തീരുമാനം ആരെയും ഭയന്നിട്ടല്ല! എനിക്ക് ആകെ കിട്ടിയത് പരാതികളും അപവാദങ്ങളും മാത്രം; ബാബുരാജ് പറയുന്നു

Authored by: ഋതു നായർ|Samayam Malayalam•31 Jul 2025, 1:53 pm

അമ്മ സംഘടനയുടെ പ്രവർത്തനങ്ങളിൽ നിന്ന് താൻ എന്നെന്നേക്കുമായി പിന്മാറുകയാണെന്ന് നടൻ ബാബുരാജ്. അമ്മയുടെ തെരെഞ്ഞെടുപ്പിൽ നിന്നും ബാബുരാജ് വിട്ടുനിൽക്കണമെന്ന ആവശ്യം ശക്തമാകവേയാണ് തന്റെ തീരുമാനം പങ്കുവച്ചുകൊണ്ട് ബാബുരാജ് എത്തിയത്.

ബാബുരാജിന്റെ വാക്കുകൾ

വിഴുപ്പലക്കാൻ താൽപര്യമില്ലാത്തതിനാൽ, അമ്മ സംഘടനയുടെ പ്രവർത്തനങ്ങളിൽ നിന്ന് ഞാൻ എന്നെന്നേക്കുമായി പിന്മാറുകയാണെന്ന് ഇതിനാൽ അറിയിക്കുന്നു. ഈ തീരുമാനം ആരെയും ഭയന്നിട്ടല്ല.

കഴിഞ്ഞ എട്ട് വർഷക്കാലം അമ്മ സംഘടനയിൽ പ്രവർത്തിച്ച എനിക്ക് പീഡന പരാതികളും അപവാദങ്ങളും മാത്രമാണ് സമ്മാനമായി ലഭിച്ചത്. അംഗങ്ങളിൽ നിന്ന് ലഭിച്ച ചാനൽ ഉപദേശങ്ങൾ എൻ്റെ ഹൃദയത്തിൽ മരണം വരെ സൂക്ഷിക്കും. കഴിഞ്ഞ പത്ത് മാസക്കാലം കമ്മിറ്റിക്ക് ഒട്ടേറെ നല്ല കാര്യങ്ങൾ ചെയ്യാൻ സാധിച്ചിട്ടുണ്ട്. അതിൻ്റെ തുടർച്ച ഉണ്ടാകണം എന്ന ലക്ഷ്യത്തോടെയാണ് ഞാൻ വീണ്ടും മത്സരിക്കാൻ തീരുമാനിച്ചിരുന്നത്.

ALSO READ:ജങ്കൂക്ക് മാത്രമല്ല, വി യും കട്ട മസിലൊക്കെ വെപ്പിച്ചിട്ടുണ്ട്; രണ്ട് മാസം കൊണ്ട് ഇത്രയും മാറ്റമോ? വ‍‍ർക്കൗട്ട്ചിത്രങ്ങൾ വൈറലാവുന്നു

ഇത്രയധികം ആരോപണങ്ങളെ പ്രതിരോധിച്ച് സംഘടനാപരമായ കാര്യങ്ങളുമായി മുന്നോട്ട് പോകുന്നത് ഇപ്പോൾ എനിക്ക് പ്രയാസകരമാണ്. എന്നെ മത്സരത്തിലൂടെ തോൽപ്പിക്കാമായിരുന്നു. അതായിരുന്നല്ലോ ജനാധിപത്യപരമായ രീതി. എന്നാൽ, ഇത് എനിക്ക് താങ്ങാൻ കഴിയുന്നതിലും അപ്പുറമാണ്.

ALSO READ: ആദ്യം ദേഷ്യം തോന്നി പിന്നാലെ അത് പ്രണയമായി! പത്താം ക്ലാസിൽ പഠിക്കുമ്പോൾ മനസ്സിൽ പതിഞ്ഞ ശബ്ദം; അനിലിന്റെ ഓർമ്മയിൽ മായ

എന്നെ വിശ്വസിച്ച് എല്ലാ പിന്തുണയും നൽകിയ എല്ലാ അംഗങ്ങൾക്കും ഈ അവസരത്തിൽ ഞാൻ എൻ്റെ ഹൃദയംഗമമായ നന്ദി രേഖപ്പെടുത്തുന്നു. അമ്മ സംഘടനയ്ക്ക് എല്ലാവിധ നല്ല ഭാവിയും നേരുന്നു. എല്ലാവർക്കും നല്ലത് സംഭവിക്കട്ടെ എന്ന് ഞാനാശംസിക്കുന്നു; ബാബുരാജ് കുറിച്ചു.

ആരോപണവിധേയര്‍ ഒന്നാകെ മാറി നില്‍ക്കുമ്പോൾ ബാബുരാജ് മത്സരത്തിൽ എത്തുന്നതിനെ വിമർശിച്ചുകൊണ്ട് അമ്മയിലെ മുതിര്ന്ന അംഗങ്ങൾ പോലും എത്തിയിരുന്നു. പിന്നാലെ ആണ് നിർണ്ണായക തീരുമാനം പങ്കുവച്ചുകൊണ്ട് ബാബുരാജ് എത്തിയത്.