തന്റെ കൊച്ചിന്റെ ഫോട്ടോ എവിടെ കണ്ടാലും ലൈക്കടിക്കുന്ന അമ്മയാ; മകളുടെ സിനിമാ വിജയത്തിൽ ലിസിയും, ഈ സൗന്ദര്യത്തെ കുറിച്ചല്ലേ കല്യാണി പറ‍ഞ്ഞത്

Authored by: അശ്വിനി പി|Samayam Malayalam•16 Sept 2025, 2:52 pm

ലോക ചാപ്റ്റർ 1 ചന്ദ്ര എന്ന ചിത്രം മികച്ച പ്രതികരണങ്ങളും കലക്ഷനും നേടി മുന്നേറുകയാണ്. ആദ്യമായി മലയാളത്തിൽ നായിക നടിയുടെ സിനിമ 200 കോടി ക്ലബ്ബ് പിന്നിടുന്നു എന്ന പ്രത്യേകതയും ലോക യ്ക്കുണ്ട്. ഓണം റിലീസ് ഏറ്റവും നല്ല വിജയം നേടിയതും, വലിയ ബോക്സോഫീസ് കലക്ഷൻ നേടിയതും കല്യാണിയുടെ ലോക തന്നെയാണ്

ലോക സിനിമയുടെ വിജയാഘോഷം കഴിഞ്ഞ ദിവസം നടന്നപ്പോൾ അതിൽ കല്യാണിയുടെ അമ്മ ലിസി ലക്ഷ്മിയും അതിഥിയായിരുന്നു. മകളുടെ വിജയത്തിൽ അഭിമാനിക്കുന്ന അമ്മ ആ ഫോട്ടോകൾ തന്റെ ഇൻസ്റ്റഗ്രാമിൽ പങ്കുവച്ചു. കല്യാണി ചുംബിയ്ക്കുന്ന ഒരു ഫോട്ടോയും, നിർമാതാവ് ദുൽഖറിന് ഒപ്പമുള്ള ഒരു ഫോട്ടോയും നായകൻ നസ്ലിന് ഒപ്പമുള്ള ഒരു ഫോട്ടോയുമാണ് ലിസി പങ്കുവച്ചിരിയ്ക്കുന്നത്.

Also Read: കല്യാണത്തിന്റെ തലേ ദിവസം ഒട്ടും പ്രതീക്ഷിക്കാതെ വന്ന മഞ്ജു വാര്യരുടെ കോൾ; ആര്യ ബഡായി പറയുന്നു, ഇത് രണ്ടാം വിവാഹം എന്ന് പറയല്ലേ

ആ മെഗാ സക്സസ് സെലിബ്രേറ്റ് ചെയ്യുന്നു. സർവ്വ ശക്തനോട് നന്ദിയും സന്തോഷവും വിനീതമായി അറിയിക്കുന്നു. ലോക സൃഷ്ടിച്ച ഓരോരുത്തർക്കും നന്ദിയും അഭിനന്ദനങ്ങളും - ഫോട്ടോയ്ക്കൊപ്പം ലിസി കുറിച്ചു

കല്യാണി ലോകയുടെ പ്രമോഷൻ സമയത്തെല്ലാം അമ്മ ലിസിയെ കുറിച്ച് പറഞ്ഞ സോഷ്യൽ മീഡിയയിൽ വൈറലായിരുന്നു. സൗന്ദര്യത്തെ കുറിച്ച് ചോദിച്ചപ്പോൾ നിങ്ങളെന്റെ അമ്മയെ കണ്ടിട്ടില്ലേ എന്ന ചോദ്യം റിലുകളിൽ ആഘോഷിച്ചു. തൊണ്ണൂറുകളിൽ മലയാളി മനസ്സിൽ പതിഞ്ഞ മുഖമാണ് ലിസിയുടേത്, അതെങ്ങനെ മറക്കും എന്നായിരുന്നു പ്രേക്ഷകരുടെ ചോദ്യം. ലിസിയുടെ ആ സൗന്ദര്യത്തെ കുറിച്ചും, ലിസി അഭിനയിച്ച സിനിമകൾ വീണ്ടും ചർച്ചയാവാനും അത് കാരണമായി.

Also Read: ഞാൻ വിവാഹം കഴിക്കുമ്പോൾ അവൾ വളരെ ചെറുപ്പമാ! ഒന്ന് ചിരിച്ച് ഇരുന്നൂടെ എന്നൊക്കെ എന്നോട് ഇടയ്ക്കിടെ ചോദിക്കും


മറ്റൊന്ന്, അമ്മ തന്റെ വിജയത്തിൽ എത്രമാത്രം സന്തോഷിക്കുകയും അഭിമാനിക്കുകയും ചെയ്യുന്നു എന്നതിനെ കുറിച്ച് കല്യാണി പറഞ്ഞ കാര്യങ്ങളായിരുന്നു. സോഷ്യൽ മീഡിയയിൽ എവിടെ എന്റെ ഫോട്ടോ കണ്ടാലും അമ്മ ലൈക്ക് അടിക്കും. ഫാൻസ് പേജുകളിലെ എന്റെ ചിത്രങ്ങൾ അമ്മ ലൈക് ചെയ്ത പോപ് അപ് വരുമ്പോൾ, എന്തിനാണ് അമ്മേ എല്ലാത്തിനും ലൈക്ക് ചെയ്യുന്നത് എന്ന് ഞാൻ ചോദിച്ചു. എന്റെ കൊച്ചിന്റെ ഫോട്ടോ എവിടെ കണ്ടാലും ഞാൻ ലൈക്ക് അടിക്കും എന്നായിരുന്നു അതിന് ലിസി നൽകിയ മറുപടി.