ഡബിൾ ബ്ലാസ്റ്റ്! ഇന്റർ കാശിയെ 2–0നു വീഴ്ത്തി ഐഎസ്‌എൽ സീസണിൽ കേരള ബ്ലാസ്റ്റേഴ്‌സിന് വിജയത്തുടക്കം

1 month ago 4

മനോരമ ലേഖകൻ

Published: October 11, 2026 07:05 PM IST Updated: October 11, 2026 09:08 PM IST

1 minute Read

 X/@KeralaBlasters)
ഇന്റർ കാശിക്കെതിരെ ഗോൾ നേടിയ കേരള ബ്ലാസ്‌റ്റേഴ്‌സ് താരങ്ങളുടെ ആഹ്ലാദം. ചിത്രം: X/@KeralaBlasters)

പുണെ ∙ ഐഎസ്എൽ 13–ാം സീസണിൽ കേരള ബ്ലാസ്റ്റേഴ്സിന് വിജയത്തുടക്കം. ഇന്റർ കാശിയെ എതിരില്ലാത്ത രണ്ടു ഗോളുകൾകക്കാണ് ബ്ലാസ്റ്റേഴ്സ് വീഴ്ത്തിയത്. പുണെയിലെ ശ്രീ ശിവ്ഛത്രപതി സ്പോർട്സ് കോംപ്ലക്സിൽ നടന്ന മത്സരത്തിൽ വിബിൻ മോഹനൻ, അരങ്ങേറ്റ താരം ആന്ദ്രെ ഗ്രീൻ എന്നിവരാണ് ബ്ലാസ്റ്റേഴ്‌സിനായി ഗോളുകൾ നേടിയത്.

മത്സരത്തിന്റെ തുടക്കം മുതൽ പന്തടക്കത്തിലും ആക്രമണത്തിലും മേധാവിത്വം പുലർത്തിയ ബ്ലാസ്റ്റേഴ്‌സ് 18-ാം മിനിറ്റിൽ തന്നെ ലീഡെടുത്തു. വലതു വിങ്ങിൽ നിന്ന് കൊറൗ സിങ് നൽകിയ കൃത്യമായ പാസ് ബോക്സിന്റെ മധ്യത്തിൽ നിന്ന് തകർപ്പൻ ഫിനിഷിലൂടെ യുവ മിഡ്ഫീൽഡർ വിബിൻ മോഹനൻ വലയിലെത്തിക്കുകയായിരുന്നു (1-0). ഗോൾ വഴങ്ങിയ ശേഷവും ആക്രമണം തുടർന്ന ബ്ലാസ്റ്റേഴ്‌സിനായി ആന്ദ്രെ ഗ്രീനും ഫ്രെഡി ലല്ലാവ്മൗമയും എതിർ ഗോൾമുഖത്ത് നിരന്തരം അപകടം വിതച്ചു.

മധ്യനിരയിൽ വിബിൻ മോഹനന്റെയും ഫ്രെഡി ലല്ലാവ്മൗമയുടെയും ഒത്തിണക്കമുള്ള പ്രകടനമാണ് മത്സരത്തിന്റെ നിയന്ത്രണം പൂർണമായും ബ്ലാസ്റ്റേഴ്‌സിന്റെ കൈകളിൽ ഉറപ്പിച്ചത്. പ്രതിരോധത്തിലും മുന്നേറ്റത്തിലും ഒരുപോലെ തിളങ്ങിയ ഇരുവരുടെയും നീക്കങ്ങൾ ഇന്റർ കാശിയുടെ പ്രത്യാക്രമണങ്ങളുടെ മുനയൊടിച്ചു.

രണ്ടാം പകുതിയിൽ മുഖ്യ പരിശീലകൻ ആഷ്‌ലി വെസ്റ്റ്‌വുഡ് ടീമിന്റെ മുന്നേറ്റനിരയിൽ നിർണായക മാറ്റങ്ങൾ വരുത്തി. ഇടവേളയ്ക്ക് ശേഷം മോമോ യാൻസാനെ, പോൾ റാംഫാങ്സൗവ എന്നിവരും, തുടർന്ന് മലയാളി താരം മുഹമ്മദ് സനാൻ, എബിൻദാസ് യേശുദാസ് എന്നിവരും കളത്തിലിറങ്ങിയതോടെ ബ്ലാസ്റ്റേഴ്‌സിന്റെ ആക്രമണങ്ങൾക്ക് പുതിയ വേഗത കൈവന്നു.

മറുവശത്ത് സമനില ഗോളിനായി ഇന്റർ കാശി കിണഞ്ഞു പരിശ്രമിച്ചെങ്കിലും ബ്ലാസ്റ്റേഴ്‌സ് പ്രതിരോധം ഉറച്ചു നിന്നതോടെ ടീം ക്ലീൻ ഷീറ്റ് ഉറപ്പിച്ചു. തുടർന്ന് ഇൻജറി ടൈമിൽ (93-ാം മിനിറ്റിൽ) ബ്ലാസ്റ്റേഴ്‌സ് തങ്ങളുടെ വിജയം പൂർണമാക്കി, ബോക്സിനുള്ളിൽ നിന്ന് ഇടങ്കാലൻ ഷോട്ടിലൂടെ വലയിലെത്തിച്ച് ആന്ദ്രെ ഗ്രീൻ ടീമിന് 0-2 ന്റെ ആധികാരിക വിജയം സമ്മാനിച്ചു.
 

English Summary:

Kerala Blasters triumph against Inter Kashi successful their ISL 13th play opener with a 2-0 triumph successful Pune. Goals from Vipin Mohanan and Andre Gray secured a triumphant commencement for the team.

Read Entire Article