ജൂനിയര്‍ എന്‍ടിആറിന് എന്ത് സംഭവിച്ചു, ആരോഗ്യ സ്ഥിതിയില്‍ ആശങ്കരായി ആരാധകര്‍; മെലിഞ്ഞത് അസുഖം കാരണമാണോ?

Authored byഅശ്വിനി പി | Samayam Malayalam | Updated: 16 Apr 2025, 4:34 pm

ജൂനിയര്‍ എന്‍ടിആര്‍ എന്ന തെലുങ്ക് സിനിമാ ലോകത്ത് ഒരു വികാരമാണ്, ബ്രഹ്‌മാണ്ഡ സിനിമകളിലെ നായകന്‍! മലയാളത്തിലും ജൂനിയര്‍ എന്‍ടിആറിന് ആരാധകരില്ലാതെയല്ല. എന്നാല്‍ ഇപ്പോള്‍ ആരാധകരെ ആശങ്കയിലാക്കുന്നത് അദ്ദേഹത്തിന്റേതായ പുറത്തുവന്ന ചില ചിത്രങ്ങളാണ്.

ശരീരം നന്നെ മെലിഞ്ഞ രൂപത്തിലുള്ള ഏതാനും ചിത്രങ്ങളാണ് സോഷ്യല്‍ മീഡിയയില്‍ വൈറലാവുന്നത്. ഇതിന് പിന്നാലെ ജൂനിയര്‍ എന്‍ ടി ആറിന് എന്തോ ആരോഗ്യ പ്രശ്‌നമാണ് എന്ന തരത്തില്‍ വാര്‍ത്തകളും വന്നു. വിഷയം സോഷ്യല്‍ മീഡിയയില്‍ നിയന്ത്രണങ്ങളില്ലാതെ പടരുന്ന സാഹചര്യത്തിലാണ് നടന്റെ മാറ്റത്തിന്റെ യഥാര്‍ത്ഥ കാരണം വ്യക്തമാക്കി സഹോദരന്‍ കല്യാണ്‍ രാം രംഗത്തെത്തിയത്.

Also Read: ലുക്കിനോ സ്‌റ്റൈലിനോ ആ തേജസ്സിനോ ഒരു മാറ്റവും സംഭവിച്ചിട്ടില്ല; പൂര്‍ണ ആരോഗ്യവാനായി മമ്മൂട്ടി തിരിച്ചെത്തി!

ജൂനിയര്‍ എന്‍ടിആറിന് യാതൊരു തര ആരോഗ്യ പ്രശ്‌നങ്ങളുമില്ല. പ്രശാന്ത് നീല്‍ സംവിധാനം ചെയ്യുന്ന ഡ്രാഗണ്‍ എന്ന സിനിമയ്ക്ക് വേണ്ടിയുള്ള ട്രാന്‍സ്ഫര്‍മേഷനാണ് ഇത്. കടുത്ത ഡയറ്റും, വ്യായാമവും ചെയ്ത് 14 കിലോയോളം ജൂനിയര്‍ എന്‍ടി ആര്‍ ശരീര ഭാരം കുറച്ചു. കഥാപാത്രത്തിന് അത് അത്യാവശ്യമായിരുന്നു. സിനിമയോടുള്ള കമ്മിറ്റ്‌മെന്റ് കാരണമാണ് നടന്‍ തടി കുറച്ചത്, അല്ലാതെ ആരോഗ്യ പ്രശ്‌നമല്ല എന്ന് കല്യാണ്‍ രാം വ്യക്തമാക്കുന്നു.

Also Read: കോടികള്‍ പ്രതിഫലം വരുന്ന 15ല്‍ അധികം ബ്രാന്റ് ഡീലുകള്‍ ഒഴിവാക്കി; എന്തുകൊണ്ടാണെന്ന് വെളിപ്പെടുത്തി സമാന്ത, പൈസയ്ക്ക് വിലയില്ലേ?

തിട കുറയ്ക്കുന്നതിനായി ജൂനിയര്‍ എന്‍ടിആര്‍ പൂര്‍ണമായും ഫാസ്റ്റ് ഫുഡ്ഡ് ഒഴിവാക്കി. കൂടുതല്‍ പച്ചക്കറികളും പഴ വര്‍ഗ്ഗങ്ങളും കഴിച്ചു. പഞ്ചസാര അടങ്ങിയ ജൂസ് സോഡ പോലുള്ള പാനീയങ്ങള്‍ ഒഴിവാക്കി വെള്ളവും ലോ-ഫാറ്റ് മില്‍ക്കും ശീലമാക്കി. മൂന്ന് നേരം മീല്‍സും രണ്ട് നേരം സ്‌നാക്‌സും കഴിക്കുമെങ്കിലും അത് ഓവറാകാതെ ശ്രദ്ധിച്ചു. സ്‌നാക്ക് നട്‌സോ ഫ്രൂട്‌സോ മാത്രമാണ്. ഇതിനൊപ്പം കൃത്യമായ വ്യായാമവും ചെയ്താണ് നടന്‍ 14 കിലോ കുറച്ചത്.

ഡ്രാഗണ്‍ 2026 ജനുവരിയില്‍ ആയിരിക്കും റിലീസ് ചെയ്യുക എന്നാണ് നിലവിലെ വിവരം. ചിത്രത്തില്‍ ടൊവിനോ തോമസ് ഒരു പ്രധാന കഥാപാത്രമായി എത്തുന്ന റിപ്പോര്‍ട്ടുകള്‍ നേരത്തെ പുറത്തുവന്നിരുന്നു. കുടിയേറ്റത്തിന്റെ കഥയാണ് സിനിമ എന്നാണ് റിപ്പോര്‍ട്ടുകള്‍.