ഞാന്‍ പ്രണയത്തിലാണ് എന്ന് പറഞ്ഞപ്പോള്‍ അച്ഛന്‍ അത് സെലിബ്രേറ്റ് ചെയ്തു; ഐശ്വര്യ അര്‍ജുന്‍ പറയുന്നു

പ്രേക്ഷകരെ സംബന്ധിച്ച് ആക്ഷന്‍ ഹീറോ ആണ് അര്‍ജുന്‍ . നിരവധി റൊമാന്റിക് ആക്ഷന്‍ സിനിമകള്‍ ചെയ്തിട്ടുണ്ട് എങ്കിലും ഇന്ന് അര്‍ജുന്‍ വില്ലന്‍ റോളുകളിലും സജീവമാണ്. എന്നാല്‍ കുടുംബ ജീവിതത്തിലേക്ക് എത്തുമ്പോള്‍ പെര്‍ഫക്ട് റൊമാന്റിക് പാര്‍ട്ണറും, ഫ്രണ്ടിലി ഫാദറുമാണ്. ആ സര്‍ട്ടിഫിക്കറ്റ് അച്ഛന് നല്‍കുന്നത് മകള്‍ ഐശ്വര്യ അര്‍ജുന്‍ തന്നെയാണ്.

തന്റെ പ്രണയത്തെ കുറിച്ച് പറഞ്ഞപ്പോള്‍ അച്ഛന്‍ സെലിബ്രേറ്റ് ചെയ്യുകയായിരുന്നു എന്നാണ് ഐശ്വര്യ ഒരു അഭിമുഖത്തില്‍ വെളിപ്പെടുത്തിയത്. കുറേ വര്‍ഷങ്ങളായി അച്ഛന്‍ ചോദിച്ചുകൊണ്ടേയിരിക്കുകയായിരുന്നു, ആരെങ്കിലും ഉണ്ടോ, ആരെയെങ്കിലും പ്രണയിക്കുന്നുണ്ടെങ്കില്‍ പറയൂ എന്നൊക്കെ. വളരെ ഫ്രണ്ടിലിയാണ് അപ്പ. ഇല്ല അപ്പാ, അങ്ങനെയൊന്നും ഇല്ല എന്ന് ഞാനും പറയും.

Also Read: എഫേര്‍ട്ട്‌ലസ്സ് ബ്യൂട്ടി എന്നാല്‍ ഇതാണ്; നയന്‍താര പങ്കുവച്ച പുതിയ ഫോട്ടോകള്‍

പക്ഷേ ഞങ്ങള്‍ ചെറുപ്പത്തില്‍ അപ്പ വളരെ സ്ട്രിക്ട് ആയിരുന്നു. ഗേള്‍സ് സ്‌കൂളിലാണ് പഠിച്ചത്, ഒരു പയ്യനോട് പോലും സംസാരിക്കരുത് എന്നാണ് അച്ഛന്‍ പറയാറുള്ളത്. ഏതെങ്കിലും ആണ്‍കുട്ടിയെ അറിയാം എന്ന് പറഞ്ഞാല്‍ തന്നെ, എങ്ങനെ അറിയാം, എപ്പോള്‍ പരിചയപ്പെട്ടു എന്നൊക്കെ ചോദിക്കും. എന്റെ അടുത്ത് എപ്പോഴും ബോഡി ഗാര്‍ഡ്‌സ് ഉണ്ടാവും, അങ്ങനെയായിരുന്നു പണ്ട്.

Also Read: അപ്പോ സംഗീത ഒരമ്മയല്ലേ? ഖുശ്ബുവിന്റെ ഇരട്ടത്താപ്പിനെതിരെ സോഷ്യല്‍ മീഡിയ; തൃഷയ്‌ക്കൊരു ന്യായവും ആര്‍തി രവിക്ക് മറ്റൊന്നുമാണോ?

പക്ഷേ കുറച്ച് വര്‍ഷങ്ങള്‍ക്ക് ശേഷം അച്ഛന്‍ ഞങ്ങള്‍ക്ക് സുഹൃത്തുക്കളെപ്പോലെയായി. ഇപ്പോഴും എന്റെ ബെസ്റ്റ് ഫ്രണ്ട് അപ്പയാണ്. എപ്പോഴും പ്രണയിക്കുന്നുണ്ടോ എന്ന് ചോദിക്കും, അപ്പോഴൊക്കെ ഞാന്‍ ഇല്ല ഇല്ല എന്ന് പറഞ്ഞു. ഒടുവില്‍ ഉമാപതിയുമായുള്ള പ്രണയത്തെ കുറിച്ച് ഞാന്‍ പറഞ്ഞപ്പോള്‍ അച്ഛന്‍ ശരിക്കും ആഘോഷിക്കുകയായിരുന്നു- എന്നാണ് ഐശ്വര്യ അര്‍ജുന്‍ പറഞ്ഞത്.

Also Read: കൈ ഞരമ്പ് മുറിച്ച് ഭീഷണിപ്പെടുത്തി കല്യാണം, പിന്നെ നടന്നത് ക്രൂരതകള്‍; മുന്‍ ഭാര്യയില്‍ നിന്ന് രവി മോഹന്‍ അനുഭവിച്ചത്

നടനും സംവിധായകനുമായ തമ്പി രാമയ്യയുടെ മകനാണ് ഉമാപതി രാമയ്യ . 2024 ജൂണില്‍ ആയിരുന്നു ഐശ്വര്യയുടെയും ഉമാപതിയുടെയും വിവാഹം നടന്നത്. അപ്പോഴും അര്‍ജുനും ഉമാപതിയും തമ്മിലുള്ള ബോണ്ട് ശ്രദ്ധ നേടിയിരുന്നു.