ഞാൻ സേഫ് ആണ് പക്ഷെ ഒരുപാട് സഹപ്രവർത്തകരും വിദ്യാർത്ഥികളും മരണപ്പെട്ടുവെന്ന് എലിസബത്ത്; തന്റെ പ്രാർത്ഥനയെക്കുറിച്ച് എംജിയും

Authored by: ഋതു നായർ|Samayam Malayalam•13 Jun 2025, 7:35 am

ലോകത്തെ തന്നെ നടുക്കിയ ദുരന്തമാണ് ഇക്കഴിഞ്ഞ ദിവസം അഹമ്മദാബാദിൽ നടന്നത്. സർദാർ വല്ലഭ്ഭായ് പട്ടേൽ വിമാനത്താവളത്തിനു സമീപത്ത് മേഘാനി എന്ന പ്രദേശത്ത് ഇന്റേൺ ഡോക്ടർമാർ താമസിക്കുന്ന ഹോസ്റ്റൽ കെട്ടിടത്തിനു മുകളിലേക്കാണു വിമാനം പതിച്ചത്. സംഭവസ്ഥലത്തുവച്ചുതന്നെ നിരവധി ആളുകൾ മരിക്കുകയും ചെയ്തു. ഇപ്പോഴിതാ അപകടത്തിൽ നിന്നും രക്ഷപെട്ട ആശ്വാസത്തിലാണ്‌ എലിസബത്ത് ഉദയൻ. സ്വന്തം ജീവൻ രക്ഷപെട്ട ആശ്വാസം ഉണ്ടെങ്കിലും മനസ്സിൽ പ്രിയപ്പെട്ടവരെയും കൊല്ലപ്പെട്ട ആളുകളെയും ഓർത്തുള്ള ദുഖത്തിലാണ് എലിസബത്ത് ഉദയൻ.

ഏകദേശം രണ്ടു വർഷത്തോളമായി അഹമ്മദാബാദിലെ ആശുപത്രിയിൽ ഡോക്ടർ ആയി സേവനം അനുഷ്ഠിക്കുകയാണ് എലിസബത്ത് ഉദയൻ. ഒരുപാട് ആളുകൾ, തന്റെ സഹപ്രവർത്തകർ എംബിബിഎസ്‌ സ്റ്റുഡന്റസ് ഒക്കെയും കൊല്ലപ്പെട്ടു. ഒരുപാട് പേര് പരിക്കുകളോടെ ചികിത്സയിൽ ആണ് ഞാൻ സെയ്ഫാണ് എങ്കിലും ചികിത്സയിൽ ഉള്ള എല്ലാ ആളുകൾക്ക് വേണ്ടിയും പ്രാർത്ഥിക്കണം എന്നും എലിസബത്ത് കുറിച്ചു.
കേരളത്തിൽ കുന്ദംകുളത്തിനടുത്തുള്ള ഒരു ഹോസ്പിറ്റലിൽ ജോലി നോക്കുകയായിരുന്നു എലിസബത്ത് ഈ അടുത്താണ് അഹമ്മദാബാദിലേക്ക് പോയത്.

നടൻ ബാലയുടെ മുൻ പങ്കാളി കൂടിയായ എലിസബത്ത് എംബിബിഎസ്‌ പഠനം പൂർത്തിയാക്കിയശേഷം ആണ് ജൂനിയർ ഡോക്ടർ ആയി സേവനം അനുഷ്ഠിക്കുന്നത്. ഒരു വ്‌ളോഗർ കൂടിയായ എലിസബത്ത് ഇതേ ഹോസ്പിറ്റലിനെ കുറിച്ച് പലവട്ടം സംസാരിച്ചിരുന്നു . അതുകൊണ്ടുതന്നെ അപകടത്തിന്റെ വാർത്തകൾ വന്നപ്പോൾ തന്നെ എലിസബത്തിനെ ആണ് അന്വേഷിച്ചതും. അതിനുള്ള മറുപടി ആയിട്ടാണ് ഇപ്പോൾ താരം എത്തിയത്.

ALSO READ: ബൈജൂസ്‌ ആപ്പിലായിരുന്നു ജോലി! നല്ലൊരു ചെക്കനെ കണ്ടുപിടിച്ച് കല്യാണം കഴിപ്പിക്കണം എന്നേ ഉണ്ടായിരുന്നുള്ളൂ; യാത്ര ഇതുവരെ

ഞാൻ നിങ്ങളെ കുറിച്ച് ചിന്തിച്ചതെ ഉള്ളൂ. എലിസബത്ത് സേഫ് ആണെന്ന് അറിഞ്ഞതിൽ ദൈവത്തിനു നന്ദി. ആ വാർത്ത കേട്ടപ്പോൾ എന്റെ മനസ്സിൽ ആദ്യം വന്നത് നീയായിരുന്നു എന്നാണ് എലിസബത്തിനോടായി ആരാധകർ പറയുന്നത്.

അതേസമയം എംജി ശ്രീകുമാറും പോസ്റ്റുമായി രംഗത്തുവന്നു

ഓരോ ഫ്ലൈറ്റ് ടേക്ക് ഓഫ് ചെയ്യുമ്പോഴും, ലാൻഡ് ചെയ്യുമ്പോഴും,ഞാൻ
ഒരുപാട് പ്രാർഥിക്കാറുണ്ട്. ഹാവ് എ സേഫ് ഫ്ലൈറ്റ്. എല്ലാവരെയും കാത്ത് കൊള്ളെണമേ. ഫ്ലൈറ്റിൽ പോയവർ പറഞ്ഞില്ലെങ്കിലും എന്നെപോലെയാകും എല്ലാ യാത്രക്കാരും, മനുഷ്യരും . ദൈവത്തെ വിളിച്ചു പോകും. ( എന്റെ കാര്യം). എത്ര മോഹങ്ങൾ, സ്വപ്നങ്ങൾ, എല്ലാം എരിഞ്ഞടങ്ങി.
ദുഃഖം……. ഒരേകാന്ത സഞ്ചാരി

ആദരാഞ്ജലികൾ - എംജി കുറിച്ചു.

കഴിഞ്ഞദിവസം ഉച്ചക്കാണ് ലോകത്തെ നടുക്കിയ വിമാന ദുരന്തം ഉണ്ടായത്.

ഉച്ചയ്ക്ക് 1.38നാണ് എഐ 171 ബോയിങ് 787–8 ഡ്രീംലൈനർ വിമാനം ടേക്ക് ഓഫ് ചെയ്തത്. പറന്നുയർന്നു 5 മിനിറ്റിനുള്ളിൽതന്നെ വിമാനം താഴേക്ക് പതിച്ചു. . 625 അടി ഉയരത്തിൽ എത്തിയപ്പോഴാണ് വിമാനം തകർന്നു വീഴുന്നത് വിമാനത്തിൽ ഉണ്ടായിരുന്ന 241 യാത്രക്കാരും മരണമടഞ്ഞു. ഒരാൾ മാത്രം അത്ഭുതകരമായി രക്ഷപെട്ടു.