ട്വന്റി20 പരമ്പരയിലെ ചരിത്ര വിജയത്തിന്റെ ആത്മവിശ്വാസത്തിൽ ഇന്ത്യൻ വനിതകൾ; ഇംഗ്ലണ്ടിനെതിരായ ആദ്യ ഏകദിനം ഇന്ന്

സതാംപ്ടൻ ∙ ട്വന്റി20 പരമ്പരയിലെ ചരിത്ര വിജയത്തിന്റെ ആത്മവിശ്വാസത്തിൽ ഇന്ത്യൻ വനിതകൾ ഇംഗ്ലണ്ടിനെതിരായ ഏകദിന പരമ്പരയ്ക്ക്. 3 മത്സര പരമ്പരയിൽ ആദ്യത്തേത് ഇന്നു വൈകിട്ട് 5.30ന് സതാംപ്ടനിൽ നടക്കും. ഈ വർഷം ഇന്ത്യയിൽ നടക്കുന്ന ഏകദിന ലോകകപ്പിനു തയാറെടുക്കുന്ന വനിതാ ടീമിന് ഈ പരമ്പര നിർണായകമാണ്.

ഷെഫാലി വർമ, പ്രതിക റാവൽ, സ്മൃതി മന്ഥന, ഹർമൻപ്രീത് കൗർ, ജമിമ റോഡ്രിഗ്സ് എന്നിവർ ഉൾപ്പെടുന്ന ബാറ്റിങ് നിരയുടെ മികച്ച ഫോമിലാണ് ഇന്ത്യയുടെ പ്രതീക്ഷ.