ഡ്രസ്സും മുടിയും എല്ലാം വലിച്ചു പറിച്ചു; തിക്കി തിരക്കി വന്ന ആള്‍ക്കൂട്ടത്തില്‍ നടി നിധി അഗര്‍വാളിന് പരിക്ക്

തിക്കി തിരക്കി വന്ന ആള്‍ക്കൂട്ടത്തില്‍ ക്രൂരമായി അപമാനിക്കപ്പെട്ട് നടി നിധി അഗര്‍വാള്‍ . പ്രഭാസ് നായകനാകുന്ന ഏറ്റവും പുതിയ ചിത്രത്തിന്റെ പാട്ടിന്റെ ലോഞ്ച് കഴിഞ്ഞ് മടങ്ങവെയാണ് സംഭവം. ഹൈദരബാദിലെ ലുലു മാളില്‍ വച്ചായിരുന്നു രാജാ സാബ് എന്ന ചിത്രത്തിന്റെ സോങ് ലോഞ്ച് ചടങ്ങ് നടന്നത്. ചടങ്ങ് കഴിഞ്ഞ് നടി തിരിച്ചു കാറിലേക്ക് പോകവെയാണ് ആള്‍ക്കൂട്ടം തിക്കി തിരക്കി വന്നത്.

നിയന്ത്രിക്കാന്‍ കഴിയാത്ത വിധം ജനം തടിച്ചു കൂടി. നിധി അഗര്‍വാള്‍ ധരിച്ച വസ്ത്രവും, നടിയുടെ മുടിയുമൊക്കെ പിച്ചിയെടുക്കുന്ന വിധമായിരുന്നു ആരാധകരുടെ ആവേശപ്രകടനം. ഒരുവിധം, ശ്രമപ്പെട്ടാണ് നടിയെ വണ്ടിയിലേക്ക് കയറ്റുന്നത്. നിധിയ്ക്ക് സാരമായ പരുക്കുകള്‍ സംഭവിച്ചതായാണ് റിപ്പോര്‍ട്ടുകള്‍. മാളിന് എതിരെ സിനിമ പ്രവര്‍ത്തകര്‍ കേസ് കൊടുത്തു.

Also Read: ദിയ കൃഷ്ണ അത്രമേല്‍ ആസ്വദിക്കുന്ന ഒരു ജീവിതം; മനോഹരമായ ചിത്രങ്ങളുമായി താരപുത്രി!

ഇത്രയും വലിയ പരിപാടിയായിരുന്നിട്ടും, ആള്‍ക്കൂട്ടത്തെ നിയന്ത്രിക്കാനുള്ള യാതൊരു സജ്ജീകരണങ്ങളും മാളില്‍ ഒരുക്കിയിരുന്നില്ല. സെക്യൂരിറ്റി സിസ്റ്റത്തിലും വീഴ്ച സംഭവിച്ചു. നടിക്കുണ്ടായ അനുഭവം എത്രത്തോളം ഭീകരമാണ് എന്ന് പ്രചരിയ്ക്കുന്ന വീഡിയോയില്‍ വ്യക്തമാണ്.

മുന്ന മിഖായേല്‍ എന്ന ചിത്രത്തിലൂടെ, 2017 ല്‍ ഹിന്ദി സിനിമകളിലൂടെ അരങ്ങേറ്റം കുറിച്ച നടിയാണ് നിധി അഗര്‍വാള്‍. സവ്യസാചി, മിസ്റ്റര്‍ മഞ്ജു, ഈശ്വരന്‍, ഭൂമി, ഹീറോ, കളങ്കതലൈവന്‍ തുടങ്ങിയ തമിഴ് - തെലുങ്ക് ചിത്രങ്ങളിലൂടെ നിധി ഇന്റസ്ട്രിയില്‍ തന്റേതായ ഇടം കണ്ടെത്തുകയായിരുന്നു. അതിനിടയിലാണ് രാജാസാബ് പോലൊരു ബിഗ് ബജറ്റ് ചിത്രം നടിയെ തേടിയെത്തിയത്.

Also Read: ഒരു ചില്ലിക്കാശ് പ്രമോഷന് വേണ്ടി പോയില്ല, എന്നിട്ടും ഇങ്ങനെയോ? തിയേറ്റര്‍ പൂരപ്പറമ്പാക്കി ദിലീപ് ഫാന്‍സ്, ആദ്യ പ്രതികരണങ്ങള്‍


ബാഹുബലിയ്ക്ക് ശേഷം പ്രഭാസ് നിരവധി ബിഗ് ബജറ്റ് പാന്‍ ഇന്ത്യന്‍ സിനിമകള്‍ ചെയ്തുവെങ്കിലും അതിനൊന്നും ബാഹുബലിയ്‌ക്കൊപ്പമോ അതിന് മുകളിലോ എത്താന്‍ സാധിച്ചിട്ടില്ല. മാരുതി എഴുതി സംവിധാനം ചെയ്യുന്ന രാജാസാബിന് ആ റെക്കോഡ് ഭേദിക്കാന്‍ കഴിയും എന്നാണ് ആരാധകരുടെ പ്രതീക്ഷ. അങ്ങനെയൊരു സിനിമയുടെ സോങ് ലോഞ്ചിലാണ് നടിക്ക് ഈ വിധം അനുഭവമുണ്ടായത്. സഞ്ജയ് ദത്ത് ബോമന്‍ ഇറാനി സമുദ്രക്കനി എന്നിങ്ങെ നിരവധി താരങ്ങള്‍ അണിനിരക്കുന്ന ചിത്രത്തില്‍ നിധി അഗര്‍വാളിനൊപ്പം മാളവിക മോഹനനും നായികാ നിരയിലുണ്ട്.