തെരുവു നായകള്‍ക്ക് എന്തെങ്കിലും സംഭവിച്ചാല്‍ പോലും കരയുന്ന ആളാണ് വിസ്മയ മോഹന്‍ലാല്‍; പ്രതികരണവുമായി മേജര്‍ രവി

വിയത്‌നാമില്‍ ഒരു തെരുവ് നായയെ ഒരാള്‍ അടിക്കുന്നത് കണ്ടപ്പോള്‍ മായ അതിനെ ദത്ത് എടുത്തു. ഇന്ത്യന്‍ ഗവണ്‍മെന്റിറ്റിന്റെ പെര്‍മിഷന്‍ വാങ്ങിച്ച് അതിനെ നാട്ടിലേക്ക് കൊണ്ടുവന്ന് ഇപ്പോള്‍ വീട്ടില്‍ വളര്‍ത്തുന്നു. അങ്ങനെയുള്ള മായയ്ക്ക് ഒരു കുട്ടിയെ ഉപദ്രവിക്കുന്നത് കണ്ടാല്‍ സങ്കടം വരും. അതിനോടാണ് മായ പ്രതികരിച്ചത്, അല്ലാതെ അത് പാറ്റ സംഘടനയ്ക്കുള്ള പിന്തുണയല്ല എന്ന് മേജര്‍ രവി പറയുന്നു

വിസ്മയയുടെ പ്രതികരണത്തെ കുറിച്ച് മേജർ രവി

നീറ്റ് പരീക്ഷ ചോര്‍ച്ച വിവാദത്തിന്റെ പേര് പറഞ്ഞുകൊണ്ട് നടക്കുന്നത് വാസ്തവത്തില്‍ രാജ്യദ്രോഹപരമായ കാര്യങ്ങളാണ്. അതിനായി വിദേശത്ത് നിന്ന് പണമൊഴുകുന്നതടക്കമുള്ള കാര്യങ്ങളുണ്ട്, പാറ്റ സംഘടന രൂപപ്പെട്ടതിന് പിന്നിലെ അജണ്ട മറ്റൊന്നാണ്, അതില്‍ വിദ്യാര്‍ത്ഥികള്‍ പെട്ടുപോയതാണ്. ഇതിനെ മുതലെടുത്ത് കോണ്‍ഗ്രസ് - മാര്‍ക്കിസ്റ്റ് പാര്‍ട്ടികളും രംഗത്തെത്തുന്നു. പരീക്ഷ പേപ്പര്‍ ചോര്‍ന്ന വിവാദത്തില്‍ വിദ്യഭ്യാസ മന്ത്രിയുടെ രാജി ആവശ്യപ്പെടുന്നത് ന്യായം, എന്തിന് മോദി ജിയുടെ രാജി ആവശ്യപ്പെടുന്നു. പ്രേക്ഷഭത്തില്‍ ഉയര്‍ന്ന് കേള്‍ക്കുന്ന മറ്റ് മുദ്രാവാക്യങ്ങളും പരീക്ഷയുമായി ബന്ധപ്പെട്ടതല്ല എന്നാണ് മേജര്‍ രവിയുടെ നിരീക്ഷണം.

ഞാനൊരു മോശം അമ്മയാണോ; സോളോ ട്രിപ്പില്‍ വിങ്ങി കരഞ്ഞ് പേളി മാണി, ശ്രീനി ഇല്ലാതെ പറ്റില്ല!
ഉറ്റ സുഹൃത്തായ മോഹന്‍ലാലിന്റെ മകള്‍ വിസ്മയ മോഹന്‍ലാല്‍ ഈ വിഷയത്തില്‍ പ്രതികരിച്ചല്ലോ എന്ന് എന്നോട് പലരും വിളിച്ച് ചോദിക്കുന്നുണ്ട്. എനിക്ക് ജനിച്ചന്ന് മുതല്‍ അറിയാവുന്ന കുട്ടിയാണ് മായ. ആ കുട്ടിയുടെ സ്വഭാവം എന്താണെന്നും എനിക്കറിയാം. അവള്‍ക്ക് രാഷ്ട്രീയത്തെ കുറിച്ചൊന്നും വലിയ അറിവ് ഇല്ല. വളരെ മനുഷ്യത്വമുള്ള ആളാണ്. കുട്ടിക്കാലം മുതലേ ഒരു നാല്‍ക്കാലി, ഒരു പട്ടി, ഒരു തെരുവുനായ ഉപദ്രവിക്കുന്നത് കണ്ടാല്‍ അതിന്റെ പുറകെ കരഞ്ഞുകൊണ്ട് ഓടുന്ന മായയെ ഞാന്‍ കണ്ടിട്ടുണ്ട്. അതിനെ രക്ഷിക്കീ, അതിനെ എടുത്തുകൊണ്ടുവരൂ എന്ന് പറഞ്ഞുകൊണ്ട്.