ഡെൽഹി ടീമിൽ ആ വമ്പൻ മാറ്റം വന്നേക്കും, ഇന്ന് നിർണായക മത്സരം; രണ്ടും കൽപ്പിച്ച് അക്സർ പട്ടേലും സംഘവും

Curated byഗോകുൽ എസ് | Samayam Malayalam | Updated: 8 May 2025, 1:28 pm

ഐപിഎല്ലിൽ ( IPL 2025 ) ഇന്ന് കരുത്തരായ ഡെൽഹി ക്യാപിറ്റൽസും, പഞ്ചാബ് കിങ്സും തമ്മിലാണ് മത്സരം. പോയിന്റ് പട്ടികയിൽ മൂന്നാം സ്ഥാനത്തുള്ള പഞ്ചാബും അഞ്ചാമതുള്ള ഡെൽഹിയും ഏറ്റുമുട്ടുമ്പോൾ ഒരു കിടിലൻ ത്രില്ലർ തന്നെ ആരാധകർക്ക് പ്രതീക്ഷിക്കാം. ഡെൽഹിക്കാണ് ഇന്നത്തെ കളി അതിനിർണായകമാവുക. പഞ്ചാബിനോട് തോറ്റാൽ ടീമിന്റെ പ്ലേ ഓഫ് പ്രതീക്ഷകൾക്ക് മങ്ങലേൽക്കും.അതേ സമയം അവസാന മത്സരത്തിൽ ഇറങ്ങിയ ടീമിൽ നിർണായക മാറ്റം വരുത്തി ഡെൽഹി ക്യാപിറ്റൽസ് ഇന്ന് കളിക്കാനാണ് സാധ്യത. മോശം ഫോമിലുള്ള സ്റ്റാർ ബാറ്റർ കരുൺ നായർക്ക് ടീമിൽ നിന്ന് പുറത്തേക്ക് പോകേണ്ടി വന്നേക്കും. ഈ സീസണിൽ കളിച്ച ആദ്യ മത്സരങ്ങളിൽ മികച്ച പ്രകടനം കാഴ്ച വെച്ചിരുന്ന കരുൺ നായർ പക്ഷേ പിന്നീട് നിറം മങ്ങുകയായിരുന്നു‌. രണ്ട് കളികളിലാണ് പിന്നീട് താരം പൂജ്യത്തിന് പുറത്തായത്.


ഈ സാഹചര്യത്തിൽ വെടിക്കെട്ട് ബാറ്ററായ സമീർ റിസ്വിയെ ഡെൽഹി പ്ലേയിങ് ഇലവനിലേക്ക് കൊണ്ടുവരാൻ സാധ്യതയുണ്ട്. മൂന്നാം നമ്പരിലോ മധ്യനിരയിൽ ഫിനിഷറായോ താരത്തെ അവർക്ക് ഉപയോഗിക്കാം.

ഡൽഹിയുടെ തകർച്ചയ്ക്ക് കാരണം ആ മണ്ടൻ തീരുമാനം; കരുൺ നായരുടെ റോൾ പതനം എളുപ്പമാക്കി, താരത്തിനെതിരെ വിമർശനം
ഡെൽഹി ക്യാപിറ്റൽസിന്റെ സാധ്യത ടീം: ഫാഫ് ഡുപ്ലെസിസ്, അഭിഷേക് പൊറൽ, സമീർ റിസ്വി, കെ എൽ രാഹുൽ, അക്സർ പട്ടേൽ, ട്രിസ്റ്റൻ സ്റ്റബ്സ്, സമീർ റിസ്വി, വിപ്രജ് നിഗം, മിച്ചൽ സ്റ്റാർക്ക്, കുൽദീപ് യാദവ്, ടി നടരാജൻ, ദുഷ്മന്ത ചമീര. ഇമ്പാക്ട് താരം: അശുതോഷ് ശർമ.

അതേ സമയം വലിയ ആത്മവിശ്വാസത്തോടെയാണ് പഞ്ചാബ് കിങ്സ് ഇന്നത്തെ മത്സരത്തിന് ഇറങ്ങുന്നത്. നിലവിൽ 11 കളികളിൽ 15 പോയിന്റാണ് അവർക്കുള്ളത്. ഏഴ് കളികളിൽ വിജയം നേടിയ അവർ മൂന്ന് കളികളിലാണ് തോറ്റത്. ഒരു മത്സരം മഴയെത്തുടർന്ന് ഉപേക്ഷിക്കുകയായിരുന്നു. ഇന്നത്തെ കളിയിൽ വിജയിക്കാനായാൽ ടീം പ്ലേ ഓഫിലേക്ക് ഏറെക്കുറെ യോഗ്യത നേടും.

ഡല്‍ഹി ക്യാപിറ്റല്‍സിനെതിരെ ചരിത്രം സൃഷ്ടിച്ച് പാറ്റ് കമ്മിന്‍സ്; അതുല്യ നേട്ടം കൈവരിക്കുന്ന ലോകത്തിലെ ആദ്യ താരം
പഞ്ചാബ് കിങ്സിന്റെ സാധ്യത ടീം: പ്രിയാൻഷ് ആര്യ, പ്രഭ്സിമ്രാൻ സിങ്, ശ്രേയസ് അയ്യർ, ജോഷ് ഇംഗ്ലിസ്, ശശാങ്ക് സിങ്, നേഹാൽ വധേര, മാർക്കസ് സ്റ്റോയിനിസ്, അസ്മതുള്ള ഒമർസായ്, മാർക്കോ ജാൻസൻ, യുസ്വേന്ദ്ര ചഹൽ, അർഷ്ദീപ് സിങ്. ഇമ്പാക്ട് താരം വിജയ്കുമാർ വൈശാഖ്/സൂര്യാൻഷ്‌.