താൻ ​ഗർഭിണിയാണ് എന്നറിഞ്ഞപ്പോൾ ടോം ക്രൂയിസിന് നാണക്കേടായിരുന്നു; അനുഭവം തുറന്ന് പറഞ്ഞ് ഡെമി മൂർ

Authored by: അശ്വിനി പി|Samayam Malayalam•27 Oct 2025, 4:14 pm

എ ഫ്യൂ ഗുഡ് മെൻ എന്ന സിനിമയുടെ ചിത്രീകരണത്തിനിടെ സഹനടൻ ടോം ക്രൂസിനൊപ്പം, മറക്കാൻ കഴിയാത്ത ഓർമകൾ നടി ഡെമി മൂർ പങ്കുവച്ചു. 2025 ഒക്ടോബർ 25 ന് ന്യൂയോർക്കർ ഫെസ്റ്റിവലിൽ എഴുത്തുകാരിയായ ജിയ ടൊലെന്റിനോയുമായുള്ള അഭിമുഖത്തിനിടെയാണ് നടിയുടെ തുറന്നു പറച്ചിൽ. സിനിമയുടെ പ്രീ-പ്രൊഡക്ഷൻ നടക്കുന്ന സമയത്ത് ഞാൻ എട്ട് മാസം ഗർഭിണിയായിരുന്നു.

എനിക്ക് തോന്നുന്നു ഞാൻ ഗർഭിണിയാണ് എന്നറിഞ്ഞപ്പോൾ സഹ നടൻ ടോം ക്രൂയിസിന് നാണക്കേടായിരുന്നു എന്ന്. എനിക്ക് ആ സാഹചര്യം ഓകെയായിരുന്നു. പക്ഷേ ഞാൻ അങ്ങോട്ടുമിങ്ങോട്ടുമൊക്കെ പോകുമ്പോൾ, ടോം ക്രൂയിസിന് അല്പം വിചിത്രമുള്ളതായി അനുഭവപ്പെട്ടു.

Also Read: ഇന്ത്യയിൽ അങ്ങനെ ചെയ്യുന്ന ഒരേ ഒരു നടി രശ്മിക മന്ദാന മാത്രമാണ്; ഒരു നിയന്ത്രണങ്ങളും അവർക്കില്ല എന്ന് നിർമാതാവ്

വളരെ പ്രധാനപ്പെട്ട പ്രൊജക്ടുകളിൽ വർക്ക് ചെയ്യുമ്പോൾ ഹോളിവുഡ് നായികമാർ ഗർഭിണികളാകാതിരിക്കാൻ ശ്രദ്ധിക്കും എന്ന് പറയുന്ന കാലഘട്ടത്തെ പ്രതിഫലിപ്പിക്കുന്നതാണ് അന്നത്തെ ടോം ക്രൂയിസിന്റെ പ്രവൃത്തിക്കൾ എന്നാണ് ഡെമി മൂർ പറയുന്നത്. അക്കാലത്ത് തന്റെ മാതൃത്വത്തെയും മികച്ച പ്രൊഫൈലുള്ള കരിയറിനെയും ഒരുപോലെ മുന്നോട്ടു നയിക്കുന്ന ചുരുക്കം ചില നായികമാരിൽ ഒരാളാണ് ഡെമി മൂർ എന്നത് ശ്രദ്ധേയമാണ്.

Also Read: പ്രായം കൂടുന്തോറും നീ വീഞ്ഞ് പോലെയാണ്; അമല പോളിന് പിറന്നാൾ ആശംകൾ അറിയിച്ച് ഭർത്താവ് പറഞ്ഞത്

ഇതിലൊന്നും അർത്ഥമില്ലെന്ന് എനിക്ക് തോന്നിയ നിരവധി കാര്യങ്ങളിൽ ഒന്നാണിത്. അതിനാൽ, എന്തുകൊണ്ട് ഗർഭിണിയാകാൻ പാടില്ല? എന്തുകൊണ്ട് മാതൃത്വവും കരിയറും ഒരുമിച്ച് കൊണ്ടുപോകാൻ കഴിയില്ല? എന്ന് പറയാൻ വേണ്ടിയാണ് വെല്ലുവിളിയോടെ ഞാൻ ആ നിലപാടെടുത്തത്. കുടുംബങ്ങളെ വളർത്തുന്നതിനൊപ്പം സ്ത്രീകൾക്ക് വിജയകരമായ കരിയർ നിലനിർത്താൻ കഴിയുമെന്ന് കാണിക്കാൻ താൻ സ്വയം വളരെയധികം സമ്മർദ്ദം ചെലുത്തിയതായി സബ്സ്റ്റൻസ് താരം വ്യക്തമാക്കി.

Also Read: അനിയന്റെ കുടുംബം തകർന്നതിന് പഴി, വിവാഹ ബന്ധത്തിലും ആരോപണം; എല്ലാത്തിനും ഹൻസികയുടെ മറുപടി
പ്രസവശേഷം മുലയൂട്ടുന്നതിനെ കുറിച്ചൊക്കെ ഡെമി മൂർ ഓർത്തു പറയുന്നുണ്ട്. 1990 കളുടെ തുടക്കത്തിൽ താൻ നേരിട്ട പ്രതീക്ഷകളുമായി താരതമ്യപ്പെടുത്തുമ്പോൾ, ഹോളിവുഡ് ഇപ്പോൾ അമ്മമാർക്ക് കൂടുതൽ പിന്തുണ നൽകുന്ന അന്തരീക്ഷം നൽകുന്നുവെന്ന് നടി പറഞ്ഞു.