തല കുനിക്കരുത് എന്ന് അന്ന് മോദിജി പറഞ്ഞു; ഇന്ന് നരേന്ദ്ര മോദിയായി സ്ക്രീനിൽ എത്താൻ പോകുന്ന സന്തോഷം പങ്കുവച്ച് ഉണ്ണി മുകുന്ദൻ

Authored by: അശ്വിനി പി|Samayam Malayalam•17 Sept 2025, 1:20 pm

ഇന്ന് ഇന്ത്യയുടെ പ്രധാന മന്ത്രി ശ്രീ നരേന്ദ്ര മോദിയുടെ ജന്മദിനമാണ്. പൊതുവെ മോദിയുടെ ബർത്ത് ഡേ വിശേഷങ്ങളൊക്കെ രാഷ്ട്രീയ വിഷയങ്ങൾക്കൊപ്പമാണ് സംസാരിക്കാറുള്ളത് എങ്കിലും, ഇന്ന് എന്റർടൈൻമെന്റ് ഇന്റസ്ട്രിയിൽ അത് വലിയൊരു ചർച്ചയാവുന്നു. എന്തെന്നാൽ ഇന്ത്യ ഭരിയ്ക്കുന്ന പ്രധാനമന്ത്രിയുടെ ജീവിതം ആസ്പദമാക്കി ഒരു സിനിമ വരുന്നു. പാൻ ഇന്ത്യൻ തലത്തിൽ ഒരുങ്ങുന്ന സിനിമയിൽ മലയാളത്തിന് അഭിമാനമായി, ഉണ്ണി മുകുന്ദനാണ് നരേന്ദ്ര മോദിയായി അഭിനയിക്കുന്നത്.

മാ വന്ദേ എന്ന് പേരിട്ടിരിയ്ക്കുന്ന ചിത്രം സംവിധാനം ചെയ്യുന്നത് തെലുങ്ക് സംവിധായകനായ ക്രാന്തി കുമാർ ആണ്. വിവിധ ഭാഷകളിലുള്ള ചിത്രത്തിന്റെ ഫസ്റ്റ്ലുക്ക് പോസ്റ്റർ പുറത്തുവിട്ടു. ഞാൻ ജനിച്ച നാട്ടിലെ മുഖ്യമന്ത്രിയായി നരേന്ദ്ര മോദിയെ അറിഞ്ഞു തുടങ്ങിയ ഉണ്ണി മുകുന്ദൻ , ഇന്ന് ഇന്ത്യയുടെ പ്രധാനമന്ത്രിയായ അദ്ദേഹത്തിന്റെ സിനിമയിൽ അഭിനയിക്കുന്ന സന്തോഷത്തിലാണ്.

ക്രാന്ത് കുമാർ സംവിധാനം ചെയ്യുന്ന, മാ വന്ദേ മൂവീസ് നിർമിയ്ക്കുന്ന, ബഹുമാനപ്പെട്ട നരേന്ദ്ര ധാമോദർദാസ് മോദി ജിയുടെ കഥ ആസ്പദമാക്കി ഇരുങ്ങുന്ന മാ വന്ദേ എന്ന ചിത്രത്തിൽ അഭിനയിക്കുന്നു എന്ന സന്തോഷ വാർത്ത അറിയിക്കുന്നതിൽ എനിക്ക് അതിയായ സന്തോഷമുണ്ട്.

അഹമ്മദാബാദിൽ വളർന്ന എനിക്ക് എന്റെ കുട്ടിക്കാലത്ത് അദ്ദേഹത്തെ ആദ്യമായി അറിയാവുന്നത് ഞാൻ ജീവിക്കുന്ന നാട്ടിലെ മുഖ്യമന്ത്രി എന്ന നിലയിലാണ്. വർഷങ്ങൾക്ക് ശേഷം, 2023 ഏപ്രിലിൽ, അദ്ദേഹത്തെ നേരിട്ട് കാണാനുള്ള ഭാഗ്യം എനിക്ക് ലഭിച്ചു, എനിക്ക് മറക്കാൻ കഴിയാത്ത ദിവസങ്ങളിലൊന്നാണ് അത്.

Also Read: അനീഷിന്റെ നന്മയും, കണ്ടു പഠിക്കേണ്ട ഗുണങ്ങളും; കുതന്ത്രങ്ങളും കുരുട്ടുബുദ്ധിയും ഇല്ല, പ്രേക്ഷക മനസ്സിൽ കപ്പ് ഉയർത്തി അനീഷ്

ഒരു നടൻ എന്ന നിലയിൽ, ഈ വേഷത്തിലേക്ക് കടക്കുന്നത് അതിശക്തമാണെങ്കിലും വളരെ അധികം പ്രചോദനം നൽകുന്ന ഒന്നുകൂടെയാണ്.. അദ്ദേഹത്തിന്റെ രാഷ്ട്രീയ യാത്ര അസാധാരണമായിരുന്നു, എന്നാൽ ഈ സിനിമയിൽ, രാഷ്ട്രതന്ത്രജ്ഞന് അപ്പുറമുള്ള മനുഷ്യനെ, പ്രത്യേകിച്ച് അദ്ദേഹത്തിന്റെ സ്വഭാവത്തെയും ആത്മാവിനെയും രൂപപ്പെടുത്തിയ അമ്മയുമായുള്ള അദ്ദേഹത്തിന്റെ അഗാധമായ ബന്ധത്തെയും കുറിച്ച് പറയാനാണ് ഞങ്ങൾ ലക്ഷ്യം വയ്ക്കുന്നത്

Also Read: രണ്ടറ്റവും കൂട്ടിമുട്ടിക്കാൻ അവർ പാടുപെടുന്നത് കണ്ടിട്ടുണ്ട്! ഇന്ന് ഞങ്ങൾക്ക് വേണ്ടതെല്ലാം വാങ്ങുന്നത് ഞങ്ങൾ തന്നെ

അദ്ദേഹവുമായുള്ള സംസാരത്തിൽ, അദ്ദേഹം നൽകിയ രണ്ട് വാക്കുകൾ എനിക്ക് എന്റെ പല പരീക്ഷണാവസ്ഥകളിലും എനിക്കൊപ്പം ഉണ്ടായിട്ടുണ്ട്. ജൂക്വാനു നഹി", അതായത് "ഒരിക്കലും തലകുനിക്കരുത്." ആ വാക്കുകൾ അന്നുമുതൽ എനിക്ക് ശക്തിയുടെയും ദൃഢനിശ്ചയത്തിന്റെയും ഉറവിടമാണ്.


മാ വന്ദേ ലോകമെമ്പാടും, എല്ലാ പ്രധാന ഇന്ത്യൻ ഭാഷകളിലും റിലീസ് ചെയ്യും. ഈ പ്രത്യേക അവസരത്തിൽ, നമ്മുടെ ബഹുമാനപ്പെട്ട പ്രധാനമന്ത്രി ശ്രീ നരേന്ദ്ര ദാമോദർദാസ് മോദിജിക്ക് 75-ാം ജന്മദിനാശംസകൾ നേരുന്നതിൽ ഞാനും രാജ്യത്തോടൊപ്പം ചേരുന്നു- ഉണ്ണി മുകുന്ദൻ പറഞ്ഞു