ജിസ് ജോയിക്ക് പിന്തുണയുമായി കൈലാസ്! അത്രമേൽ മാന്യനായ ഒരാൾ; ആരോപണങ്ങൾ നീങ്ങാൻ നിയമം ആ വഴിക്ക് നീങ്ങട്ടെ

ഇന്‍സോമ്‌നിയ’ എന്ന പരിപാടിയില്‍ പണം നിക്ഷേപിച്ച് വഞ്ചന സംഭവിച്ചു എന്നാരോപിച്ചുകൊണ്ട്‌ ഈ അടുത്താണ് കൊച്ചി സ്വദേശി രംഗത്തുവന്നത്. മെന്റലിസ്റ്റ് ആദിക്ക് പുറമേ സംവിധായകന്‍ ജിസ് ജോയിക്ക് എതിരെയും കേസുണ്ട്. കേസുമായി ബന്ധമില്ലെന്ന് സംവിധായകന്‍ ജിസ് ജോയ് മാധ്യമങ്ങളോട് പ്രതികരിച്ചിരുന്നു. ഇപ്പോഴിതാ അദ്ദേഹത്തിന് പിന്തുണ നൽകികൊണ്ട് എത്തിയതാണ് സംഗീത സംവിധായകൻ കൈലാസ് മേനോൻ

മ്യൂസിക് ഇൻഡസ്ട്രിയിൽ, പ്രത്യേകിച്ച് അഡ്വർടൈസിംഗ് മേഖലയിൽ കഴിഞ്ഞ 19 വർഷമായി ഞാൻ സജീവമാണ്. ഈ നീണ്ട കാലയളവിൽ ഒരുപാട് വ്യക്തികൾക്കൊപ്പം പ്രവർത്തിക്കാൻ എനിക്ക് സാധിച്ചിട്ടുണ്ട്. എന്നാൽ ജിസ് ജോയിയെപ്പോലെ ഇത്രയും പ്രൊഫഷണലായ, അത്രമേൽ നന്മയുള്ള ഒരു മനുഷ്യനെ ഞാൻ വേറെ കണ്ടിട്ടില്ല.

ജോലിയോടുള്ള അദ്ദേഹത്തിന്റെ ആത്മാർത്ഥതയും സാമ്പത്തിക കാര്യങ്ങളിലെ കൃത്യതയും എടുത്തു പറയേണ്ട ഒന്നാണ്. ജോലിയുടെ കാര്യത്തിൽ ഇത്രയും 'Straight forward' ആയ ഒരാളെ കാണുക പ്രയാസമാണ്. അദ്ദേഹത്തിന്റെ പ്രൊജക്റ്റുകളിൽ പങ്കാളികളായവർക്ക് നൽകാനുള്ള പേയ്‌മെന്റുകൾ ഒരു ഓർമപ്പെടുത്തലിന്റെ ആവശ്യം പോലുമില്ലാതെ കൃത്യമായി നൽകുന്ന കാര്യത്തിൽ അദ്ദേഹം കാണിക്കുന്ന ശ്രദ്ധ പല തവണ നേരിട്ട് അനുഭവിച്ചറിഞ്ഞിട്ടുള്ളതാണ്. മറ്റൊരാളുടെ അധ്വാനത്തിന് അർഹമായ പ്രതിഫലം കൃത്യമായി നൽകുന്നതിൽ അദ്ദേഹം പുലർത്തുന്ന സത്യസന്ധത ജിസ് ജോയ് എന്ന വ്യക്തിയുടെ വലിയൊരു അടയാളമാണ്.

ALSO READ: ആ ദുരന്തം സംഭവിച്ചതും ഒരു ജനുവരിയിൽ! 10 വർഷങ്ങൾക്ക് ഇപ്പുറം ചേച്ചിയുടെ അടുത്തേക്ക് കമൽ എത്തുന്നതും ഈ മാസം

ഇപ്പോൾ അദ്ദേഹത്തിനെതിരെ വന്നിട്ടുള്ള ഈ കേസും ആരോപണങ്ങളും വിശ്വസിക്കാൻ തന്നെ പ്രയാസമാണ്. കൃത്യമായ ഒരു പ്രാഥമിക അന്വേഷണം പോലും നടത്താതെ ഇത്തരം കേസുകളിൽ ഒരാളെ പ്രതി ചേർക്കുമ്പോൾ, ഒരു ആയുഷ്കാലം മുഴുവൻ കഷ്ടപ്പെട്ട് ഉണ്ടാക്കിയെടുത്ത സൽപ്പേരും ഇമേജുമാണ് നിമിഷനേരം കൊണ്ട് തകരുന്നത്. അത് ഒരു വ്യക്തിയെ സംബന്ധിച്ചിടത്തോളം വലിയ വേദനയാണ്.

നിയമം അതിന്റെ വഴിക്ക് തന്നെ നീങ്ങട്ടെ. ശരിയായ അന്വേഷണം നടന്നാൽ ഈ ആരോപണങ്ങളിൽ നിന്നെല്ലാം അദ്ദേഹം പൂർണ്ണമായും നിരപരാധിയായി പുറത്തു വരുമെന്ന് എനിക്ക് ഉറപ്പുണ്ട്.

പ്രിയപ്പെട്ട ജിസ് ജോയ്ക്ക് ഒപ്പം; കൈലാസ് മേനോൻ കുറിച്ചു.