ജോനാഥൻ ഡാവിനുമായി പിരിഞ്ഞിട്ട് മാസങ്ങൾ മാത്രം, ജസ്റ്റിൻ ബീബറിന്റെ മുൻ മാനേജരുമായി സിഡ്നി സ്വീനി പ്രണയത്തിൽ!

Authored by: അശ്വിനി പി|Samayam Malayalam•31 Aug 2025, 11:52 am

ഹോളിവുഡിൽ നിന്നും പുതിയ പ്രണയ ഗോസിപ്പുകൾ കേൾക്കുന്നു, നടി സിഡ്നി സ്വീനി വീണ്ടും പ്രണയത്തിലാണെന്ന വാർത്തകളാണ് പുറത്തു വരുന്നത്. തന്റെ പ്രൊഫഷണൽ ലൈഫിനെക്കാൾ, പേഴ്സണൽ ലൈഫിലെ പ്രണയത്തിന്റെ പേരിൽ എന്നും ശ്രദ്ധ നേടിയിട്ടുള്ള താരമാണ് സിഡ്നി സ്വീനി.

ജോനാഥൻ ഡാവിനോയുമായി വേർപിരിഞ്ഞ് മാസങ്ങൾ പിന്നിടുമ്പോഴേക്കും ഇതാ പുതിയ ബന്ധം. ജസ്റ്റിൻ ബീബറിന്റെ മുൻ മാനേജരും അമേരിക്കൻ ബിസിനസുകാരനുമായ സ്കൂട്ടർ ബ്രൗണുമായി സിഡ്നി ഡേറ്റിംഗ് നടത്തുന്നതായി കിംവദന്തികൾ പുറത്തുവരുന്നു. 27 വയസ്സാണ് സിഡ്നിയുടെ പ്രായം, സ്കൂട്ടർ ബ്രോണിന് 44 ഉം എന്നതാണ് ഇതിലെ കൗതുകം, 17 വയസ്സിന്റെ പ്രായ വ്യത്യാസം!

ഇക്കഴിഞ്ഞ ജൂണിൽ നടന്ന ജെഫ് ബെസോസിന്റെയും ലോറൻ സാഞ്ചസിന്റെയും വിവാഹത്തിന് ശേഷമാണ് ഇരുവരെയും സബന്ധിച്ച പ്രണയ ഗോസിപ്പുകൾ വന്നു തുടങ്ങിയത്. വിവാഹത്തിൽ ഒരുമിച്ച് പങ്കെടുത്ത ചിത്രങ്ങളൊക്കെ പുറത്തുവന്നിരുന്നു. അതിന് ശേഷം ടിക് ടോക്കിൽ ഒന്നിച്ചുള്ള വീഡിയോകളും പങ്കുവച്ചിരുന്നു.

Also Read: കല്യാണ വാർത്ത നിഷേധിച്ച് ബേ സൂസി; എന്നാലും ആരാണ് കിം ബ്യൂങ് ഹൂൺ എന്ന കോടീശ്വരൻ

സിഡ്നി സ്വീനിയുടെയും മുൻ കാമുകൻ ജോനാഥൻ ഡാവിനുമായുള്ള പ്രണയ ബന്ധം ഏറെ ചർച്ചയായിരുന്നു. തന്റെ 21 ആം വയസ്സിലാണ് സിഡ്നി ജോനാഥനുമായി പ്രണയത്തിലായത്. 2018 ൽ ഡേറ്റിങ് ആരംഭിച്ചു എന്നാണ് വിവരം. വിവാഹ നിശ്ചയവും കഴിഞ്ഞതാണ്. എന്നാൽ പരസ്പരം ഒത്തു പോകാൻ സാധിക്കില്ല എന്ന ഘട്ടം എത്തിയപ്പോൾ വേർപിരിഞ്ഞു. 2025 ഫെബ്രുവരിയോടെയാണ് വേർപിരിയൽ വാർത്തകൾ വന്നത്, ഏപ്രിൽ ആയപ്പോഴേക്കും ആ ഗോസിപ്പുകൾ ശരിവച്ച് സിഡ്നി രംഗത്തെത്തി. വിവാഹം റദ്ദാക്കി എന്നും ഞങ്ങൾ വേർപിരിഞ്ഞു എന്നും നടി അറിയിക്കുകയായിരുന്നു.

Also Read: അറുപതാം പിറന്നാളിന് അമ്മ ഒന്നേ ആഗ്രഹിച്ചിട്ടുള്ളൂ, അത് സാധിച്ചു കൊടുത്ത് നവ്യ നായർ; ഇതിൽ കൂടുതൽ എന്തു വേണം
സ്കൂട്ടർ ബ്രോണും നേരത്തെ വിവാഹിതനാണ്. 2014 ൽ ആണ് യേൽ കോഹനുമായുള്ള വിവാഹം നടന്നത്. മൂന്ന് മക്കളും പിറന്നു. എന്നാൽ 2021 ൽ ഇരുവരും വേർപിരിയുകയായിരുന്നു.