ജീവിതപ്രശ്നങ്ങൾ ആയപ്പോളും മരുന്ന് ഇതായിരുന്നു! ഇപ്പോൾ 46 ആയി എനർജി ഒട്ടും ചോർന്നിട്ടില്ല; ഇന്നും ആ കലാതിലകത്തിന്റെ ഭാവം

Authored byഋതു നായർ | Samayam Malayalam | Updated: 29 Apr 2025, 12:09 pm

മലയാളത്തിന്റെ ലേഡി സൂപ്പർ സ്റ്റാർ എന്നാണ് മഞ്ജു വാര്യരെ ആരാധകർ വിശേഷിപ്പിക്കുന്നത്. ശരിക്കും ലേഡി സ്റ്റാർ തന്നെയാണ് മഞ്ജു. പ്രായത്തെ വെല്ലുന്ന സൗന്ദര്യവും നിഷ്കളങ്കമായ പുഞ്ചിരിയും കൊണ്ടാണ് മഞ്ജു മലയാളികളുടെ ഇടം നെഞ്ചിൽ ഇടം പിടിച്ചത്. ഒരുപാട് പുതുമുഖങ്ങൾ മലയാള സിനിമയിൽ വന്നു പോകുന്നുണ്ട് എങ്കിലും മറ്റാർക്കും കിട്ടാത്ത ഒരു ആരാധന മഞ്ജുവിന് കിട്ടുന്നുണ്ട് എന്ന് പറയുന്നതിൽ തെറ്റില്ല. വയസ്സ് 46 ആവുകയാണ് നമ്മുടെ സ്വന്തം മഞ്ജുവിന്, എന്നാൽ ഇന്നും പണ്ട് സല്ലാപത്തിൽ എത്തിയ ആ പാവാടക്കാരിയുടെ പ്രായം തന്നെയാണ് മഞ്ജുവിന് എന്ന് ആരാധകർ പറയും. സല്ലാപം ആയിരുന്നു നായിക ആയി ആദ്യം എത്തിയ ചത്രം എങ്കിലും 17-ആം വയസ്സിൽ സാക്ഷ്യം എന്ന ചിത്രത്തിലൂടെയാണ് അഭിനയരംഗത്തേക്ക് കടന്നു വരുന്നത്.

ഇന്ന് നൃത്തം അഭ്യസിക്കുന്ന വീഡിയോ മഞ്ജു പങ്കുവച്ചപ്പോഴാണ് ആ സ്‌കൂൾ കുട്ടിയുടെ മുഖം മലയാളി ഓർത്തുപോകുന്നത്. കലാതിലകപട്ടം അലങ്കരിച്ച് പിന്നീട് മലയാള സിനിമയുടെതാര റാണി ആയപ്പോളും ജനപ്രിയ നായകന്റെ ഭാര്യ ആയപ്പോഴും എല്ലാം മലയാളി അവർക്ക് ഒപ്പം നിന്നു. പതിനാല് വർഷങ്ങൾക്ക് ഇപ്പുറം മടങ്ങി എത്തിയപ്പോൾ ഇരു കൈയും നീട്ടി സ്വീകരിച്ചു. തന്റെ നൃത്ത വീഡിയോ മഞ്ജു പങ്കുവച്ചപ്പോൾ ഒരിക്കലും പ്രതീക്ഷിച്ചു കാണില്ല ഇത്രയും സ്നേഹം മലയാളികൾ മനസ്സിൽ സൂക്ഷിക്കുന്നുണ്ട് എന്ന്. ഒരു രസത്തിനു പങ്കുവച്ച വീഡിയോ മിനിറ്റുകൾ കൊണ്ടാണ് സോഷ്യൽ മീഡിയയിൽ ഹിറ്റായത്.

ജീവിതപ്രശ്നങ്ങൾ ആയപ്പോളും മരുന്ന് ആയി മഞ്ജു കണ്ടത് നൃത്തം ആയിരുന്നു. ചിലങ്ക അണിഞ്ഞുകൊണ്ട് ഗുരുവായൂർ നടയിൽ നിന്നുമാണ് മടങ്ങിവരവും. ഇന്ന് പാൻ ഇന്ത്യ സ്റ്റാർ ആയി മഞ്ജു മാറി. 46 ലും തോരാത്ത എനർജിയുടെ പ്രതീകം.

ALSO READ: താങ്കളുടെ ഭാര്യ മഞ്ജു! ആ.. ആ ഓ.. കുഴപ്പം ഒന്നും ഇല്ല; ആള് ഫുൾ ടൈം ബിസി ആണ്; അത് ചെയ്തോ ഇത് ചെയ്തോ കണക്ക് അങ്ങനെ ഇങ്ങനെ!ജീവിതത്തിൽ പല സന്ദര്ഭങ്ങള് വന്നപ്പോൾ ഒരിക്കലും അവർ തനിക്ക് എതിരെ നിന്ന ആളുകളുടെ പേര് വിളിച്ചുപറഞ്ഞില്ല. പ്രസവിച്ച മകളെ വിട്ടുകൊടുത്തു ഇറങ്ങി വന്നപോലെ വേദന കടിച്ചമർത്തി മകളുടെ സന്തോഷത്തിനു ഒപ്പം നിന്നു.

1978 സെപ്റ്റംബർ 10 നു തമിഴ്നാട്ടിലെ നാഗർകോവിലിൽ ഗിരിജ വാര്യരുടെയും മാധവ വാര്യരുടെയും മകളായി ജനിച്ച മഞ്ജു തൃക്കേട്ട നക്ഷത്രക്കാരിയാണ്. കണ്ണൂർ ചിന്മയ വിദ്യാലയത്തിലും കണ്ണൂരിലെ ചൊവ്വ ഹയർസെക്കണ്ടറി സ്കൂളിലുമായി സ്കൂൾ വിദ്യാഭ്യാസം പൂർത്തിയാക്കിയ താരം ഒട്ടനവധി കരുത്തുറ്റ കഥാപാത്രങ്ങളെ ആണ് മലയാളികൾക്ക് സമ്മാനിച്ചത്. സിനിമയിൽ കരുത്തുറ്റ കഥാപാത്രങ്ങൾ അവതപ്പിക്കുന്നുണ്ട് എങ്കിലും ജീവിതത്തിൽ ഏറെ പ്രതിസന്ധികൾ അതിജീവിച്ച ആളാണ് മഞ്ജു.