തൃഷ കൃഷ്ണയുടെ ഏറ്റവും വലിയ ആഗ്രഹം? തീര്‍ച്ചയായും വിജയ് അതിന് സഹായിക്കില്ല, പിന്നെ ആര് സാധിച്ചു കൊടുക്കും?

Authored byഅശ്വിനി പി | Samayam Malayalam | Updated: 4 May 2025, 4:06 pm

തമിഴ് സിനിമയുടെ സൗന്ദര്യ റാണിയാണ് ഇന്ന് തൃഷ കൃഷ്ണന്‍. 42 ആം ജന്മദിനം ആഘോഷിക്കുന്ന തൃഷയ്ക്ക് ആശംസകളുമായി സിനിമാ ലോകത്തെ പ്രമുഖരും ആരാധകരും എല്ലാം എത്തുന്നു. ഈ സാഹചര്യത്തില്‍ തൃഷ കൃഷ്ണന്റെ ഇനിയും നടക്കാത്ത ഒരു ആഗ്രഹത്തെ കുറിച്ചാണ് ഇപ്പോള്‍ സോഷ്യല്‍ മീഡിയയിലെ ചര്‍ച്ച.
സിനിമകളിലൂടെ വന്ന് രാഷ്ട്രീയത്തിലേക്ക് ഇറങ്ങി, മുഖ്യമന്ത്രിയാവുന്നതാണ് തമിഴ് സിനിമാ ലോകത്തെ ചില വഴക്കങ്ങള്‍. ആ പാതയാണ് തൃഷ കൃഷ്ണനും ആഗ്രഹിക്കുന്നത്. തനിക്ക് തമിഴ്‌നാട് മുഖ്യമന്ത്രി ആവണം എന്ന് വര്‍ഷങ്ങള്‍ക്ക് മുന്‍പ് ഒറു അഭിമുഖത്തില്‍ തൃഷ പറഞ്ഞിരുന്നു. ജയലളിതയുടെ വലിയൊരു ആരാധികയായ തൃഷ, പത്ത് വര്‍ഷങ്ങള്‍ക്കുള്ളില്‍ താന്‍ തമിഴ്‌നാട് മുഖ്യമന്ത്രിയാവും എന്നാണ് പറഞ്ഞിരുന്നത്.

Also Read: ഞാന്‍ സിംഗിള്‍ അല്ല എന്ന് നസ്ലിന്‍; അനാര്‍ക്കലി നാസറുമായി പ്രണയത്തിലോ, ആരാണ് ഈ സുന്ദരി പെണ്‍കുട്ടി

എന്നാല്‍ ഇതുവരെ തൃഷയുടെ ആ ആഗ്രഹം നടന്നിട്ടില്ല. ഏത് രാഷ്ട്രീയ പാര്‍ട്ടിയായിരിക്കും തൃഷയുടെ ഈ ആഗ്രഹം സാധിച്ചുകൊടുക്കുക എന്നാണ് ആരാധകര്‍ ഉറ്റുനോക്കുന്നത്. തൃഷയുടെ ഉറ്റ സുഹൃത്ത് കൂടെയായ വിജയ് എന്തായാലും ഈ ആഗ്രഹത്തിന് കൂട്ടു നില്‍ക്കില്ല എന്ന് ആരാധകര്‍ ഉറപ്പിച്ച് പറയുന്നു.

Also Read: വിവാഹത്തിന് ശേഷമാണ് സുല്‍ഫത്ത് ആ സത്യം അറിഞ്ഞത്; മമ്മൂട്ടിയുടെയും ദുല്‍ഖറിന്റെയും വിജയത്തിന് കാരണമായ സ്ത്രീ, സുല്‍ഫത്തിന്റെ ജീവിതം

250 കോടി രൂപയോളം പ്രതിഫലം വരുന്ന സിനിമ പോലൊരു വലിയ ഇന്റസ്ട്രി ഉപേക്ഷിച്ച് ജനങ്ങളെ സേവിക്കണം എന്ന ആഗ്രഹവുമായി രാഷ്ട്രീയത്തിലേക്ക് ഇറങ്ങുന്ന വിജയ് യുടെ ലക്ഷ്യം തമിഴ്‌നാട് മുഖ്യമന്ത്രിയുടെ കസേരയാണ്. അത് അദ്ദേഹം തുറന്ന് പറയുകയും ചെയ്തിട്ടുണ്ട്. പിന്നെ എങ്ങനെ ആ കസേര തൃഷയ്ക്ക് വിട്ടു നല്‍കും.


തൃഷ ജയലളിതയുടെ വലിയ ആരാധികയായതിനാല്‍ ഒരു പക്ഷെ എഡിഎംകെയിലേക്ക് പോയേക്കാം. എന്നാല്‍ അവിടെയും ചെന്ന ഉടനെ മുഖ്യമന്ത്രി കസേര കിട്ടില്ല. പാര്‍ട്ടി പ്രവര്‍ത്തനങ്ങളിലൊക്കെ പങ്കാളിത്തം അറിയിച്ച്, സജീവ രാഷ്ട്രീയത്തിലേക്ക് ഇറങ്ങിയെങ്കില്‍ മാത്രമേ മുഖ്യമന്ത്രിയാവണം എന്ന തൃഷയുടെ ആഗ്രഹം സാധിക്കു. ഇനിയുമൊരു പത്ത് വര്‍ഷത്തിനുള്ളില്‍ എങ്കിലും തൃഷയുടെ ഈ ആഗ്രഹം നടക്കുമോ എന്നറിയാന്‍ കാത്തിരിക്കുകയാണ് ആരാധകര്‍.