ഞാനിപ്പോള്‍ സന്തോഷത്തോടെയാണ് ജീവിക്കുന്നത്, എക്‌സ് കാമുകനെ കണ്ട് ഒരു ക്ലോഷര്‍ കിട്ടേണ്ട ആവശ്യമില്ല

വിത്ത് ലവ് എന്ന പുതിയ തമിഴ് ചിത്രത്തിന്റെ പ്രമോഷന്‍ തിരക്കുകളിലാണിപ്പോള്‍ അനശ്വര രാജന്‍ . ചിത്രത്തിന്റെ പ്രമോഷനുമായി ബന്ധപ്പെട്ട് നടിയും സിനിമയുടെ അണിയറ പ്രവര്‍ത്തകരും കേരളത്തിലും പ്രസ്സ് മീറ്റ് നടത്തിയിരുന്നു. സ്‌കൂള്‍ കാലത്തെ പ്രണയകാലം മുതലാണ് ചിത്രത്തിന്റെ കഥ തുടങ്ങുന്നത്. രണ്ട് കാലഘട്ടങ്ങള്‍ കോര്‍ത്തിണക്കിയ മനോഹരമായൊരു റൊമാന്റിക് കോമഡി എന്റര്‍ടൈന്‍മെന്റ് ആണ് ചിത്രം എന്ന് ട്രെയിലര്‍ വ്യക്തത നല്‍കിയിട്ടുണ്ട്.

ചിത്രത്തിലെ കഥാപാത്രത്തിന് തന്റെ തന്നെ കുറേ കണക്ഷന്‍സുണ്ട് എനിക്ക് പെട്ടന്ന് കണക്ട് ചെയ്യാന്‍ പറ്റി എന്നാണ് അനശ്വര രാജന്‍ പറയുന്നത്. സ്‌കൂളില്‍ ഞാനും കുറച്ചധികം എക്‌സ്ട്രാ ആക്ടീവായ പെണ്‍കുട്ടിയായിരുന്നു. വളരെ അധികം ആസ്വദിച്ച് ചെയ്ത ചിത്രമാണ് വിത്ത് ലവ് എന്നും അനശ്വര രാജന്‍ പറഞ്ഞു. എല്ലാവര്‍ക്കും ഉണ്ടാവില്ലേ സ്‌കൂലില്‍ ഒരു പ്രണയവും ക്രഷുമൊക്കെ, അതുകൊണ്ട് തന്നെ പലര്‍ക്കും അത് കണക്ടാവും എന്നാണ് അനശ്വര പറയുന്നത്.

Also Read: സെറ്റില്‍ മദ്യപിച്ച ആളെ അറഞ്ചം പുറഞ്ചം തല്ലി സായി ധന്‍ഷിക; നായകനും സംവിധായകനും പിടിച്ചു വച്ചിട്ടും അടങ്ങാത്ത ദേഷ്യം

അങ്ങനെ അനശ്വരയ്ക്കും പ്രണയമുണ്ടായിരുന്നില്ലേ, എക്‌സ് കാമുകനെ നേരില്‍ കാണാന്‍ ഒരു അവസരം കിട്ടിയാല്‍ എന്തായിരിക്കും പറയുക എന്ന് ചോദിച്ചപ്പോള്‍, എനിക്ക് അതിന്റെ ആവശ്യമില്ല. അങ്ങനെ ഒരു ക്ലോഷര്‍ കിട്ടാന്‍ ഞാന്‍ ആഗ്രഹിക്കുന്നില്ല എന്നാണ് അനശ്വര രാജന്‍ പറഞ്ഞത്. ഇപ്പോഴത്തെ ജീവിതത്തില്‍ ഞാന്‍ ഹാപ്പിയാണ്. സന്തോഷത്തോടെയാണ് ജീവിക്കുന്നത്, എനിക്കിത് മതി, ഒരു കുഴപ്പവുമില്ല- എന്ന് അനശ്വര രാജന്‍ പറയുന്നു

പ്രിവ്യു ഷോ കണ്ടിട്ട് എല്ലാവരില്‍ നിന്നും നല്ല അഭിപ്രായം കേള്‍ക്കുന്നതില്‍ സന്തോഷമുണ്ട്. തമിഴിലെ ചില സംവിധായകരും രജിനികാന്ത് സര്‍ അടക്കമുള്ള ആളുകളും നല്ല അഭിപ്രായം പറഞ്ഞു. ഇനി ആരാം തിയ്യതി സിനിമ റിലീസ് ആയിട്ട് ലഭിക്കുന്ന പ്രതികരണത്തിന് വേണ്ടി കാത്തിരിക്കുകയാണ് ഞാന്‍. വിത്ത് ലവ്വിന്റെ കഥ കേട്ടതുമുതല്‍, സിനിമ ചെയ്യുമ്പോഴും ചെയ്തു കഴിഞ്ഞപ്പോഴും എല്ലാം എനിക്കൊരു പോസിറ്റീവ് വൈബ് ഫീല്‍ ചെയ്തിരുന്നു. റിലീസിന് ശേഷവും അത് ഉണ്ടാവും എന്നാണ് പ്രതീക്ഷിക്കുന്നത് എന്ന് അനശ്വര രാജന്‍ പറഞ്ഞു.