ഡാന്‍സും പാട്ടും ഈ സോഷ്യല്‍ മീഡിയയും മാത്രമല്ല; അഭിമാന നിമിഷത്തെ കുറിച്ച് ഹന്‍സിക, ഇപ്പോഴൊട്ടും കുറ്റബോധം തോന്നുന്നില്ല

കൃഷ്ണകുമാറിന്റെ നാല് മക്കളുടെയും വിശേഷങ്ങള്‍ ആരാധകര്‍ സോഷ്യല്‍ മീഡിയയിലൂടെ അറിയാറുണ്ട്. കഴിഞ്ഞ ദിവസം ഏറ്റവും ഇളയമകള്‍ ഹന്‍സിക കൃഷ്ണ കോളേജിലെ ക്രിസ്മസ് ആഘോഷത്തിന്റെ ഫോട്ടോകളും ഷോര്‍ട്ട് വീഡിയോകളും പങ്കുവച്ചതൊക്കെ ഏറെ ശ്രദ്ധ നേടിയിരുന്നു. ഇപ്പോഴിതാ ആഘോഷങ്ങളുടെ മുഴുവന്‍ വീഡിയോയും തന്റെ യൂട്യൂബില്‍ പങ്കുവച്ചിരിക്കുന്നു.

കോളേജിലെ ചില രസകരമായ നിമിഷങ്ങളും, സുഹൃത്തുക്കള്‍ക്കൊപ്പമുള്ള ഔട്ടിങും മറ്റ് വിശേഷങ്ങളുമൊക്കെയാണ് വീഡിയോയില്‍ ഉള്‍പ്പെടുത്തിയിരിക്കുന്നത്. അതില്‍ ഏറ്റവും പ്രധാനം ഹന്‍സിക ആദ്യമായി ഒരു പേപ്പര്‍ പ്രസന്റേഷന്‍ അവതരിപ്പിച്ചതായിരുന്നു. കൂടുതലും ഡാന്‍സിലും പാട്ടിലും മറ്റ് കലാപരിപാടികളിലുമൊക്കെ ശ്രദ്ധിച്ചിരുന്ന ഹന്‍സിക ഇത്തരമൊരു പേപ്പര്‍ പ്രസന്റേഷന്‍ നടത്തുമെന്ന് ടീച്ചേഴ്‌സ് പ്രതീക്ഷിച്ചിരുന്നില്ലത്രെ. നന്നായി എന്ന് എല്ലാവരും പറഞ്ഞു. പഠനത്തിലും ഞാന്‍ മികച്ചതാണ് എന്ന് എനിക്ക് ബോധ്യപ്പെടുത്തണമായിരുന്നു എന്ന് ഹന്‍സിക പറയുന്നു.

Also Read: ലിസി അല്ലാതെ മറ്റൊരു പെണ്ണ് എന്റെ ജീവിതത്തില്‍ ഇല്ല എന്ന് പറഞ്ഞ പ്രിയദര്‍ശന്‍, വീണ്ടും ലിസിക്കൊപ്പം; വീഡിയോ വൈറലാവുന്നു

ഞാന്‍ നന്നായി പഠിക്കും, പക്ഷേ ഒരു പഠിപ്പിസ്റ്റ് അല്ല. ഇത്തരം പേപ്പര്‍ പ്രസന്റേഷന്‍, പ്രസംഗം പോലുള്ള കാര്യങ്ങളെക്കാള്‍ ഞാന്‍ എപ്പോഴും കൂടുതല്‍ എഫേര്‍ട്ട് ഇടുന്നത് ഡാന്‍സ് പോലുള്ള കാര്യങ്ങളിലാണ്. ഒരിക്കലും നൂറു ശതമാനം എഫേര്‍ട്ട് ഞാന്‍ പഠനത്തിനോ ഇതുപോലുള്ള പേപ്പര്‍ പ്രസന്റേഷനോ നല്‍കിയിരുന്നില്ല. എന്റെ താത്പര്യം എപ്പോഴും മറ്റ് പലതിലും ആയിരുന്നു.

അതുകൊണ്ട് തന്നെ എനിക്ക് ഡാന്‍സിലും ഡ്രാമയിലുമൊക്കെയാണ് താത്പര്യവും കഴിവും എന്ന് ടീച്ചേഴ്‌സ് കരുതിക്കാണണം. ഞാന്‍ പഠനത്തിലും മികച്ചതാണ് എന്ന് എനിക്ക് എന്റെ ടീച്ചേഴ്‌സിനെ കാണിക്കണമായിരുന്നു. ഇങ്ങനെ നല്ല ഒരു അവസരം കിട്ടിയപ്പോള്‍ അതൊരിക്കലും പാഴാക്കി കളയരുത് എന്ന് ഞാന്‍ തീരുമാനിച്ചു. നന്നായി എന്ന് ടീച്ചേഴ്‌സ് പറഞ്ഞപ്പോള്‍ എനിക്ക് വളരെ അധികം സന്തോഷം തോന്നി. ഇപ്പോള്‍ ഡാന്‍സ്, ഡ്രാമ പോലുള്ള കലാപരമായ കാര്യങ്ങളിലും, അതുപോലെ അക്കാഡമിക് കാര്യങ്ങളിലും എനിക്ക് മികവ് തെളിയിക്കാന്‍ കഴിഞ്ഞ അഭിമാനമുണ്ട് ഇപ്പോള്‍.

IND vs NZ: ഋഷഭിനെ എന്തിന് ഒതുക്കുന്നു? പിന്നിൽ ​ഗംഭീറിന്റെ കളി! ആ സംഭവത്തിന് ശേഷം ഇരുവരും ഉടക്കിൽ; വെളിപ്പെടുത്തൽ ഇങ്ങനെ
ഇപ്പോള്‍ എനിക്ക് സോഷ്യല്‍ മീഡിയ ലൈഫ് ഉണ്ട്, അതിനൊപ്പം ബിസിനസ്സുണ്ട്, അതുകൂടാതെ പഠന കാര്യങ്ങളിലും നെിക്ക് മികച്ചു നില്‍ക്കാന്‍ കഴിയുന്നു. ഇങ്ങനെ എല്ലാം മാനേജ് ചെയ്യാന്‍ സാധിക്കുമ്പോള്‍, പ്രൊഡക്ടീവായിട്ടാണ് ദിവസങ്ങള്‍ പോകുന്നത് എന്നതില്‍ എനിക്ക് സന്തോഷം തോന്നുന്നു. ജീവിതത്തില്‍ എല്ലാം മാക്‌സിമം ചെയ്യണം എന്നാണ് എന്റെ ആഗ്രഹം. ഈ പ്രസന്റേഷന്‍ ഇന്ന് ഞാന്‍ ചെയ്തില്ലെങ്കില്‍ എനിക്ക് ഭയങ്കരമായ കുറ്റബോധം തോന്നിയേനെ- ഹന്‍സിക പറഞ്ഞു