ജാർഖണ്ഡിനെതിരെ വിഷ്ണു വിനോദ് കേരളത്തെ നയിക്കും, സഞ്ജു സാംസൺ ടീമിൽ ഇല്ല

1 month ago 5

ഓൺലൈൻ ഡെസ്ക്

Published: October 07, 2026 08:43 PM IST

1 minute Read

 KCA
വിഷ്ണു വിനോദ്. Photo: KCA

തിരുവനന്തപുരം∙ രഞ്ജി ട്രോഫിയിൽ ഈ സീസണിലെ ആദ്യ മത്സരത്തിനായുള്ള കേരള ടീമിനെ പ്രഖ്യാപിച്ചു. വിഷ്ണു വിനോദാണ് ടീമിന്റെ ക്യാപ്റ്റൻ. ഈ മാസം 11 മുതൽ 14 വരെ ജംഷഡ്പുരിൽ ജാർഖണ്ഡിനെതിരെയാണ് കേരളത്തിന്റെ ആദ്യ മത്സരം. യുവത്വവും പരിചയസമ്പത്തും ഒരുപോലെ ഒത്തിണങ്ങിയ ശക്തമായൊരു നിരയാണ് ഇത്തവണ കേരളത്തിനായി കളത്തിലിറങ്ങുന്നത്. സച്ചിൻ ബേബി, രോഹൻ എസ്. കുന്നുമ്മൽ, ക്യാപ്റ്റൻ വിഷ്ണു വിനോദ്, മുഹമ്മദ് അസറുദ്ദീൻ, സൽമാൻ നിസാർ എന്നിവരടക്കമുള്ള പരിചയസമ്പന്നർ അണിനിരക്കുന്ന ബാറ്റിങ് നിരയാണ് കേരളത്തിന്റേത്.

What you should work next

എം.ഡി. നിധീഷ്, ഏദൻ ആപ്പിൾ ടോം, ബേസിൽ എൻ.പി. തുടങ്ങിയവരാണ് ബോളിങ് നിരയിലുള്ളത്. പരിചയസമ്പന്നരായ ജലജ് സക്സേനയും ആദിത്യ സർവാതെയുമാണ് ടീമിന്റെ അതിഥി താരങ്ങൾ. ഇന്ത്യൻ ട്വന്റി20 ടീം ക്യാംപിലുള്ള സൂപ്പർ താരം സഞ്ജു സാംസണിന് ആദ്യ മത്സരം നഷ്ടമാകും. ജാർഖണ്ഡിനു പുറമെ ഒഡീഷ, ബംഗാൾ, ഗുജറാത്ത്, മഹാരാഷ്ട്ര, ഡൽഹി, സർവീസസ് എന്നിവരടങ്ങുന്ന ശക്തമായ ഗ്രൂപ്പിലാണ് കേരളം ഇത്തവണ മത്സരിക്കുന്നത്.  സ്വപ്നിൽ അസ്നോദ്കറാണ് കേരള ടീമിന്റെ പരിശീലകൻ. 

കേരള ടീം: വിഷ്ണു വിനോദ് (ക്യാപ്റ്റൻ / വിക്കറ്റ് കീപ്പർ), രോഹൻ എസ്. കുന്നുമ്മൽ, അഭിഷേക് ജെ. നായർ, അഭിഷേക് പി. നായർ, സച്ചിൻ ബേബി, അഹമ്മദ് ഇമ്രാൻ, മുഹമ്മദ് അസറുദ്ദീൻ (വിക്കറ്റ് കീപ്പർ), സൽമാൻ നിസാർ, വരുൺ നായനാർ (വിക്കറ്റ് കീപ്പർ), ജലജ് സക്സേന, വൈശാഖ് ചന്ദ്രൻ, ആദിത്യ ആനന്ദ് സർവാതെ, അനുരാജ് ജെ. എസ്., അഭിജിത് പ്രവീൺ വി., നിധീഷ് എം. ഡി., ഏദൻ ആപ്പിൾ ടോം, പവൻ രാജ്, ബേസിൽ എൻ. പി.

English Summary:

Kerala Ranji Trophy squad has been announced with Vishnu Vinod arsenic the skipper for their archetypal lucifer against Jharkhand successful Jamshedpur from January 11-14. The squad boasts a beardown premix of younker and experience, with notable players similar Sachin Baby and seasoned impermanent players Jalaj Saxena and Aditya Sarwate.

Read Entire Article