ജിമിൻ അടക്കം ബിടിഎസ് താരങ്ങൾ ആരും എംടിവി വീഡിയോ മ്യൂസിക് അവാർഡ് നിശയിൽ പങ്കെടുക്കാതിരുന്നതിന് കാരണം?

Authored by: അശ്വിനി പി|Samayam Malayalam•11 Sept 2025, 4:15 pm

ന്യൂയോർക്കിലെ എൽമോണ്ടിൽ നടന്ന എംടിവി വീഡിയോ മ്യൂസിക് അവാർഡ് ഷോയുടെ വിശേഷങ്ങളാണ് കഴിഞ്ഞ കുറച്ചു ദിവസങ്ങളായി പുറത്തുവരുന്നത്. ലോകത്തിലെ പ്രമുഖ സംഗീതജ്ഞരെല്ലാം ഷോയിൽ പങ്കെടുത്തിരുന്നു. എന്നാൽ പുരസ്കാരമുണ്ടായിട്ടു പോലും ജിമിൻ പങ്കെടുത്തില്ല, ജിമിൻ മാത്രമല്ല ബിടിഎസിന്റെ മറ്റ് ആറ് അംഗങ്ങളും അവാർഡ് നിശയിൽ നിന്നും വിട്ടു നിന്നു.

എന്തുകൊണ്ട് ബിടിഎസ് എംടിവി വീഡിയോ മ്യൂസിക് അവാർഡ് നിരസിച്ചു എന്ന ചർച്ചകൾ സജീവമാവുമ്പോഴും ബിടിഎസിന്റെ ഏജൻസിയോ താരങ്ങളോ ഇതിനെ കുറിച്ച് പ്രതികരിച്ചിട്ടില്ല. പുതിയ മ്യൂസിക് ആൽബത്തിൽ ശ്രദ്ധ കേന്ദ്രീകരിച്ചതിനാലാണ് അവാർഡ് ഷോയ്ക്ക് പങ്കെടുക്കാതിരുന്നത് എന്നാണ് കേൾക്കുന്നത്.

Also Read: എന്റേത് ലോല ഹൃദയമാണ്, തടിച്ചി എന്ന വിളി വേദനിപ്പിക്കുന്നു; വിവാഹത്തിന് ഒരുങ്ങുന്ന താൻ നേരിടുന്ന കളിയാക്കലുകളെ കുറിച്ച് സെലീന ഗോമസ്

ദക്ഷണിണ കൊറിയയുടെ നിർബന്ധിത സൈനിക സേവനം പൂർത്തിയാക്കി തിരിച്ചെത്തിയ ബിടിഎസ് താരങ്ങൾ ഓരോരുത്തരും അടുത്തിടെയാണ് ഒന്നിച്ച് ചേർന്ന് പുതിയ ആൽബത്തിന്റെ പണിപ്പുരയിൽ സജീവമായത്. ലോസ് ആഞ്ചൽസിൽ വച്ചായിരുന്നു ആൽബത്തിന്റെ വർക്കുകൾ നടന്നത്. രണ്ട് രണ്ടര വർഷത്തോളമായി തങ്ങളുടെ തിരിച്ചുവരവിന് വേണ്ടി കാത്തിരിയ്ക്കുന്ന ആരാധകരെ നിരാശപ്പെടുത്താൻ കഴിയില്ല, അതുകൊണ്ടു തന്നെ പൂർണ മനസ്സോടെയും ആത്മാർത്ഥതോയോടെയും അതിൽ മുഴുകിയിരിക്കുകയാണ് ഏഴവർ സംഘവും. അതുകൊണ്ടാണ് എംടിവി വീഡിയോ മ്യൂസിക് വീഡിയോ പുരസ്കാര നിശയിൽ നിന്നും വിട്ടു നിന്നത്.

Also Read: മോന് പത്തൊൻപത് ! അന്ന് സംയുക്ത എടുത്ത സ്‌ട്രോങ് ഡിസിഷനാണ് ഇന്ന് ഈ കാണുന്ന സന്തോഷം; പുതിയ ചിത്രം ഏറ്റെടുത്ത് ആരാധകർ

അതേ സമയം Who എന്ന ഗാനത്തിന് വേണ്ടിയാണ് ജിമിന് മികച്ച കെ പോപ് ഗാനത്തിനുള്ള പുരസ്കാരം ലഭിച്ചത്. , ഈസ്പ, ജെന്നി, ജിസൂ, ലിസ, സ്‌ട്രേ കിഡ്‌സ്, റോസ് എന്നിവർക്കെതിരെ മത്സരിച്ചായിരുന്നു ജിമിനെ തിരഞ്ഞെടുത്തത്. എന്നാൽ ജിമിൻ എത്താത്ത സാഹചര്യത്തിൽ, പ്രീ ഷോ ആയതിനാൽ തന്നെ പുരസ്കാരം ലിസയ്ക്ക് ലഭിച്ചു. ഇതാദ്യമായിട്ടാണ് ജിമിന് മാത്രമായി ഇങ്ങനെ ഒരു പുരസ്കാരം ലഭിച്ചത്.

സൈനിക സേവനത്തിന് പോകുന്നതിന് മുൻപാണ് ജിമിൻ തന്റെ സോളോ ആൽബമായ മ്യൂസ് പുറത്തിറക്കിയത്. അതിലെ ഒരു ട്രാക്കാണ് Who. ജിമിൻ സൈനിക സേവനത്തിൽ ആയിരിക്കുമ്പോഴാണ് (2024 - ജൂൺ) മ്യൂസ് പുറത്തിറങ്ങിയത്.