ഞാന്‍ മരിച്ചാലും ഉമ ആരോഗ്യത്തോടെ ജീവിക്കണം, ആരും അവളെ നോക്കാനുണ്ടാവില്ല; റിയാസ് ഖാന്റെ വാക്കുകള്‍, കണ്ണ് നിറഞ്ഞ് ഉമ

അധികം സെലിബ്രേറ്റ് ചെയ്യപ്പെടാതെ പോയ പ്രണയ ജോഡികളാണ് റിയാസ് ഖാനും ഉമ റിയാസും. തങ്ങളുടെ മനോഹര പ്രണയത്തെ കുറിച്ച് പല അഭിമുഖങ്ങളിലും നടന്‍ വാചാലനായിട്ടുണ്ട്. ഇപ്പോഴിതാ താനില്ലാതെയായാല്‍ ഉമ എങ്ങനെ ജീവിക്കണം എന്നതിനെ കുറിച്ചുള്ള തന്റെ കാഴ്ചപ്പാടും, തങ്ങളുടെ വിവാഹം നടന്നത് എങ്ങനെയാണ് എന്നും റിയാസ് ഖാനും ഉമയും സംസാരിക്കുന്നു. ഹാപ്പി ലൈഫ് ഹാപ്പി വൈഫ് എന്ന ടെലിവിഷന്‍ ഷോയില്‍ പങ്കെടുത്ത് സംസാരിക്കുകയായിരുന്നു താരദമ്പതികള്‍.

റിയാസ് ഖാന്റെ സഹോദരിയുടെ കൂട്ടുകാരിയായിരുന്നു ഉമ. അങ്ങനെയാണ് പരിചയം. പക്ഷേ അപ്പോഴൊന്നും പ്രണയമുണ്ടായിരുന്നില്ല. ഒരിക്കല്‍ റിയാസ് ഖാന്‍ പങ്കെടുത്ത അതേ സിനിമയുടെ ഓഡിഷന് വേണ്ടി ഉമയും എത്തി. നേരത്തെ അറിയാം എന്ന നിലയില്‍ സംസാരിച്ചു തുടങ്ങി, സുഹൃത്തുക്കളായി. ആ സിനിമ പിന്നീട് സംഭവിച്ചില്ല എങ്കിലും, ഞങ്ങള്‍ തമ്മില്‍ പ്രണയത്തിലായി- എന്നാണ് പ്രണയത്തെ കുറിച്ച് ഒരിക്കല്‍ റിയാസ് ഖാന്‍ പറഞ്ഞത്.

Also Read: വെള്ളം കുടിക്കാതെ ഭക്ഷണം കഴിക്കാതെ പട്ടിണി കിടന്നു, ബാത്രൂം സൗകര്യം പോലുമില്ലാത്ത കാലത്തെ കുറിച്ച് അംബിക

വിവാഹം വളരെ മനോഹരമുള്ള ഓര്‍മയാണ് എന്ന് ഹാപ്പി ലൈഫ് എന്ന ഷോയില്‍ റിയാസ് ഖാനും ഉമയും പറഞ്ഞു. ഞാന്‍ തമിഴ് ബ്രാഹ്‌മണ പെണ്‍കുട്ടിയാണ്, റിയാസ് ഖാന്‍ മുസ്ലീമും. പക്ഷേ എന്നിട്ടും വിവാഹ വേളയില്‍ ഗുരുക്കള്‍ ഹോമകുണ്ഡത്തിനടുത്തിരുന്ന് മന്ത്രങ്ങള്‍ ജപിക്കുമ്പോള്‍ അതിനോടെല്ലാം റിയാസ് സഹകരിച്ചു എന്ന് ഉമ പറഞ്ഞു. അതുപോലെ ഉമയും, രജിസ്റ്റര്‍ ചെയ്യുമ്പോള്‍ ഉണ്ടായിരുന്ന തങ്ങള്‍ പറഞ്ഞതെല്ലാം ഏറ്റു പറഞ്ഞിരുന്നു എന്ന് റിയാസ് ഖാനും പറയുന്നു.

പ്രായമാകുന്തോറും നമുക്ക് ആരോഗ്യമുള്ള ശരീരം വേണം. എനിക്ക് ഉമയുടെ കൈ പിടിച്ച് ലോകം മുഴുവന്‍ ഓടി നടക്കണം എന്നാണ് ആഗ്രഹം. അതിന് വേണ്ടി ആരോഗ്യത്തോടെയിരിക്കാനാണ് ഞാന്‍ എന്നും പറയുന്നത്. ഞാനില്ലാത്ത കാലത്ത് ഉമയ്ക്ക് ആരോഗ്യമില്ലെങ്കില്‍ ആരും ഉമയെ നോക്കില്ല. മക്കളെ ഒന്നും പ്രതീക്ഷിക്കാന്‍ പറ്റില്ല, ആരും ഉണ്ടാവില്ല. ഉമ തന്നെ അവളെ നോക്കേണ്ടി വരും. ഞാന്‍ മരിച്ചു പോയാലും ഉമ ആരോഗ്യത്തോടെ ജീവിക്കണം. ഇതൊരു ഇമോഷന് വേണ്ടി പറയുന്നതല്ല, അതാണ് യാഥാര്‍ത്ഥം, അത് മനസ്സിലാക്കണം- റിയാസ് ഖാന്‍ പറഞ്ഞു. കണ്ണീരോടെയാണ് അതിന് ഉമ മറുപടി നല്‍കുന്നത്, ഞാനിപ്പോള്‍ ആരോഗ്യം നോക്കുന്നുണ്ട്, ഡറ്റ് പാലിക്കുന്നുണ്ട്, എക്‌സസൈ ചെയ്യുന്നുണ്ട് എന്ന്‌