ഞങ്ങൾ ഒരേ പ്രായമാണ്! ഒരു വയസ്സിനു വ്യത്യാസം; മീര എങ്ങനെ ഇരിക്കുന്നു ഞാൻ എങ്ങനെ ഇരിക്കുന്നു എന്ന് നോക്ക്

Authored byഋതു നായർ | Samayam Malayalam | Updated: 23 Mar 2025, 3:27 pm

Samayam Malayalamമഞ്ജു പത്രോസ് മീര ജാസ്മിൻ

ചക്രം സിനിമയിലൂടെയാണ് മഞ്ജു പത്രോസിന്റെ തുടക്കം. ചക്ക്രം സിനിമയിൽ നായിക ആയിരുന്നു മീര ജാസ്മിൻ. ഈ മീര ജാസ്മിന്റെ അതേ പ്രായമാണ് താനെന്ന് പറയുകയാണ് ഇപ്പോൾ മഞ്ജു പത്രോസ്. ശരിക്കും പ്രായം പറഞ്ഞാൽ മഞ്ജുവിനേക്കാൾ ഒരു വയസ്സ് മൂത്തതാണ് മീര ജാസ്മിൻ. മീര ജനിക്കുന്നത് 81 ലും മഞ്ജു ജനിക്കുന്നത് 82 ലും. എങ്കിലും താൻ മീരയെ വച്ച് നോക്കുമ്പോൾ എങ്ങനെ ഇരിക്കുന്നു മീര എങ്ങനെ ഇരിക്കുന്നു എന്ന് നോക്കൂ എന്നാണ് മഞ്ജുവിന് പറയാൻ ഉള്ളത്. ചക്രത്തിനു ശേഷമാണ് മഞ്ജു റിയാലിറ്റി ഷോയിലേക്കും മിനി സ്‌ക്രീൻ ബിഗ് സ്‌ക്രീൻ ഇൻഡസ്ട്രയിലേക്കും എത്തിയത്. താൻ ചക്രം സിനിമയിൽ അഭിനയിച്ച കാര്യം അധികം ആർക്കും അറിവുള്ളതല്ല എന്നാണ് മഞ്ജു പത്രോസ് പറയുന്നത്.
ക്വീൻ എലിസബത്തിൽ അഭിനയിച്ചപ്പോൾ എനിക്ക് മീരയെ അറിയാമല്ലോ. പക്ഷെ മീരക്ക് എന്നെ അറിയുമായിരുന്നില്ല. ഇത്രയും വർഷങ്ങൾ ആയില്ലേ. ഞാൻ അങ്ങോട്ട് പറഞ്ഞു നമ്മൾ ചക്രം സിനിമയിൽ അഭിനയിച്ചിരുന്നു എന്ന്. യ്യോ ആണോ എന്ന് അതിശയത്തോടെ എന്നോട് ചോദിച്ചു; ഭയങ്കര അതിശയം ആയിരുന്നു.

സത്യം പറഞ്ഞാൽ നമ്മൾ ഒരേ പ്രായം ആണ്. ഞാൻ ഇരിക്കുന്നത് നോക്ക് മീര ഇരിക്കുന്നത് നോക്ക്. എന്ത് വ്യത്യാസം ആണല്ലേ. ഞാൻ 82 ഉം മീര 81 ഉം ആണെന്നും തോനുന്നു. അത്രയും വ്യത്യാസം ഉണ്ട്. പക്ഷെ നല്ല കൊച്ചാ കേട്ടോ. പലർക്കും കേഴ്വിക്കാർ ആകുന്നത് ഇഷ്ടമല്ല. പക്ഷെ മീരക്ക് കേഴ്വിക്കാരി ആകാൻ വലിയ ഇഷ്ടമാണ്. നമ്മുടെ കാര്യങ്ങൾ കേൾക്കാനും മീരയുടെ അനുഭവങ്ങൾ പറയാനും ഒക്കെ ആൾക്ക് ഇഷ്ടമായിരുന്നു. നല്ല കൊച്ചാണ്. എനിക്ക് ഭയങ്കര ഇഷ്ടമാണ്. ഞാൻ കുറെ സംസാരിച്ചപ്പോൾ എന്നെ ഏറെ ആശ്വസിപ്പിച്ചു. ഞാൻ വീട്ടിൽ വരാം എന്നൊക്കെ എന്നോട് പറഞ്ഞു.

ALSO READ: ചേച്ചിയ്ക്ക് കേക്ക് വായിൽ വച്ച് കൊടുക്ക് മോളെ! ഞങ്ങളുടെ സ്വന്തം മീനൂട്ടിക്ക് 25 ആയെന്ന് കാവ്യ; പിറന്നാൾ സന്തോഷം
ലൈഫ് സ്റ്റൈൽ ഒക്കെ മാറ്റണം പുള്ളിക്കാരി എത്തിയ ലൈഫ് സ്റ്റൈലൊക്കെ എനിക്ക് പറഞ്ഞു തന്നു. എനിക്ക് അത് മനസിലായില്ല എങ്കിലും എന്നോട് എല്ലാം പറഞ്ഞു തരാൻ കാണിച്ച മനസ്സ് ഉണ്ടല്ലോ അതൊക്കെ വലിയ കാര്യമാണ്.

സിനിമ ഒന്നും അറിയാതെ എത്തപെട്ടതാണ് ചക്രത്തിൽ. അതുകൊണ്ടാകണം പിന്നെ ഗ്യാപ്പ് വന്നത്. ഞാൻ അഭിനയിക്കണം എന്ന് എനിക്ക് പോലും നിർബന്ധം ഉണ്ടായിരുന്നില്ല. പിന്നെ വിധി അഭിനയത്തിലേക്ക് എത്തിച്ചു- മഞ്ജു പത്രോസ് കൈരളിയോട് പറഞ്ഞു.