ഞാൻ ചില സൂചനകൾ നൽകിയിരുന്നു, നിങ്ങൾ കണ്ടുപിടിച്ചില്ല; കല്യാണത്തെ കുറിച്ച് വെളിപ്പെടുത്തി കിം ജൂങ് കൂക്

Authored by: അശ്വിനി പി|Samayam Malayalam•18 Aug 2025, 1:58 pm

ഗായകൻ, ഗാനരചയിതാവ്, യൂട്യൂബർ, ബോഡി ബിൽഡർ, മിനിസ്ക്രീൻ താരം എന്നീ നിലകളിലെല്ലാം ശ്രദ്ധേയനായ കിം ജുങ് കൂക് തന്റെ വാക്ക് പാലിച്ചു, വിവാഹക്കാര്യം ഇതാ പരസ്യമായി അറിയിച്ചിരിയ്ക്കുന്നു. തനിക്കൊരു വിവാഹമുണ്ടെങ്കിൽ അത് എല്ലാവരെയും അറിയിക്കും എന്ന് നേരത്തെ ഒരവസരത്തിൽ പറഞ്ഞിരുന്ന താരം, സോഷ്യൽ മീഡിയയിൽ പങ്കുവച്ച ഒരു കത്തിലൂടെയാണ് കല്യാണക്കാര്യം അറിയിച്ചത്

മുപ്പത് വർഷമായി ഈ ഇന്റസ്ട്രിയിൽ സജീവമായി നിൽക്കുന്ന താരം, തന്റെ നാൽപത്തിയൊൻപതാമത്തെ വയസ്സിൽ വിവാഹ ജീവിതത്തിലേക്ക് കടക്കുകയാണ് എന്ന് പറഞ്ഞുകൊണ്ട് പങ്കുവച്ച പോസ്റ്റ് ആരാധകർ ഏറ്റെടുത്തുകഴിഞ്ഞു.

Also Read: ഗോസിപ്പുകൾ അല്ല, അത് സത്യം തന്നെ! മൂന്ന് വർഷത്തിന് ശേഷം ബ്ലാക്ക്പിങ്കിന്റെ ആൽബം വരുന്നു, വൈജി സ്ഥിരീകരിച്ചു

കാലങ്ങളോളം സങ്കൽപിച്ചിരുന്ന ഒരു കാര്യം ഇപ്പോൾ ഒരു കത്തിൽ എഴുതുമ്പോൾ ഞാൻ അല്പം നേർവസ് ആണ്. ഒരു വ്യക്തി എന്ന നിലയിൽ തന്നെ സ്വീകരിച്ച ആളുകളോട് വ്യക്തിപരമായി ഈ കാര്യം പറയണം എന്ന് ഞാൻ ആഗ്രഹിച്ചു. അതുകൊണ്ടാണ് ഇത് പറയുന്നത്, ഞാൻ വിവാഹിതനാകാൻ പോകുകയാണ്.

സത്യസന്ധമായി പറഞ്ഞാൽ അവിടെയും ഇവിടെയും ഇതേ കുറിച്ച് ഞാൻ ചില സൂചനകൾ നൽകിയിരുന്നു. പക്ഷേ എനിക്കറിയാം, ആളുകൾ കരുതും ഇത് പെട്ടന്ന് എടുത്ത തീരുമാനമാണ് എന്ന്. ഇത് ഇന്റസ്ട്രിയിൽ എന്റെ മുപ്പതാം വാർഷികം ആണ്, ഞാൻ ആഗ്രഹിച്ച ആൽബം പൂർത്തിയാക്കുന്നതിന് പകരം, എനിക്കൊരു ബെറ്റർ ഹാഫിനെ കണ്ടെത്തി. പങ്കാളിക്കൊപ്പം നന്നായി ജീവിക്കും എന്ന് ഞാൻ വാക്ക് നൽകുന്നു- എന്നാണ് ജിം ജുങ് കൂക് എഴുതിയത്

Also Read: മാളവിക നാട്ടിലെത്തിയിരുന്നു! താരിണി മരുമകളല്ല മകളായിട്ടാണ് വന്നതെന്ന് പാർവതിയും; ജയറാം വീട്ടിലെ വിശേഷങ്ങൾ

കല്യാണം വളരെ ലളിതമായിരിക്കും എന്നാണ് താരത്തിന്റെ ഏജൻസി പുറത്തുവിടുന്ന വിവരം. വലിയൊരു ആഷ് പോഷ് ആർഭാട വിവാഹം ആയിരിക്കില്ല. അടുത്ത ബന്ധുക്കളും സുഹൃത്തുക്കളും മാത്രം പങ്കെടുക്കുന്ന ചടങ്ങായിരിക്കും. ആരാണ് പെൺകുട്ടി എന്നോ, വിവാഹത്തിന്റെ തിയ്യതി എന്നാണ് എന്നോ ഒന്നും പുറത്തുവിട്ടിട്ടില്ല.


നേരത്തെ, പ്രോബ്ലം ചൈൽഡ് ഇൻ ഹൗസിൽ പങ്കെടുത്തപ്പോൾ, കിം ജുങ് കുക്ക് 620 മില്യൺ കൊറിയൻ വോൺ വിലയുള്ള ഒരു വീട് വാങ്ങിയതായി വെളിപ്പെടുത്തിയിരുന്നു, അത് തന്റെ വിവാഹത്തിന് വേണ്ടിയുള്ളതായിരിക്കുമോ എന്ന ചോദ്യങ്ങൾ ഗോസിപ്പുകൾക്ക് വഴിയൊരുക്കി. വിവാഹ തീയതി നിശ്ചയിച്ചതിന് ശേഷം എല്ലാവരേയും അറിയിക്കുമെന്ന് അന്ന് അദ്ദേഹം പറഞ്ഞിരുന്നു, ആ വാക്ക് ഇപ്പോൾ പാലിച്ചിരിയ്ക്കുന്നു.