ഞാൻ മടങ്ങി വരുന്നു! അതൊരു തത്കാലിക ബ്രേക്ക് ആയിരുന്നു; മലയാള സിനിമയിലേക്ക് അധികം വൈകാതെ ഉണ്ടെന്ന സൂചന നൽകി സംവൃത

Authored byഋതു നായർ | Samayam Malayalam | Updated: 5 May 2025, 9:20 am

ഏറെ ആരാധകരുള്ള താരമാണ് സംവൃത സുനിൽ. രസികന്‍ എന്ന ലാല്‍ ജോസ് ചിത്രത്തിലൂടെ അഭിനയ ലോകത്തേക്ക് എത്തിയ സംവൃതയ്ക്ക് കരിയറിലെ ഏറ്റവും മികച്ച സിനിമകള്‍ നല്‍കിയതും ലാല്‍ ജോസ് തന്നെയാണ്. രസികന്‍ എന്ന ചിത്രത്തിലൂടെ അഭിനയ ലോകത്തേക്ക് എത്തിയ സംവൃത പിന്നീട് മലയാള സിനിമയിലെ മുന്‍നിര നായികമാരില്‍ ഒരാളായി. 2012 ല്‍ അഖില്‍ രാജുമായുള്ള വിവാഹത്തിന് ശേഷം യുഎസ്സിലേക്ക് പോയ നടി അഭിനയത്തില്‍ നിന്ന് ബ്രേക്ക് എടുക്കുകയായിരുന്നു.
ഇടയില്‍ ചെറിയ തിരിച്ചുവരവ് നടത്തിയെങ്കിലും, ഇടയ്ക്കിടെയുള്ള നാട്ടിലേക്കുള്ള വരവ് അസാധ്യമായതിനാലാണ് മാറി നില്‍ക്കുന്നത്. രണ്ട് മക്കളും ഭര്‍ത്താവുമായി ഫാമിലി ലൈഫ് ആസ്വദിയ്ക്കുന്ന സംവൃത സോഷ്യല്‍ മീഡിയയില്‍ സജീവമാണ്. ഇപ്പോഴിതാ ആരാധകരോട് സംവദിക്കുന്നതിന്റെ ഇടയിലാണ് താൻ അഭിനയത്തിലേക്ക് എന്ന സൂചന സംവൃത നൽകിയത്. റിയാലിറ്റി ഷോ ജഡ്ജായി മിനി സ്ക്രീനിലേക്കും മടങ്ങിവരവ് നടത്തിയ സംവൃത ഇളയ കുഞ്ഞിന്റെ ജനനത്തോടെയാണ് കംപ്ലീറ്റ് ആയി വിട്ടുനിന്നത്,

ALSO READ: എന്റെ പ്രശ്നങ്ങൾ ഇന്നും അങ്ങനെ തന്നെയുണ്ട് അവൾ ഡോക്ടറായി എറണാകുളത്ത് ജോയിൻ ചെയ്തു! മകൾ എന്റെ നട്ടെല്ലാണ്

രസികന്‍ എന്ന ആദ്യ ചിത്രം തന്നെ സംവൃതയ്ക്ക് ആവശ്യത്തിനുള്ള മൈലേജ് നല്‍കിയിരുന്നു. അച്ഛനുറങ്ങാത്ത വീട്, മൂന്നാമതൊരാള്‍, വാസ്തവം, റോമിയോ, മിന്നാമിന്നിക്കൂട്ടം, തിരക്കഥ, കോക്ടെയില്‍, സ്വപ്‌ന സഞ്ചാരി, അരികെ, ഡയമണ്ട് നക്ലൈസ് തുടങ്ങി സൂപ്പർ ഹിറ്റ് സിനിമകളിൽ സംവൃത ഭാഗമായി. കരിയറിൽ ഏറെ ശോഭിക്കാമായിരുന്നിട്ടും വിവാഹത്തോടെ അഭിനയത്തിന് ബ്രേക്കിട്ടു.

കുടുംബത്തിന് പ്രാധാന്യം

മുൻ നിര നായിക ആയി മാറാമായിരുന്നിട്ടും, കോടികൾ സിനിമയിൽ നിന്നും സമ്പാദിയ്ക്കാമായിരുന്നിട്ടും സംവൃത കുടുംബത്തിനാണ് പ്രാധാന്യം നൽകിയത്. കുഞ്ഞുങ്ങളും ഭർത്താവും നല്ലൊരു കുടുംബവും ആണ് തന്റെ സ്വപ്‌നമെന്ന് പലകുറി സംവൃത പറഞ്ഞിരുന്നു. അതൊരു താത്കാലില ബ്രേക്ക് ആയിരുന്നു. അധികം വൈകാതെ ഞാൻ മടങ്ങിവരുന്നു എന്നാണ് ഇപ്പോൾ സംവൃത സുനിൽ പറഞ്ഞത്. എന്നാണ് ഞങ്ങൾക്ക് മാഡത്തിനെ മലയാള സിനിമയിൽ കാണാൻ ആകുന്നത് എന്ന ചോദ്യത്തിന് മറുപടി നൽകുകയിരുന്നു സംവൃത സുനിൽ.

ALSO READ: കിച്ചുവിന്റെ ട്രിക്ക് ഏറ്റു! രേണുപോലും കരുതിക്കാണില്ല ഇങ്ങനെ ഒരു ട്വിസ്റ്റ്; പെങ്ങൾക്കും കൂട്ടുകാർക്കും ഒപ്പമെത്തി; ഒറ്റരാത്രികൊണ്ട് ചാനൽ വമ്പൻ ഹിറ്റ്

എന്റെ കുഞ്ഞുങ്ങളെ കൈയ്യിൽ വാങ്ങിയ നിമിഷം ആണ് ഏറ്റവും സുന്ദരം എന്നാണ് ലൈഫിലെ ബ്യൂട്ടിഫുൾ മോമെന്റിനെക്കുറിച്ച് താരം പ്രതികരിച്ചത്. പ്രായം കൂടാതെ എങ്ങനെ ഇത്ര ചെറുപ്പം ആയിരിക്കുന്നു എന്ന ചോദ്യത്തിന് സംവൃത നൽകിയ മറുപടി ഇങ്ങനെ ആയിരുന്നു.

പ്രായം ആയാലും അതിനെ സ്വീകരിക്കാൻ റെഡി ആണ്. പക്ഷേ ലൈഫ് സ്റ്റൈലിൽ താൻ ശ്രദ്ധാലു എന്നും സംവൃത പ്രതികരിച്ചു.

ALSO READ: രണ്ടുമിനിറ്റ് കൊണ്ട് സംഭവിച്ച മിറാക്കിളാണ് അവൾ! ഞങ്ങൾക്ക് തന്നേ പറ്റൂ പിടിച്ചുപറിച്ചു വാങ്ങിയതാണ് കണ്ണനിൽ നിന്നും നവനീതിനെ: മരുമകളല്ല മകൾ

അതേസമയം ഏതു സിനിമയിലൂടെ ആകും മടങ്ങിവരവ്. ആരാകും നായകൻ എന്നിങ്ങനെ ആകാംക്ഷയിലാണ് താരത്തിന്റെ ആരാധകർ