6 months ago
6
Authored by: അശ്വിനി പി|Samayam Malayalam•4 Jul 2025, 7:15 pm
വിവാഹത്തിന് ഞങ്ങൾക്ക് തിടുക്കമില്ല എന്ന് പറഞ്ഞ്, വിവാഹ നിശ്ചയം കഴിഞ്ഞിട്ടും പ്രണയച്ചുകൊണ്ടിരിക്കുകയായിരുന്നു ഡെക്കോട്ട ജോൺസണും ക്രിസ് മാർട്ടിനും. ഇരുവരും ബ്രേക്കപ്പ് ആയ വാർത്തകളാണ് ഇപ്പോൾ വന്നുകൊണ്ടിരിയ്ക്കുന്നത്
ഡെക്കോട്ട ജോൺസണും ക്രിസ് മാർട്ടിനും 2017 മുതൽ ഡെക്കോട്ട ജോൺസണും ക്രിസ് മാർട്ടിനും പ്രണയത്തിലാണ് എന്ന് വാർത്തകൾ പുറത്തുവന്നു. 2020 ൽ ഇരുവരുടെയും വിവാഹ നിശ്ചയം കഴിയുകയും ചെയ്തു. എന്നാൽ ബന്ധം വിവാഹത്തിലേക്ക് പോയില്ല. എന്താണ് വിവാഹം ചെയ്യാത്തത് എന്ന ചോദ്യത്തിന്, ഞങ്ങൾക്ക് തിടുക്കമില്ല എന്നായിരുന്നു ഡെക്കോട്ട ജോൺസണിന്റെയും ക്രിസ് മാർട്ടിന്റെും പ്രതികരണം
Also Read: വിവാഹം നിശ്ചയിച്ചു, ഗംഭീരമായ വിവാഹം പ്ലാൻ ചെയ്തു; പക്ഷേ നടന്നില്ല! ഒൻപത് വർഷത്തെ ബന്ധം വേർപിരിഞ്ഞു, ഇനി തീരുമാനം എടുക്കേണ്ടത് കുഞ്ഞിന്റെ കാര്യത്തിൽ!എന്നിട്ട് ഇപ്പോൾ വേർപിരിയാൻ എന്താണ് കാരണം എന്നാണ് ആരാധകരുടെ ചോദ്യം. ജനുവരിയിൽ, മാർട്ടിന്റെ ബാൻഡിനൊപ്പമുള്ള പര്യടനത്തിനിടെ ഇരുവരും ഇന്ത്യയിൽ കൈകോർത്ത് നടക്കുന്ന ചിത്രങ്ങളൊക്കെ സോഷ്യൽ മീഡിയയിൽ വൈറലായിരുന്നു. മെയ് മാസം വരെ ചിത്രങ്ങളും മറ്റും സോഷ്യൽ മീഡിയയിൽ സജീവമായി. പക്ഷേ ഇക്കഴിഞ്ഞ ജൂണോടെയാണ് വേർപിരിയൽ വാർത്ത പുറത്തുവന്നത്. ഒത്തു പോകാൻ കഴിയാത്ത സാഹചര്യത്തിൽ വിവാഹ മോചനം തെറ്റല്ല എന്ന് കഴിഞ്ഞ ആഴ്ച തന്റെ സിനിമ പ്രമോഷന്റെ ഭാഗമായി ഡെക്കോട്ട ജോൺസൺ പറഞ്ഞതും ശ്രദ്ധേയമായിരുന്നു
ആളുകൾ എപ്പോൾ വിവാഹം കഴിക്കണം, വിവാഹമോചനം മോശമാണ്, ഇങ്ങനെയുള്ള പല കാര്യങ്ങളും യഥാർത്ഥത്തിൽ ചിന്തിച്ചാൽ, എന്തുകൊണ്ട് വിവാഹമോചനം മോശമാകുന്നു, എന്തിനാണ് ആളുകൾ വിവാഹം കഴിക്കുന്നത്, അല്ലെങ്കിൽ ഒരു പ്രത്യേക പ്രായത്തിൽ, അല്ലെങ്കിൽ ഒരു തവണ മാത്രം എന്തുകൊണ്ട്? എന്നതിലൊന്നും കാര്യമില്ല എന്ന് മനസ്സിലാവും എന്നാണ് ഡെക്കോട്ട ജോൺസണ് പറഞ്ഞത്. ഇതും ഇരുവരുടെയും ബ്രേക്കപ് സംബന്ധിച്ച വാർത്തകൾക്ക് ആക്കം കൂട്ടി
US Independence Day: സ്വാതന്ത്ര്യദിന നിറവിൽ അമേരിക്ക, പൊതു അവധി; അറിഞ്ഞിരിക്കാം ഈ കാര്യങ്ങൾ
എന്നാല് ഡെക്കോട്ട ജോൺസണും ക്രിസ് മാർട്ടിനും വേർപിരിയുന്ന വാർത്തകൾ വരുന്നത് ഇതാദ്യമല്ല. മുൻപ് പല തവണയും വന്നിട്ടുണ്ട്. ഏറ്റവുമൊടുവിൽ 2024 ന്റെ അവസാനത്തോടെ വന്നപ്പോൾ ഇരുവരും അത് നിഷേധിച്ചു, ജോലി സംബന്ധമായ തിരക്കുകളും സമ്മർദ്ദങ്ങളും ഉണ്ട് എന്നല്ലാതെ ഡെക്കോട്ടയും ക്രിസും തമ്മിൽ യാതൊരു പ്രശ്നവും ഇല്ല എന്നായിരുന്നു വിശദീകരണം
രചയിതാവിനെക്കുറിച്ച്അശ്വിനി പിഅശ്വിനി- സമയം മലയാളത്തില് എന്റര്ടൈന്മെന്റ് സെക്ഷനില് സീനിയർ ഡിജിറ്റൽ കണ്ടൻ്റ് പ്രൊഡ്യൂസർ ആയി പ്രവൃത്തിയ്ക്കുന്നു. സിനിമ മേഖലയെ വളരെ ഗൗരവമായി കാണുകയും ആ വിഷയത്തെ കുറിച്ച് അറിയാനും എഴുതാനും താത്പര്യം. സിനിമാ രംഗത്തെ എഴുത്തുകാരുമായും സംവിധായകന്മാരായും അഭിനേതാക്കളുമായി അഭിമുഖം നടത്തിയിട്ടുണ്ട്. വണ്, ഇന്ത്യ ഫില്മിബീറ്റ് പോലുള്ള ദേശീയ മാധ്യമങ്ങളില് പ്രവൃത്തിച്ചു. നവമാധ്യമ രംഗത്ത് പത്ത് വര്ഷത്തെ പ്രവൃത്തി പരിചയം. പൊളിട്ടിക്കല് സയന്സില് ബിരുദവും ജേര്ണലിസത്തില് ഡിപ്ലോമയും നേടി.... കൂടുതൽ വായിക്കുക
English (US) ·