ഞാനും സിംഗിളാണ് അമ്മയും സിംഗിളാണ്; മകള്‍ക്ക് ഉടനെ വിവാഹം ഉണ്ടാവുമോ എന്ന ചോദ്യത്തിന് മഞ്ജു പിള്ളയുടെ മറുപടി

Authored by: അശ്വിനി പി|Samayam Malayalam•26 Nov 2025, 11:43 am

മഞ്ജു പിള്ളയുടെ മകള്‍ ദയ സുജിത്തും ഇപ്പോള്‍ സോഷ്യല്‍ മീഡിയ യിലൂടെ പ്രേക്ഷകര്‍ക്ക് ഏറെ പരിചിതയാണ്. ഇറ്റലിയില്‍ പഠിച്ചു വന്ന താരപുത്രി ഇപ്പോള്‍ ആക്ടിങ് വര്‍ക് ഷോപ്പും കാര്യങ്ങളുമൊക്കെയായി മുന്നോട്ടു പോകുന്നു. മതു മുത്തശ്ശന്റെയും അമ്മയുടെയും പാത പിന്‍തുടര്‍ന്ന് സിനിമയിലേക്ക് വരാന്‍ തന്നെയാണ് ദയ സുജിത്തിന്റെയും ആഗ്രഹം. അത്തരം ആഗ്രഹങ്ങളെ കുറിച്ചൊക്കെ ദയ തന്റെ യൂട്യൂബ്, സോഷ്യല്‍ മീഡിയ പേജുകളിലൂടെ പങ്കുവയ്ക്കാറുണ്ട്.

ഏറ്റവുമൊടുവില്‍ അമ്മ മഞ്ജു പിള്ളയ്‌ക്കൊപ്പമുള്ള ഒരു ക്യു ആന്റ് എ വ്‌ളോഗ് ആണ് ദയ സുജിത്ത് പങ്കുവച്ചിരിയ്ക്കുന്നത്. ഏറ്റവും ആദ്യം വന്നിട്ടുള്ള ചോദ്യം നിങ്ങള്‍ സിംഗിള്‍ ആണോ എന്നായിരുന്നു. താന്‍ സിംഗിള്‍ ആണെന്ന് ദയ പറഞ്ഞു, താനും സിംഗിളാണെന്നും, മിങ്കിള്‍ ആവാന്‍ താത്പര്യമില്ല എന്നുമായിരുന്നു മഞ്ജു പിള്ളയുടെ മറുപടി.

Also Read: കല്യാണം ജീവിതവും, കരിയറും എല്ലാം ഞാന്‍ ആഗ്രഹിച്ചതുപോലെ തന്നെ പോകുന്നുണ്ട്; ദൈവത്തിന് നന്ദി പറഞ്ഞ് കീര്‍ത്തി സുരേഷ്

ആവര്‍ത്തിച്ചു വന്ന മറ്റൊരു ചോദ്യം ദയയുടെ വിവാഹത്തെ കുറിച്ചായിരുന്നു. അടുത്ത വര്‍ഷം വിവാഹമുണ്ടാവുമോ എന്ന് ചോദിച്ച ആളോട് അതിന് താത്പര്യമില്ല എന്ന് ദയ സുജിത്ത് പറഞ്ഞു. ആദ്യം ഒരു ജോലിയാക്കട്ടെ, എന്നിട്ടാവാം വിവാഹം എന്നാണ് മഞ്ജു പിള്ളയുടെ മറുപടി.

പാരന്റിങ് ടിപ് ചോദിച്ച ആളുകളുണ്ട്, മകള്‍ക്ക് എന്തും തന്നോടു തുറന്ന് പറയാനുള്ള ഒരു സ്‌പേസ് നല്‍കിയതാണ് താന്‍ ചെയ്ത ഏറ്റവും നല്ല കാര്യം എന്ന് മഞ്ജു പിള്ള അഭിമാനത്തോടെ പറയുന്നു. അതുകൊണ്ടു തന്നെ ഒരു ചെറുക്കനെ വായി നോക്കുകയാണെങ്കില്‍ പോലും അത് തന്നോട് പറയും. എന്തും ചോദിച്ചും പറഞ്ഞും മാത്രം ചെയ്യുന്ന മകളുടെ ശീലത്തില്‍ താന്‍ അഭിമാനിക്കുന്നു എന്നും മഞ്ജു പിള്ള പറയുന്നു.

അമ്മ ഒരിക്കലും അമ്മയുടെ ട്രോമ തന്നില്‍ അടിച്ചേല്‍പ്പിക്കാറില്ല എന്നാണ് ദയ സുജിത്ത് പറയുന്നത്. ഞാന്‍ പണ്ട് ഇങ്ങനെയായിരുന്നു, നീയും ഇങ്ങനെ ആവണം എന്ന് പറഞ്ഞ് എനിക്ക് പ്രഷര്‍ തരാറില്ല, അമ്മ ഇപ്പോഴത്തെ ജനറേഷനെ മനസ്സിലാക്കുന്ന ആളാണെന്ന് മകള്‍ പറഞ്ഞു. അമ്മയെ വല്ലപ്പോഴും മാത്രമേ വീട്ടില്‍ കിട്ടാറുള്ളൂ, എന്നിരുന്നാല്‍പോലും ഒരുമിച്ചുള്ള ഓരോ നിമിഷവും, വഴക്കുകള്‍ പോലും ഞങ്ങള്‍ ആസ്വദിക്കാറുണ്ട് എന്നാണ് മഞ്ജു പിള്ളയും മകളും പറയുന്നത്. അമ്മ വീട് വച്ചതും, വണ്ടി വാങ്ങിയതും, ഓരോ സിനിമയും ഗംഭീരമായി ചെയ്യുന്നതും എല്ലാം എന്നെ സംബന്ധിച്ച് അഭിമാനമുള്ള കാര്യമാണ് എന്ന് ദയ പറഞ്ഞു.