര തിരിച്ചുവരവിനാണ് തിയേറ്ററുകൾ സാക്ഷ്യം വഹിക്കുന്നത്. നിവിന്റെ കരിയറിലെ ഏറ്റവും ശക്തമായ ഈ തിരിച്ചുവരവ് പ്രേക്ഷകർ വലിയ ആഘോഷമാക്കി മാറ്റിക്കഴിഞ്ഞു. ചിരിയുടെയും പ്രണയത്തിന്റെയും പഴയ ലോകത്തേക്ക് ആളുകളെ കൂട്ടിക്കൊണ്ടുപോയ ബി.കെ.യു ഇപ്പോഴും ഹൗസ്ഫുൾ ഷോകളുമായി പ്രദർശനം തുടരുകയാണ്. വി.എഫ്.എക്സിനും ഫാന്റസിക്കും മുകളിൽ ബോക്സ് ഓഫീസ് തൂത്തുവാരാൻ ഒരു കിടിലൻ ഫീൽ ഗുഡ് റൊമാന്റിക് കോമഡിക്ക് കഴിയുമെന്ന് ജസ്റ്റിൻ ചേട്ടനും മമിതയും ഗിരീഷ് എ.ഡിയും നമ്മളെ കാണിച്ചുതന്നിരിക്കുന്നു. വമ്പൻ സിനിമകൾക്ക് നടുവിൽ, പക്കാ ലോക്കൽ തമാശകൾ കൊണ്ട് റെക്കോർഡുകൾ തിരുത്തിക്കുറിച്ച ബി.കെ.യു ശരിക്കും മലയാള സിനിമയുടെ അഭിമാനമായി മാറിയിരിക്കുകയാണ്.