തെറാപ്പിയെക്കാൾ ഇത് ചെലവ് കുറഞ്ഞതാണ്, ലാഭവും; വേർപിരിയൽ വിവാദങ്ങൾക്കിടയിൽ തന്റെ ഹീലിങ് പ്രോസസിനെ കുറിച്ച് ആർതി രവി

Authored by: അശ്വിനി പി|Samayam Malayalam•26 Jul 2025, 11:08 am

നടൻ ജയൻ രവിയും ഭാര്യ ആർതിയും തമ്മിലുള്ള വിവാഹ മോചനത്തിന്റെ തർക്കം വൻ വൈറലായിരുന്നു. സോഷ്യൽ മീഡിയയിലൂടെ നടത്തിയ വാദപ്രദിവാദങ്ങളും പോസ്റ്റുകളും വൻ വൈറലായതിന് പിന്നാലെ, അത് അവസാനിപ്പിക്കണം എന്ന് കോടതി തന്നെ അറിയിച്ചു. ഇപ്പോൾ വിവാഹ മോചന നടപടികൾ നടന്നുകൊണ്ടിരിയ്ക്കുകയാണ്. ഈ സാഹചര്യത്തിൽ ആർതി രവി പങ്കുവച്ച പോസ്റ്റ് വീണ്ടും വൈറലാവുന്നു.

ഈ പ്രശ്നങ്ങളിലെ വേദനകളിൽ നിന്ന് ഞാൻ എങ്ങനെ പുറത്തു കടക്കുന്നു എന്നതിനെ കുറിച്ചാണ് ആർതിയുടെ പോസ്റ്റ്. തന്റെ ഇപ്പോഴത്തെ ജീവിതം എങ്ങനെയാണ് എന്ന് കാണിക്കുന്ന പത്തൊൻപത് ഫോട്ടോകളും, അതിനോരോന്നിനും അടിക്കുറിപ്പും എഴുതിയാണ് ചിത്രങ്ങൾ പങ്കുവച്ചിരിയ്ക്കുന്നത്.

Also Read: എന്റെ ജീവിതത്തിൽ ഇനിയൊരു വിവാഹം ഉണ്ടാവും എന്ന് കരുതിയില്ല, പ്രശാന്തും ഞാനും കുട്ടികളെ പോലെയാണ് ജീവിക്കുന്നത്- ലെന

മെഡിറ്റേഷൻ, യോഗ, വ്യായാമം, കുട്ടികൾക്കൊപ്പമുള്ള സമയം, വളർത്തു നായയ്ക്കൊപ്പമുള്ള സമയം, ഇഷ്ടമുള്ള ഭക്ഷണം കഴിക്കുന്നത്, വായിക്കുന്നത്, തനിക്ക് വേണ്ടി സമയം കണ്ടെത്തുന്നത് എന്നിങ്ങനെ പോകുന്നു ഓരോ ഫോട്ടോകളും.

അതിലൊന്ന് വിഷമങ്ങളും, ചിന്തകളും ഒരു പുസ്തകത്തിൽ എഴുതി വയ്ക്കുന്നതായ ഒരു ഫോട്ടോയും ഉണ്ട്. ഇങ്ങനെ ജേർണൽ ചെയ്യുന്നത് തെറാപ്പിയെക്കാൾ ചെലവ് കുറഞ്ഞതും ലാഭവുമാണ് എന്നാണ് ആ ഫോട്ടോയ്ക്ക് നൽകിയ ക്യാപ്ഷൻ. മാത്രമല്ല ഇത് സ്റ്റേഷനറിയിൽ ലഭിക്കും. പ്രശ്നങ്ങളിൽ നിന്ന് പുറത്തുകടക്കാനാണ് തെറാപ്പിയുടെ ഭാഗമായി കെനിഷാ ഫ്രാൻസിസിനെ കണ്ടുമുട്ടിയത് എന്നും സുഹൃത്തുക്കളായത് എന്നും ജയം രവി പറഞ്ഞിരുന്നു. അതിനെ കളിയാക്കുന്ന വിധമാണ് ആ ഫോട്ടോയും ക്യാപ്ഷനും.


ഗായക കൂടെയായ കെനിഷ ഫ്രാൻസിസ് ആണ് താനുമായുള്ള ജയം രവിയുടെ വേർപിരിയലിന് കാരണം എന്ന് ആർതി ആരോപിച്ചിരുന്നു. സാധാരണ ഭാര്യ- ഭർത്താക്കന്മാർക്കിടയിലെ പ്രശ്നങ്ങൾ മാത്രമേ തങ്ങൾക്കിടയിൽ ഉണ്ടായിരുന്നുള്ളൂ. എന്നാൽ അത് കെനിഷാ മുതലെടുത്തു. തെറാപ്പിസ്റ്റുമായി സൗഹൃദത്തിലായതോടെ, തന്നിൽ നിന്ന് അകലാൻ രവിയ്ക്ക് എളുപ്പമായി എന്നായിരുന്നു ആർതി രവി പറഞ്ഞത്. എന്നാൽ സൗഹൃദത്തിനപ്പുറമുള്ള ബന്ധമില്ല എന്ന് രവിയും കെനിഷായും ആവർത്തിച്ചു. ഇരുവരും തങ്ങളുടെ പുതിയ ആൽബം, യാത്രകൾ, ഷോകൾ എന്നിങ്ങനെ തിരക്കിലാണ്.