ഞാൻ എന്നെ തന്നെ കൊല്ലാൻ ശ്രമിക്കുകയായിരുന്നു; ആദ്യ ഭാര്യയുമായുള്ള വിവാഹ മോചനത്തിന് ശേഷം ചെയ്തു കൂട്ടിയ കാര്യങ്ങളെ കുറിച്ച് ആമിർ ഖാൻ മനസ്സ് തുറക്കുന്നു

Authored by: അശ്വിനി പി|Samayam Malayalam•30 Jun 2025, 5:15 pm

ബോളിവുഡ് സിനിമാ ലോകത്തെ പെർഫക്ട് ഖാൻ എന്നാണ് ആമിർ ഖാൻ അറിയപ്പെട്ടിരുന്നത്. തന്റെ സ്വകാര്യ ജീവിതത്തെ കുറിച്ച് പരസ്യമായി എവിടെയും പറയാൻ താത്പര്യമില്ലാത്ത ആമിർ ഖാൻ ചില അപൂർവ്വ സാഹചര്യങ്ങളിൽ ചില തുറന്ന് പറച്ചിലുകൾ നടത്തിയിട്ടുണ്ട്. അത്തരമൊരു തുറന്ന് പറച്ചിലാണ് ഇപ്പോൾ സോഷ്യൽ മീഡിയയിൽ വൈറലാവുന്നത്. ആദ്യ ഭാര്യ റീന ദത്തയുമായി വേർപിരിഞ്ഞതിന് ശേഷം താൻ സ്വയം ഇല്ലാതാകാൻ തന്നെ ശ്രമിച്ചിരുന്നു എന്നാണ് ആമിർ ഖാൻ പറയുന്നത്.

റീന ദത്തയും ഞാനും വേർപിരിഞ്ഞ ദിവസം വൈകിട്ട് ഞാൻ ഒരു ബോട്ടിൽ മുഴുവൻ മദ്യം കഴിച്ചു. പിന്നീടുള്ള ഒന്നര വർഷത്തോളം ഞാൻ പൂർണമായും മദ്യത്തിന് അടിമയായിരുന്നു. ഞാൻ ഉറങ്ങിയിരുന്നതേയില്ല. അമിതമായ മദ്യപാനം കാരണം പൂർണമായും എനിക്ക് ബോധം നഷ്ടപ്പെട്ടിരുന്നു. ഞാൻ എന്നെ തന്നെ കൊല്ലാൻ ശ്രമിക്കുകയായിരുന്നു- എന്നാണ് ആമിർ ഖാൻ പറഞ്ഞത്.

Also Read: കൂടെയുണ്ട് എന്ന ഒരു വാക്കിന്റെ ശക്തി! ഇരുട്ടിലേക്ക് വഴുതി വീണവരെ തിരിച്ചുകൊണ്ടുവരാം; ലൂഏർ പറയാൻ ശ്രമിക്കുന്നത്

ക്വായമത് സെ ക്വായമത് തഖ് എന്ന ചിത്രത്തിന്റെ ചെറിയൊരു പാർട് ആയിരുന്നു റീന ദത്തയും. അതിലൂടെയാണ് ആമിർ കാനും റീന ദത്തയും പ്രണയത്തിലായത്. 1986 ഏപ്രിൽ 18 നായിരുന്നു ഇരുവരുടെയും വിവാഹം. രണ്ട് മക്കളും ആ ബന്ധത്തിൽ ആമിറിനും റീനയ്ക്കും പിറന്നു. പിന്നീട് ആമിറിന്റെ കരിയറിൽ നിർമാതാവ് കൂടെയായ ധീന വളരെ അധികം സ്വാധീനം ചെലുത്തിയിരുന്നു. നല്ല രീതിയിൽ പോയിരുന്ന ബന്ധം ഏതോ ഒരു നിമിഷത്തിൽ ആസ്വരാസ്യങ്ങൾ നേരിട്ടു. 16 വർഷത്തെ ദാമ്പത്യ ജീവിതത്തിനൊടിവിൽ 2002 ൽ റീന ദത്തയും ആമിർ ഖാനും വേർപിരിഞ്ഞു, വേർപിരിയലിന് ശേഷം മക്കളുടെ കസ്റ്റഡി റീന ഏറ്റെടുത്തു

റീന ദത്തയുമായുള്ള വേർപിരിയലിന് ശേഷം, ജീവിതം അമ്പേ പരാജയമായിരുന്ന ഘട്ടത്തിലാണ് ആമീർ ഖാൻ ജീവിതത്തിലേക്ക് സംവിധായികയായ കിരൺ റാവു വരുന്നത്. 2005 ൽ ഇരുവരും വിവാഹിതരായി. 2011 ൽ വാടകഗർഭധാരണത്തിലൂടെ മകൻ പിറന്നു എന്ന സന്തോഷ വാർത്ത ഇരുവരും അറിയിച്ചു. പതിനാറ് വർഷത്തിന് ശേഷം ആ ദാമ്പത്യവും അവസാനിച്ചു. 2021 ൽ ആണ് ഇരുവരും വേർപിരിഞ്ഞത്. വേർപിരിഞ്ഞുവെങ്കിലും ഞങ്ങളുടെ സൗഹൃദം തുടരുമെന്ന് ഇരുവരും അറിയിച്ചു. മകനെ ഒരുമിച്ചാണ് വളർത്തുന്നതും.

നിലവിൽ ഗൗരി സ്പാർറ്റ് എന്ന സ്ത്രീയുമായി പ്രണയത്തിലാണ്. അടുത്തിടെ നടന്ന പരിപാടികളിൽ എന്ന ഗൗരിയുമായി എത്തിയ ആമിർ ഖാൻ ചിത്രങ്ങളെല്ലാം സോഷ്യൽ മീഡിയയിൽ വൈറലായിരുന്നു.