തൃഷയുടെ പ്രാര്‍ത്ഥനയുടെ ഫലമോ? റിസള്‍ട്ടിന് മുന്‍പേ തിരുപ്പതി ദര്‍ശനം, നിറഞ്ഞ ചിരിയോടെ താരം

തൃഷ കൃഷ്ണന്‍ - വിജയ് ബന്ധം കൂടുതല്‍ ഉറപ്പിക്കുന്ന സാഹചര്യത്തിലേക്കാണ് ഇപ്പോള്‍ നടക്കുന്ന ചില കാര്യങ്ങള്‍. തെരഞ്ഞെടുപ്പ് ഫലം പുറത്ത് വരുമ്പോള്‍ സുനാമി പോലെ ആഞ്ഞടിയ്ക്കുകയാണ് വിജയ് യുടെ തമിഴ്‌നാട് വെട്രി കഴകം. ആദ്യ മത്സരത്തില്‍ തന്നെ ടിവികെ നേടിയ ഞെട്ടിക്കുന്ന വിജയം പലരും പ്രതീക്ഷിച്ചതിനും അപ്പുറമാണ്. ഇത് തൃഷ കൃഷ്ണന്റെ പ്രാര്‍ത്ഥനയുടെ ഫലമാണോ എന്നാണ് പലരുടെയും ചോദ്യം.

മെയ് നാലിന് തിരഞ്ഞെടുപ്പ് ഫലം എന്ന് പ്രഖ്യാപിച്ചപ്പോള്‍ തന്നെ ഇത് എല്ലാം ഓരോ നിമിത്തവും നിയോഗവുമാണ് എന്ന് പലരും പ്രവചിച്ചിരുന്നു. ആ ദിവസം തന്നെയാണ് തൃഷ കൃഷ്ണന്റെ ജന്മദിനവും. പിറന്നാള്‍ ആഘോഷവും തെരഞ്ഞെടുപ്പ് വിജായാഘോഷവും വിജയ് യും തൃഷയും ഒന്നിച്ച് നടത്തും എന്നായിരുന്നു അന്നേ പലരുടെയും പ്രവചനം. ആ രീതിയില്‍ തന്നെയാണ് ഇപ്പോള്‍ കാര്യങ്ങള്‍.

Also Read: എന്നും എന്റെ ആദ്യത്തെ പ്രണയം, സുന്ദരിയായ ഉമ്മിച്ചിയ്ക്ക് പിറന്നാള്‍ ആശംസകളുമായി ദുല്‍ഖര്‍ സല്‍മാന്‍

തെരഞ്ഞെടുപ്പ് ഫലം വരുന്നതിന് മുന്‍പേ തന്നെ തൃഷ തിരുപ്പതി ക്ഷേത്രത്തില്‍ ദര്‍ശനം നടത്തിയിരുന്നു. തിരുപ്പതിയിലേക്ക് പോകുന്നു എന്ന് പറഞ്ഞ് ഇന്‍സ്റ്റഗ്രാം സ്റ്റോറി പോസ്റ്റ് ചെയ്യുകയായിരുന്നു. ടിവികെ യുടെ കൊടിയുമായി സാമ്യമുള്ള ഒരു ഷാള്‍ ധരിച്ചാണ് തൃഷ ക്ഷേത്ര ദര്‍ശനം നടത്തിയത്. അതുകൊണ്ടു തന്നെ ഇത് പിറന്നാള്‍ സ്‌പെഷ്യല്‍ ക്ഷേത്ര ദര്‍ശനം അല്ല, വിജയ്ക്ക് വേണ്ടിയുള്ളതാണ് എന്ന് അപ്പോഴേ പറഞ്ഞിരുന്നു. ടിവികെയുടെ വിജയം ഉറപ്പിച്ച സാഹചര്യത്തില്‍ ആ പ്രാര്‍ത്ഥന ഫലിച്ചു എന്നാണ് ആരാധകര്‍ പറയുന്നത്. ക്ഷേത്ര ദര്‍ശനത്തിന് ശേഷം നിറഞ്ഞ ചിരിയോടെ പുറത്തേക്കിറങ്ങുന്ന തൃഷയുടെ വീഡിയോകളും പുറത്തുവരുന്നു.

Also Read: വിജയ് യുടെ റിസള്‍ട്ടൊക്കയല്ലേ, അതുകൊണ്ട് തൃഷയ്ക്ക് വരാന്‍ പറ്റിയില്ല; പരസ്യമായി കളിയാക്കി ധ്യാന്‍ ശ്രാനിവാസന്‍

ക്ഷേത്ര ദര്‍ശനം നടത്തി പിറന്നാള്‍ ആഘോഷിക്കാന്‍ പോലും നില്‍ക്കാതെ തൃഷ നേരെ എത്തിയത് വിജയ് യുടെ വീട്ടിലേക്കാണ്. വിജയ് യെ കാണാന്‍ തൃഷ എത്തിയ വീഡിയോകളാണ് സോഷ്യല്‍ മീഡിയയില്‍ പ്രചരിക്കുന്നത്. ഇതോടുകൂടെ വിജയും തൃഷയും എംജിആര്‍ -ജയലളിത കോമ്പോ ആവര്‍ത്തിക്കുകയാണ് എന്ന വാദം അടിവരയിട്ടു ഉറപ്പിക്കുകയാണ് ആരാധകര്‍. വിജയ് യുടെ വിവാഹ മോചന കേസോ, സംഗീതയോ ചിത്രത്തിലേ ഇല്ല എന്നതും ശ്രദ്ധേയം.