ഞാൻ മനഃപൂർവ്വം പറയാഞ്ഞതാണ്; ഒരു കൈയ്ക്കും കാലിനും സ്വാധീനം കുറഞ്ഞു! ഈ ഏപ്രിലിൽ ആയിരുന്നു സംഭവം

Authored by: ഋതു നായർ|Samayam Malayalam•14 Oct 2025, 7:51 am

തന്റെ ശാരീരികാവസ്ഥയെക്കുറിച്ച് ഉല്ലാസ് പന്തളം .

ഈ കഴിഞ്ഞ ഏപ്രിലിൽ ആണ് ഇങ്ങനെ സംഭവിക്കുന്നത്. ഈസ്റ്ററിന്റെ അന്ന് വൈകുന്നേരം. ഒരു സ്ട്രോക്ക് ഉണ്ടായി. ഇടത്തെ കൈയും കാലും സ്വാധീനക്കുറവുണ്ട്,അതുകൊണ്ടാണ് ഇപ്പോൾ പ്രോഗ്രാമിൽ ഒന്നും കാണാത്തത്. സോഷ്യൽ മീഡിയയിൽ വന്നാൽ അനാവശ്യമായ കമന്റുകൾ വരും എന്നുകരുതിയാണ് ഞാൻ ഇത് മറച്ചുവച്ചത്.പിന്നെ ലക്ഷ്മി നക്ഷത്ര വിളിച്ചിട്ട് ആണ് ഞാൻ പോയത്. ഉല്ലാസിനെക്കൊണ്ട് ഒരു ഷോപ്പ് ഉദ്‌ഘാടനം ചെയ്യിക്കാം എന്ന് ആ ഷോപ്പ് ഉടമ പറഞ്ഞു. അങ്ങനെയാണ് ഞാൻ പോകുന്നത്. അന്നുതൊട്ടാണ് ഇത് ആളുകൾ അറിയുന്നത്.സ്നേഹം ഉള്ളവർ ഒക്കെ വിളിച്ചിരുന്നു. ഒരുപാട് കോളുകൾ എനിക്ക് കിട്ടുന്നുണ്ട്. പക്ഷേ ചില നെഗറ്റീവ് കമന്റുകൾ കാണുന്നുണ്ട്. എന്നാൽ ഞാൻ അതൊന്നും നോക്കുന്നില്ല. കാരണം എന്നെ ഇത്രയും എത്തിച്ച എന്നെ സ്നേഹിച്ച ആളുകൾ ഉണ്ട്. അവർക്ക് വേണ്ടിയാണു ഇത്തരമൊരു വീഡിയോ ഇടുന്നതെന്നും ഉല്ലാസ് പറയുന്നു.

മിമിക്രി വേദികളിലൂടെ അഭിനയരംഗത്തേക്ക് എത്തിയ ഉല്ലാസ് ടെലിവിഷൻ രംഗത്തും ബിഗ് സ്‌ക്രീൻ രംഗത്തും തന്റേതായ സ്ഥാനം നേടിയ കലാകാരൻ കൂടിയാണ്. കുറിക്കുകൊള്ളുന്ന കൗണ്ടറുകളിലൂടേയും തന്റേതായ അഭിനയശൈലിയിലൂടെയും വർത്തമാനത്തിലൂടെയും മലയാളി ആരാധകർക്ക് ഒട്ടേറെ ചിരിപ്പൂരം ഒരുക്കിയ ആളുകൂടിയാണ് ഉല്ലാസ്. സ്റ്റാര്‍ മാജിക്കിലേയും നിറ സാന്നിധ്യമായിരുന്ന ഉല്ലാസ് ആദ്യഭാര്യയുടെ മരണശേഷം ആണ് വീണ്ടും വിവാഹിതനായത്. ദിവ്യയാണ് താരത്തിന്റെ ഭാര്യ. അരീക്കോട് പഞ്ചായത്ത് വൈസ് പ്രസിഡന്റായിരുന്ന ദിവ്യയും ആയി വളരെ ലളിത വിവാഹം.

ALSO READ: മാളിൽ നവ്യയോട് മോശം പെരുമാറ്റം! ആ തീഷ്ണമായ നോട്ടം: സൗബിന്റെ ഇടപെടൽ; കോഴിക്കോട് എത്തിയ നവ്യ നായർ

വിവാഹത്തിന് പിന്നാലെ ഒട്ടനവധി സൈബർ അറ്റാക്ക് ആണ് ഉല്ലാസ് നേരിട്ടത്. ഭാര്യയുടെ മരണത്തിനു പിന്നാലെ വിവാഹം കഴിച്ചതിന്റെ പേരിൽ ആയിരുന്നു പഴികൾ മുഴുവൻ ഉല്ലാസിന്റെ നേർക്കുവന്നത്. എന്നാൽ ഇതിനെതിരെ ഒരിക്കൽ പോലും ഉല്ലാസ് പ്രതികരിച്ചില്ല. പകരം വിമർശകർക്ക് മുൻപിൽ ജീവിതം മനോഹരമാക്കി കാണിച്ചു കൊടുത്തു. ദിവ്യക്കും രണ്ടുമക്കൾക്കും ഒപ്പം സന്തുഷ്ടകരമായ കുടുംബജീവിതം നയിക്കുകയാണ് ഇപ്പോൾ ഉല്ലാസ്.