തദ്ദേശ തിരഞ്ഞെടുപ്പ്: സൂപ്പർ ലീഗ് കേരള സെമിഫൈനൽ മത്സരങ്ങൾ മാറ്റിവച്ചു

തൃശൂർ ∙ സൂപ്പർ ലീഗ് കേരള ഫുട്ബോൾ ടൂർണമെന്റിന്റെ സെമി ഫൈനൽ മത്സരങ്ങൾ മാറ്റിവച്ചു. തൃശൂർ മാജിക്‌ എഫ്സിയും മലപ്പുറം എഫ്സിയും തമ്മിലുള്ള ആദ്യ സെമി ഫൈനൽ മത്സരവും ഈ മാസം 10നു നടക്കാനിരുന്ന കാലിക്കറ്റ്‌ എഫ്സിയും കണ്ണൂർ വാരിയേഴ്സ് എഫ്സിയും തമ്മിലുള്ള രണ്ടാം സെമിഫൈനൽ മത്സരവുമാണ് സുരക്ഷാകാരണങ്ങളാൽ മാറ്റിവച്ചത്.

തദ്ദേശ തിരഞ്ഞെടുപ്പിനോട് അനുബന്ധിച്ച്, ഭരണകൂടത്തിൽനിന്നും പൊലീസിൽനിന്നുമുള്ള നിർദേശത്തെ തുടർന്നാണ് നടപടിയെന്ന് സൂപ്പർ ലീഗ് കേരള ഭാരവാഹികൾ അറിയിച്ചു.