ജെന്നിഫറിന്റെയും കാർട്ടിസിന്റെയും പ്രായ വ്യത്യാസമാണോ വിഷയം? വീണ്ടും ചിത്രങ്ങൾ വൈറലാവുന്നു

Authored by: അശ്വിനി പി|Samayam Malayalam•6 Aug 2025, 3:08 pm

നടി ജെന്നിഫർ ആനിസ്റ്റണിന്റെ പുതിയ പ്രണയ ഗോസിപ്പ് സോഷ്യൽ മീഡിയയിൽ വലിയ ചർച്ചാ വിഷയമാണ്. ജിം കാർട്ടിസുമൊത്തുള്ള ജെന്നിഫറിന്റെ ചിത്രങ്ങളും പ്രണയ ഗോസിപ്പുകളും ശരിവയ്ക്കുന്നതാണ് ഇരുവരുടെയും സോഷ്യൽ മീഡിയ ആക്ടിവിറ്റികളും.

ഇപ്പോഴിതാ ജെന്നിഫറും ജിം കാർട്ടിസും ഒരു ഡിന്നർ രാത്രി മനോഹരമാക്കിയ ചിത്രങ്ങൾ പുറത്തുവരുന്നു. ആനിസ്റ്റണിന്റെ ദീർഘകാല സുഹൃത്ത് ജേസൺ ബേറ്റ്മാൻ, ഭാര്യ അമാൻഡ അങ്ക എന്നിവർക്കൊപ്പം വെസ്റ്റ് വില്ലേജിൽ മൂന്ന് മണിക്കൂറോളം നീണ്ട ഒരു അത്താഴ വിരുന്നായിരുന്നു അത് എന്നാണ് റിപ്പോർട്ടുകൾ.

Also Read: ദിവസേന രണ്ടുലക്ഷം രൂപ ഷോപ്പിൽ നിന്നുമാത്രം; യൂട്യൂബിൽ നിന്നും, പ്രമോഷിനിലൂടെ വേറെയും; ദിയ എന്ന ബോൾഡ് ആൻഡ് ബ്യൂട്ടിഫുൾ ലേഡി

താര ജോഡികളുടെ പ്രണയ വാർത്തകളും ഫോട്ടോകളും പുറത്തുവരുന്ന സാഹ്യചര്യത്തിൽ ഇരുവരും തമ്മിലുള്ള പ്രായ വ്യത്യാലമാണ് ആരാധകർക്കിടയിലെ ചർച്ചാ വിഷയം. ജെന്നിഫറിനെക്കാൾ പ്രായക്കുറവാണ് ജിം കാർട്ടിസിന് എന്ന് അറിയാം, അത് എത്രയാണ് എന്നറിയാനായിരുന്നു ആരാധകരുടെ ആകാംക്ഷ

1969 ൽ ജനിച്ച ജെന്നിഫർ ആനിസ്റ്റണിന് 56 വയസ്സാണ് പ്രായം, 1976 ൽ ജനിക്ക ജിം കാർട്ടിസിന് 49 വയസ്സും. ഇരുവരും തമ്മിൽ ഏഴ് വയസ്സിന്റെ പ്രായ വ്യത്യാസമുണ്ട്, എന്നാൽ അതൊന്നും തന്നെ പ്രണയത്തെ ബാധിക്കുന്നതേയില്ല. അല്ലെങ്കിലും പ്രായം പ്രണയത്തിനൊരു വിഷയമേ അല്ല എന്ന് ഇവിടെ ഇന്ത്യൻ സെലിബ്രേറ്റികൾ പലരും തെളിയിച്ചതാണ്. പ്രിയങ്ക ചോപ്രയെക്കാൾ പത്ത് വയസ്സ് ഇളയതാണ് ഭർത്താവ് നിക്ക് ജോനസ്, സച്ചിനും ഭാര്യയും തമ്മിൽ അഞ്ച് വയസ്സിന്റെ വ്യത്യാസമുണ്ട്. അവർക്കിടയിൽ ഈ ഏഴ് വയസ്സ് വലിയ സംഭവമേ അല്ല.

Also Read: എങ്ങനെ കണ്ടുമുട്ടി, എപ്പോൾ പ്രണയത്തിലായി? ധനുഷ് - മൃണാൾ താക്കൂർ ബന്ധത്തെ കുറിച്ചുള്ള കൂടുതൽ വിവരങ്ങൾ

ഹിപ്നോ തെറാപ്പിസ്റ്റും ലൈഫ് കോച്ചും എഴുത്തുകാരനുമൊക്കെയാണ് ജിം കാർട്ടിസ് . ഇക്കഴിഞ്ഞ ജൂലൈ മാസത്തിലാണ് കാർട്ടിസിന്റെയും ജെന്നിഫറിന്റെയും പ്രണയ വാർത്തകൾ പുറത്തുവന്നത്. സ്പെയിനിലെ മല്ലോർക്കയിൽ ഒരു അവധിക്കാലം ഇരുവരും ഒന്നിച്ച് ആഘോഷിച്ച ചിത്രങ്ങൾക്കൊപ്പം ആ പ്രണയം പരസ്യമാവുകയായിരുന്നു.


അമേരിക്കൻ നടിയും സംവിധായികയും നിർമാതാവുമൊക്കെയായ ജെന്നിഫർ നേരത്തെ വിവാഹിതയാണ്. നടൻ ബ്രാഡ് പിറ്റ് ആണ് ആദ്യത്തെ ഭർത്താവ്. 2000 മുതൽ 2005 വരെ മാത്രമേ ആ ബന്ധം നിലനിന്നുള്ളൂ. അതിന് ശേഷം നടൻ ജസ്റ്റി തെറോക്സുമായുള്ള വിവാഹം നടന്നു. 2015 മുതൽ 2018 വരെ മാത്രമേ ആ ബന്ധവും പോയിട്ടുള്ളൂ. ഇതിനിടയിൽ പല പ്രണയ ബന്ധങ്ങളും ജന്നിഫർ ആനിസ്റ്റണിന്റെ ജീവിതത്തിൽ സംഭവിച്ചിരുന്നു.