തന്റെ വിവാഹത്തിന് റിങ് ബെയററായി എത്തുന്നത് ആരാണ് എന്ന് വെളിപ്പെടുത്തി സെലീന ​ഗോമസ്; ഞാനെത്ര ഭാ​ഗ്യവതിയാണ് എന്ന് നടി

Authored by: അശ്വിനി പി|Samayam Malayalam•11 Sept 2025, 3:26 pm

ഹോളിവുഡ് സിനിമാ ലോകം കാത്തിരിയ്ക്കുന്ന വിവാഹമാണ് ബെന്നി ബ്ലാങ്കോയുടെയും സെലീന ഗോമസിന്റെയും. 2024 ഡിസംബറിൽ വിവാഹ നിശ്ചയം കഴിഞ്ഞതാണ്. തിരക്കുകൾ കാരണം അത് നീണ്ടു നീണ്ടു പോകുകയാണ്. ഒടുവിൽ ഇതാ, ഈ മാസം അവസാനം വിവാഹം നടക്കുന്നു. വിവാഹത്തിന്റെ സ്ഥലമോ, സമയമോ പുറത്തുവിട്ടിട്ടില്ല. അതീവ സുരക്ഷ ക്രമീകരണങ്ങൾ എല്ലാം നടത്തിയാണ് വിവാഹം നടത്തുന്നത്.

ഇന്റസ്ട്രിയിലെ ഒട്ടുമിക്ക എല്ലാവരെയും വിവാഹത്തിന് ക്ഷണിച്ചിട്ടുണ്ട്, അതൊരു ആഘോഷമായിരിക്കും എന്ന് ഇപ്പോൾ സെലീന ഗോമസിന്റെ വാക്കുകളിൽ വ്യക്തമാണ്. Only Murders successful the Building Season 5 റിലീസിനൊരുങ്ങവെ, സീരീസിന്റെ പ്രമോഷനിൽ വിവാഹ ഒരുക്കങ്ങളെ കുറിച്ചെല്ലാം നടി വാചാലയായി. ഞാൻ വളരെ അധികം എക്സൈറ്റ്മെന്റിലാണ്. ഞാൻ എത്ര ഭാഗ്യവതിയാണ് എന്ന് തോന്നുന്നു, എല്ലാം ഭംഗിയായി നടക്കുന്നു എന്നാണ് സെലീന ഗോമസ് പറയുന്നത്.

Also Read: അത്രയ്ക്കും ഇഷ്ടമാണോ തൃഷയ്ക്ക് മ‍ഞ്ജു വാര്യരെ; പിറന്നാൾ ആശംസിച്ചുകൊണ്ട് പറഞ്ഞത്, ഓൾ ടൈം ഫേവറേറ്റ് സൂപ്പർസ്റ്റാർ!

വിവാഹത്തിന് ആരാണ് റിങ് ബെയററായി എത്തുന്നത് എന്ന് നടി അഭിമുഖത്തിൽ വെളിപ്പെടുത്തി. വധൂ - വരന്മാർക്ക് അണിയാനുള്ള മോതിരവുമായി പൊതുവെ ഒരു കൊച്ചു കുട്ടിയാണ് റിങ് ബെയററായി എത്തുന്നത്. എന്നാൽ സെലീന ഗോമസിന്റെയും ബെന്നി ബ്ലാങ്കോയുടെയും വിവാഹത്തിന് മോതിരവുമായി എത്തുന്നത് ഒരു 74 കാരനാണ്! മറ്റാരുമല്ല നടൻ മാർട്ടിൻ ഷോർട്ട്!

Also Read: മോന് പത്തൊൻപത് ! അന്ന് സംയുക്ത എടുത്ത സ്‌ട്രോങ് ഡിസിഷനാണ് ഇന്ന് ഈ കാണുന്ന സന്തോഷം; പുതിയ ചിത്രം ഏറ്റെടുത്ത് ആരാധകർ

Only Murders successful the Building Season 5 ൽ സെലീന ഗോമസിനൊപ്പം ഹാസ്യ നടനും എഴുത്തുകാരനുമൊക്കെയായ മാർട്ടിൻ ഷോർട്ടുമുണ്ട്. തനിക്കേറ്റവും പ്രിയപ്പെട്ട ജോഡികളാണ്, അവരുടെ വിവാഹത്തിന് റിങ് ബെയററാവുന്ന സന്തോഷത്തിലാണ് മാർട്ടിൻ ഷോർട്ട്. വിവാഹത്തിന്റെ മറ്റ് ഒരുക്കങ്ങളും പ്ലാനിങുമൊക്കെ നടന്നുകൊണ്ടിരിയ്ക്കുകയാണ്.


കഴിഞ്ഞ ആഴ്ച സെലീന ഗോമസ് തന്റെ ബാച്ചിലറേറ്റ് പാർട്ടി സുഹൃത്തുക്കളോടൊപ്പം ആഘോഷിച്ച ചിത്രങ്ങൾ സോഷ്യൽ മീഡിയയിലൂടെ പങ്കുവച്ചിരുന്നു. ബെന്നി ബ്ലാങ്കോയും തന്റെ സുഹൃത്തുക്കളോടൊപ്പം ഒരു പ്രത്യേക സ്ഥലത്ത് ബാച്ചിലർ പാർട്ടി ആഘോഷിക്കുകയുണ്ടായി.