ഞങ്ങൾക്ക് ഇടയിലും തർക്കങ്ങൾ ഉണ്ടാകാറുണ്ട്; ദാമ്പത്യജീവിതം എങ്ങനെ ഇത്ര സ്ട്രോങ്ങ് ആയി; മറുപടിയുമായി ശ്രീയും ശ്വേതയും

Authored by: ഋതു നായർ|Samayam Malayalam•20 Aug 2025, 12:09 pm

മാതൃകാദമ്പതികൾ ആണ് ശ്വേത മേനോനും ശ്രീവത്സനും. ഈ അടുത്തിടക്ക് നടന്ന തെരെഞ്ഞെടുപ്പിൽ അമ്മയുടെ പ്രസിഡന്റ ആയപ്പോഴാണ് വര്ഷങ്ങള്ക്ക് ശേഷം ശ്രീവത്സൻ മേനോൻ കാമറക്ക് മുൻപിലേക്ക് എത്തിയത്. ഇപ്പോഴിതാ തങ്ങളുടെ ദാമ്പത്യ ജീവിതത്തെ കുറിച്ച് ശ്വേതയും ശ്രീവത്സനും പങ്കുവച്ച വാക്കുകൾ ആണ് ശ്രദ്ധേയം ആകുന്നത്.

ശ്രീ ഭയങ്കര പ്ലാൻഡ് ആണ്. പ്രൊഫെഷണലി എല്ലാം ഹാൻഡിൽ ചെയ്ത ആളാണ്. ഞാൻ അങ്ങനെ അല്ല. തുടക്കത്തിൽ ബോളിവുഡിൽ ഉണ്ടായിരുന്നപ്പോൾ യാതൊരു പ്ലാനിങ് ഇല്ലാതെയാണ് പ്രൊഫഷണൽ ജീവിതം മുൻപോട്ട് കൊണ്ട് പോയിരുന്നത്. ഇപ്പോൾ എനിക്ക് തോനുന്നു എന്നിൽ ഉള്ളത് വലിയ മാറ്റം ആണെന്ന്. എങ്കിലും വലിയ മാറ്റം ഉണ്ടെന്നും പറയാൻ ഇല്ല. ഭാവിയിലെ കാര്യങ്ങൾ ഒന്നും പ്ലാൻ ചെയ്യാത്ത ആളാണ് ഞാൻ; ശ്രീ ഇതേകുറിച്ച് ചോദിക്കുമ്പോളും ഞാൻ ഇതെന്നെ പറയും.

നല്ല മെച്വേഡ് ആയ ശേഷം ആയിരുന്നില്ലേ വിവാഹം? എന്ന ചോദ്യത്തിന് ശ്വേത നൽകിയ മറുപടി

ഞാൻ ഒറ്റക്കുട്ടിയാണ്. എന്ന് കരുതി ലാളിച്ചു വഷളാക്കിയില്ല. പക്ഷേ ഷെയറിങ് അറിയില്ല. ഇങ്ങട്ട് കിട്ടുന്നതെ എനിക്ക് അറിയൂ. അങ്ങോട്ട് കൊടുക്കാൻ അറിയില്ല. ഇപ്പോൾ ഞാൻ അത് ശീലം ആക്കുന്നു. അതായിരുന്നു ശ്രീ വന്നപ്പോൾ തോന്നിയ വലിയ മാറ്റം. അത് ആയിരുന്നു ഈ ബന്ധം വലിയ സ്ട്രോങ്ങ് ആകാൻ കാരണവും. ശ്രീ ഭയങ്കര പാവം ആണ്.

പുള്ളി ഭയങ്കര പെർഫെക്ഷനിസ്റ്റ് ആണ്. അതുകൊണ്ട് നമ്മൾ വിചാരിച്ച സമയത്ത് എവിടെയും പോകാൻ ആകില്ല. അതൊരു തർക്കത്തിലേക്ക് എത്തും എന്നാണ് ശ്വേതയെക്കുറിച്ച് ശ്രീക്ക് പങ്കിടാൻ ഉണ്ടായിരുന്നത്.

ALSO READ:നേരമില്ല, രണ്ടാൾക്കും തിരക്കാണ്; കൈലിയും തിമോത്തിയും വേർപിരിയുന്നു എന്ന വാർത്തയിലെ സത്യം?ഒരു യാത്ര ഉണ്ടെങ്കിൽ ഒരു ദിവസം മുൻപേ എല്ലാ കാര്യങ്ങളും ഞാൻ പ്ലാൻ ചെയ്യുന്ന ആളാണ്. പക്ഷേ അങ്ങനെ അല്ല അദ്ദേഹം. കാരണം അവസാന മോമെന്റിൽ ആണ് അദ്ദേഹം കാര്യങ്ങൾ റെഡി ആക്കുന്നത്. അതിന്റെ പേരിൽ എക്സ്ട്രീം ആണ് ഞങ്ങൾ. പിന്നെ കോമ്പ്രമൈസ് ചെയ്യുന്നത് അദ്ദേഹം തന്നെ ആണ്. എന്നെ ശരിക്കും കംഫർട്ട് ആക്കാൻ അദ്ദേഹം എപ്പോഴും ശ്രമിക്കാറുണ്ട് - എന്നായിരുന്നു ശ്വേതയുടെ മറുപടി.

ALSO READ: ഓരോ ശ്വാസത്തിലും പ്രാർത്ഥിച്ച നിമിഷങ്ങൾ! ഉള്ളിലടക്കിയ ആശങ്കകളെല്ലാം അസ്തമിച്ചു! ഇനി മടങ്ങിവരവാണ്; എന്റെ ഇച്ചാക്കയുടെ മടങ്ങിവരവ്വിവാഹത്തിന് ശേഷവും തന്റെ കരിയറിൽ ഏറ്റവും കൂടുതൽ ശ്രദ്ധിക്കാൻ കാരണവും തന്റെ ഭർത്താവ് ആണെന്ന് ശ്വേത ഒരുപാട് വേദികളിൽ തുറന്നുപറഞ്ഞിരുന്നു, കണ്ണൻ എന്നാണ് ശ്വേത ശ്രീയെ വിളിക്കുന്നത്. എങ്കിലും തുടക്കസമയത്തൊക്കെയും ഏട്ടൻ എന്നാണ് അഭിസംബോധന ചെയ്തത്.

ശ്വേത ബോളിവുഡ് മോഡലായ ബോബി ബോൺസ്ലെയെ ആണ് ആദ്യം വിവാഹം ചെയ്യുന്നത് എന്നാൽ അത് വിവാഹമോചനത്തിൽ കലാശിച്ചതൊക്കെ ശ്വേത തന്നെ പറഞ്ഞിരുന്നു. 2011 ജൂൺ 18 ന് ആണ് മുംബൈയിൽ ഉദ്യോഗസ്ഥനായിരുന്ന തൃശൂർ സ്വദേശി ശ്രീവൽസൻ മേനോനുമായി ശ്വേതയുടെ വിവാഹം നടക്കുന്നത്. രണ്ടാൾക്കും ഒരു മകൾ ആണ്.