ഞാന്‍ എപ്പോഴാണ് നിങ്ങളുമായി സൗഹൃദത്തിലായത്! എന്തിന് ഇങ്ങനെയൊക്കെ പറയുന്നു! പേര് പറയാതെ തെളിവ് നിരത്തി എലിസബത്തിന്റെ മറുപടി

Edited byഅനുപമ നായർ | Samayam Malayalam | Updated: 25 Mar 2025, 7:44 am

Samayam Malayalamപേര് പറയാതെ തെളിവ് നിരത്തി എലിസബത്തിന്റെ മറുപടി

തന്റെ വിവാഹ ജീവിതത്തില്‍ സംഭവിച്ച കാര്യങ്ങളെക്കുറിച്ചുള്ള എലിസബത്ത് ഉദയന്റെ വെളിപ്പെടുത്തലുകള്‍ ചര്‍ച്ചയായിരുന്നു. ഫേസ്ബുക്കിലും യൂട്യൂബ് ചാനലിലൂടെയുമാണ് ഇതേക്കുറിച്ച് സംസാരിക്കുന്നത്. തന്റെ ആദ്യ വിവാഹത്തെക്കുറിച്ചും അവര്‍ നേരത്തെ സംസാരിച്ചിരുന്നു. തന്റെ വീഡിയോകളില്‍ വരുന്ന കമന്റുകള്‍ക്കും അവര്‍ മറുപടി നല്‍കാറുണ്ട്. എനിക്ക് ഇതേക്കുറിച്ച് കൂടുതലൊന്നും പറയാനില്ലെന്ന് പറഞ്ഞായിരുന്നു പുതിയ പോസ്റ്റ്. അഅമൃത സുരേഷിനെക്കുറിച്ചുള്ള കമന്റിന് നല്‍കിയ മറുപടിയുടെ സക്രീന്‍ ഷോട്ടായിരുന്നു വീഡിയോയില്‍. വോയ്‌സ് ഓവറില്ലാതെയായിരുന്നു ഇത്തവണത്തെ മറുപടി. ഒന്നും കേള്‍്ക്കാനാവുന്നില്ലല്ലോയെന്നായിരുന്നു കമന്റുകള്‍.

എന്നെ ആരാണ് ചതിച്ചത്, ഭീഷണിപ്പെടുത്തിയത് എന്നാണ് ഞാന്‍ പറയുന്നത്. നിങ്ങളെ സംബന്ധിച്ച് ഞങ്ങള്‍ രണ്ടുപേരും ഒരുപോലെയായിരിക്കാം, വ്യത്യസ്ത രീതികളിലൂടെയായി രണ്ടുപേരും എന്നെ ചതിച്ചതാണ്. അവര്‍ നേരിട്ട ദുരനുഭവത്തെക്കുറിച്ച് ആരോടെങ്കിലും തുറന്ന് പറഞ്ഞിട്ടുണ്ടെങ്കില്‍ അവരെ വിശ്വാസമുള്ളത് കൊണ്ടായിരിക്കില്ലേ. കോള്‍ റെക്കോര്‍ഡ് ചെയ്യരുതെന്നും, പറഞ്ഞ കാര്യങ്ങള്‍ രഹസ്യമായി വെക്കണമെന്നും പറയില്ലേ. പറഞ്ഞ കാര്യങ്ങള്‍ സീക്രട്ടായി വെക്കണമെന്ന് പറഞ്ഞിട്ടും, അത് മാധ്യമങ്ങളിലൂടെ കേള്‍ക്കേണ്ടി വരുന്ന അവസ്ഥയാണ്. അതിന് ശേഷമുള്ള എന്റെ അവസ്ഥയെക്കുറിച്ച് നിങ്ങള്‍ ആലോചിച്ചിട്ടുണ്ടോയെന്നും എലിസബത്ത് ചോദിക്കുന്നുണ്ട്.

Also Read: ഓസീ സമ്മതിച്ച് തന്നിരിക്കുന്നു ഈ ധൈര്യം! ആഗ്രഹിച്ചതെല്ലാം കഴിച്ച് ചെന്നൈ ബീച്ചില്‍ ആടിപ്പാടി അശ്വിനും ദിയയും! വൈറലായി പുത്തന്‍ വീഡിയോ

അഭിമുഖങ്ങളിലെല്ലാം ഞങ്ങള്‍ സുഹൃത്തുക്കളാണെന്ന് നിങ്ങള്‍ പറയുന്നു. എപ്പോഴാണ് ഞാന്‍ നിങ്ങളെ സുഹൃത്തുക്കളാക്കിയത്. എന്നെ ചതിച്ചവരുമായി ഞാനെന്തിന് സൗഹൃദം സ്ഥാപിക്കണം. ഈ സൗഹൃദത്തെക്കുറിച്ച് ചോദിച്ച് കുറേപേര്‍ എത്തിയിരുന്നു. അവരുമായി അടുത്ത ബന്ധമുള്ളവരായിരിക്കാം. എന്നെ ആരൊക്കെ സപ്പോര്‍ട്ട് ചെയ്യുന്നുണ്ടെന്ന് എനിക്ക് വ്യക്തമായി അറിയാം. സ്വാര്‍ത്ഥ ലാഭത്തിന് വേണ്ടി പിന്തുണയ്്ക്കുന്നവരെയും എനിക്ക് മനസിലാക്കാനാവും എന്നുമായിരുന്നു എലിസബത്ത് കുറിച്ചത്.


വീഡിയോയുടെ താഴെയായി മോശം കമന്റുമായെത്തിയവര്‍ക്കും അവര്‍ മറുപടി നല്‍കിയിരുന്നു. കുറേ ആയല്ലോ ഇവിടെ വന്ന് മോശം കമന്റ് ഇടുന്നു, നിര്‍ത്തിക്കൂടേയെന്നായിരുന്നു എലിസബത്തിന്റെ മറുപടി. പ്രതീക്ഷയോടെയായിരുന്നു വിവാഹ ജീവിതത്തിലേക്ക് കടന്നത്. എന്നാല്‍ സഹിക്കാന്‍ പറ്റുന്ന കാര്യങ്ങളായിരുന്നില്ല സംഭവിച്ചത്. നേരത്തെയൊരു വിവാഹം നടന്നതാണെന്നും, ദിവസങ്ങള്‍ക്കുള്ളില്‍ പിരിഞ്ഞതാണ് എന്നും അദ്ദേഹത്തിനോട് പറഞ്ഞതാണ്.

അതേക്കുറിച്ച് പറഞ്ഞാല്‍ എനിക്ക് നാണക്കേടാണ്, എവിടെയും പറയരുത് എന്ന് പറഞ്ഞത് അദ്ദേഹമാണ് എന്നുമായിരുന്നു മുന്‍പ് എലിസബത്ത് വിശദീകരിച്ചത്. അടുത്തിടെയായിരുന്നു കാര്യങ്ങളെക്കുറിച്ചെല്ലാം വിശദീകരിച്ച് വീഡിയോ പോസ്റ്റ് ചെയ്തത്. ഒന്നിന് പിന്നാലെ ഒന്നൊന്നായി വിവാദങ്ങളാണ്, ചിലതൊക്കെ കണ്ടാല് പ്രതികരിക്കാതെ ഇരിക്കാനാവില്ലെന്നും എലിസബത്ത് വ്യക്തമാക്കിയിരുന്നു.